في عمر الورد

2

مساكم الله بالخير حبايبي
.
.
.
.
.
.
درة : اجت ام مرتضى علينه توقعت اجت علمود خياط .. قدمت مي الهة
ام مرتضى: اني اجيت اخطب درة
ام درة : هلة بيج بس المن اني اعرف مرتضى خاطبين اله
ام مرتضى: اجيت اخطب الابن اختي اسمه حارث يشتغل ضابط عدهم خير من الله وابوهم عقيد هوة عمره 27 من (....)
ام درة : بس درة صغيره عليه
ام مرتضى : يمعوده يا صغيره عمرها حلو و هوة خوش ولد متلكون احسن منه
ام درة : اني اكول الابوهة ونرجعلكم جواب .. بس هوة الولد شايفهة يعرفهة 
ام مرتضى: يي شايفهة من وصل رحاب بنتي للمدرسه
ام درة : الي كاتبه الله يصير
ام مرتضى: نشالله
دره : اني ضليت مصدومه كولشي محجيت انتظرت امي تفتح الموضوع وياي بس ابد مفتحته لحد ما اجه بابه سويتله اكل وصبيتله جاي
ام درة : ابو محمد اليوم اجت ام مرتضى تخطب الابن اختهة
ابو درة : وهذ منو ابن اختهة شنو يشتغل وين بيتهم شكد عمره
ام درة : اسمه حارث عمره 27 و هوة ضابط وابوه عقيد بس هوة من ( ....... )  
ابو درة : جنهة خوش قسمه
ام درة : بس درة صغيره
ابو درة : لا جبيرة اخواتهة بعمرهة زوجن وهسة عدهن جهال و بيوت والبنيه مالهة غير بيت زوجهة
ام درة : والله صح كلامك
درة : تمنيت يصيحوني حته يشوفون رأيي بس محد صاحني
ابو درة : خابريهة باجر كليلهة خل نشوف الولد
ام درة : خل نشوف درة نفكر اكثر
ابو درة : هية صغيرة ومتعرف تاخذ قرارهة واني بناتي ما يكسرن كلامي
درة : بقيت الليل كله افكر
ام درة : ثاني يوم خابرت ع ام مرتضى وكلت الهة وتفقنه باجر يجي الولد واهله
درة : ثاني يوم اجه الولد حته اشوفه (الرؤيه الشرعيه )  دخلت لغرفه الي كاعدين بيهة بس ميته من الخوف والتوتر كعدت يم مامه و هوة كدامي بس يباوع عليه منزل عينه
حارث : رحت اني و أبويه و امي و اختي الجبيرة حته نشوف البنيه وبعدها طلعنه منهم رحنه البيت خالتي... امي اقتنعت بيهة تقريبا واختي و أبويه كالو وافق مبينه خوش بنيه و حلوة... بعد منتظرين ردهم  

ابو دره : ام درة شنو رأيج مبينين خوش ناس والولد مو قاصر هيبة و حلو وعنده فلوس   
ام درة : بعد القرار قرار درة
ابو دره : احنه ماعدنه القرار بيد بنيه
ام درة : جوز ممقتنعه انطيهة مجال
ابو درة : دره تعالي
دره : هاا بابه
ابو درة : انتي موافقه
درة : بابه ما اريد ازوج بعدني صغيره
ابو دره : غير هذ العذر ماكو .. ترة انتي اول وتالي تزوجين
درة : بس بابه ما أريده
ابو درة : تلكين احسن منه حمدي الله اجتج هيج قسمه
درة : بس بابه اني مموافقه ما أريده لا تجبرني
ابو دره : انتي شنو تكسرين كلمتي
درة : لا مو اكسرهة بس ما أريده
ابو درة : لا تردينه ترة اني منطيج مجال هواي لاتخليني اتصرف
درة : بابه ابوس ايدك ما اريد ازوج
ابو درة : كومي منا 
درة : عفتهم ورحت ضليت ابجي .. ما اريد ازوج بعدني صغيره وهذ أكبر مني وبيته بعيد عن اهلي اني ما أريده اريد اكمل دراسه عندي احلام عندي طموح حالي حال البنات علمود هوة عنده فلوس راح يورطوني ☹ .. ورة يومين امي كالت الهم احنه موافقين  و بعد اسبوع خطبتي خابرت ع اخواتي واجن النه ضليت هذ الاسبوع عبارة عن تعب وبجي وقلق لحد ما اجه يوم الخطوبه
لبست فستان مخصر ع جسمي وبسيط لونه وردي فاتح ومكياج بسيط بالصالون بس ابد مفرحانه 💔

