النصيب

بارت(13)

النصيب
🌻 evihadil 🌻

رهام:اني رهام بت عم الشيخ نمر مخلصه معهد تجارةاني سمرة وعيوني رصاصي وطويلة وشعري طويل و اني من نوع انطوائية كلش ومو اجتماعيه ماحب الجمعات وبالأخص جمعات عماتي كلها حقد وغيرة ونميمه من صار عمري ١٣ كمت مااطلع من البيت غير للضرورة مااحب اطلع اهم شي عندي اباوع مسلسل وأحط جبس وحلويات واتفرج من جانوا يسوون عزائم بيت الشيخ أو وحده من عماتي وعمامي مااروح وحجيت ويه امي وكلتلها وقبلت ولو بيدها هي هم متروح بس لخاطر أبوية عندي اخوان ٢ وخوات ٢ واحد من اخواني مزوج وعازل وخواتي اثنينهن مزوجات وحده مزوجه ابن عمي والثانيه مزوجه ابن عمتي ومشوفيهن الويل كمت اخاف من الزواج ومن كلشي واجى اليوم الي أبوية هداني بيه للشيخ نمر لان ازوج فصليته بالمحكمه واني جنت الضحيه هل مرة إلى متى نبقى احنا الضحيه وحجيت واعترضت حصلت كتله لان ميصير أعارض لازم اقبل وبيوم الخطبه مااجى ولا الحنه واني كاعده بس جسد بدون روح لان اعرف حكون مهموشة تعبت من البجي والحجي وكل مرة اعترض انكتل واجى يوم العرس واجى عريسي أخذني وحتى مباوع بوجهي ومن فتنا للغرفه عافني وراح نزل يمكن راح يم مرته نزعت البدلة وبقيت ابجي ليش هيج يعذبونه ومو مهم عدهم سعادتنا

شذى:كعدت العصر بس كلش مخنوگه كمت وملگيت بيبي يمي واذكرت نمر اخذت موبايلي جان داك عليه ودازلي رساله من لكه حبابه نسى صحابه اني ضحكت بس تذكرت اليوم عرسه انقهرت لان حياتي دتتحول تعبت حياتي تصير حلوة وراها تنهجم واني تعودت على نمر واريده طلعت غسلت جنت لابسه دشداشه حمرة نص ردن وفاتحه شعري وطولان وحاطه حمرة خفيفه ومسكارة رحت دورت على بيبي ماكو وماكو أحد بلبيت خابرت على عمو فرات كال بيبيتج ومرت عمج اخذتهن اكو مرة يعرفوها جابت وراحلها سديته وجهال عمي ماكو وطيبه وندى هم ماكو اختكنت كلش رحت كعدت بالحديقه عالمرجوحه  بقيت افكر هسه اكيد بدل وراح يجيب عروسته دزيتله رساله نمر دزلي صورتك خلي اشوفك شلابس خابرته وماكو ميرد رجعت راسي ليورة على المرجوحه وغمضت عيني واهز المرجوحه برجلي رحت بغير عالم اذكرت ايامي كلها واذكرت أبوية الي مشبعت منه وامي الي عافتني ومن يوم الي رحت بيه فصليه متواصلت ويا اهل امي وهما هم مسئلوا عليه وكامت تنزل دموعي حسيت يوم ورا يوم داخسر الاشخاص الي احبهم

مروان:رجعت العصر من الصيدلة احس قلبي يقرأ الف والبارحه حلمت بشذى حلم موزين رجعت للبيت فتحت باب البرا وشفت الي عذبت قلبي والي فراقها موتني رجعت حنيت ونسيت نفسي حاقد عليها مو من الحجي الكالته طيبه أو امي لان اني عندي ثقه بيها بس حقدت  لان ابتعدت عني  ومشتاقلها صار اشهر ومشايفها ومنظرها يخبل ... ليش اجيتي
شذى:بسم الله شوكت اجيت
مروان:شسوين أهنأ
شذى:اجيت اشوف بيبي
مروان:مشيت باتجاها ليش دتبجين
شذى:....
مروان:كعدت كبالها جنا حاطين كراسي گبال المرجوحه ... مرتاحه
شذى:يي الحمدلله
مروان:نسيتيني
شذى:يي
مروان:هه طبعا تنسيني من جنت وياج جنتي حاطتني احتياط
شذى:شنو هل حجي مروان شتخربط
مروان: اوعدج ياشذى راح اهدم حياتج مثل مهدمتيني وكسرتيني .. عفتها ورحت صعدت للغرفة وندى مموجودة تمددت وخليت ايدي على عيني ليش اجيتي ليش واذكر منظرها قلبي رجع يدك باسمها ضليت اضرب على قلبي كااافي كاافي تعبتني