حارث : الاسبوع كله بس افكر بدرة وشكلهة وتفاصيلهة و من نزوج كلشي خططت اله
لحد ما اجه يوم  الخطوبه لبست بنطلون وقميص وسترة طلعت حلو 😻🌚 الخطوبه كلش بسيطه بس اني و امي وابويه والشيخ لان احنه بيت خالتي منكدر كلنه نجي بس فتحنه كامرة ويه اخواني وزوجاتهم و اخواتي همة هناك هم مسوين حفله 
درة : دخل حارث كعد يمي بس اني كولش ضايجه حته ابتسامه متطلع مني
حارث : (قربت ع إذن درة) طالعه حلوة
درة : اني من دون شي كارهتة نوب خفة دم .. عفته ودرت وجهي
حارث : صدك تنرفزت من تصرفها بس كلت احتمال تستحي دخل الشيخ عقد النه و امي وخالاتي ضلن يهلهلن شويه ضلينه كاعدين وبعدها طلعنه
درة : حسيته حباب راح احاول احبه هوة ما اله ذنب  قررت اعيش حياتي واتقبلهة .... بعد مرور أسبوعين اشترالي فون حته اتواصل وياه رحوبه صديقتي علمتني ع الفون
حارث : دزيت فون بيد مرتضى حته يدزو الدرة و رحاب بنت خالتي علمتهة عليه لان متعرف  .. بس صراحه متوقعت الهدرجة كلشي متعرف .. اتصلت عليهة ردت عليه ضلينه نسولف طبيعي بس هية هواي تعصبني وتنرفزني  
درة : صراحه مينطاق حارث كلش عصبي وبس يغلط ويصيح يحسسني اني بلا قيمه و هوة احسن مني ما حبيته ودائما مشاكل .. خلص تعبت قررت اكول البابه ونفسخ الخطوبه
درة : بابه اريد احجي وياك بموضوع
ابو درة : خير كولي
درة : بابه ما اريد حارث فدوة افسخ الخطوبه ما اكدر اتحمله عصبي وبس يغلط عليه هاي اني خطيبته وهيج اذا نزوج شون
ابو درة : انتي كح*به تردين تفضحينه بين الناس شنو تفسخين انتي بعد نخطبتي فكري بزواجج ماعندي بنيه تفسخ تردين ضلين عانس
درة : ( صدك نفجرت من كلام بابه ) لا اني مو كح*به شخص ماكدر اتحمله ومن البدايه كلت ما أريده ولا راح أريده اني اكره ما احبه ... بابه موتني كتل مامه بالكوة فرغتني منه ضليت ابجي كلش تعبت...... عندي 3 خيارات يا اكول اله ما اريدك بلكت اخلص منه يا اتقبل حياتي لو انتحر واخلص .. قررت اكول اله خابرت عليه
حارث : الوو
درة : هلو حارث اريد احجي وياك
حارث : احجي
درة : اني نغصبت عليك أبويه جبرني واني ما اريدك
حارث : ليش عندج غيري
درة : لا ماعندي والنبي بس اني ما احبك انته حيل عصبي وتغلط عليه ومتحترمني فدوة افسخ الخطوبه انته لان أبويه ميقبل
حارث : ( اني اسمعهة وكمت افور ) شوفي ولج انطيتج مجال زايد احترمي نفسج احسن من تحجين وياي وزني كلامج والعرس بعد اسبوعين روحي كولي الابوج .. اني الي انرفض حقيره 
درة : يي ارفضك انته مكروه وعصبي ومتنحمل
حارث : ترة اجي اكص لسانج
درة : سديت الخط وعفته
حارث : سدت الخط واني ركعت التلفون بالكاع تكسر
اخذت فوني الثاني واتصلت ع ابو درة كتله .....
.
.
.
كلمات :940
تصويت + تعليق