في عمر الورد

32

هلاو

بعد مرور 3 اشهر

يوسف : عشت وحدي اجرت شقه بيهة اثاث شويه قديم بس مرتبة حلوة وصرت من الدوام للشقه حتى جماعتي ما اطلع وياهم كوله وحدي ما احب اي شخص حتى امي صرت ما اسئل عليها اهلي يتصلون عليه دائما بس ما ارد عليهم كاره الدنيا كولهة درة ما اعرف اخبارهة بس فارس كال طلعت من المستشفى
ورايحه هية وروئ لاربيل

درة : حاولت انسه يوسف و ما افكر بيه بس ما اكدر يوميه بليل اطلع محادثاتنه وصورة واصل ابجي بس اريد اعرف أخباره بي شي بس ماكدر هوة ميريدني ...... خلصت العطله  وقرب الدوام مصاريفي حيل كثرت وامي كامت متكدر سد احتياجاتي رحت شفت صالون حتى اشتغل بي بس ما قبلوني لأن عندي دوام الصبح وهوة يبدي دوامهم الصبح ضليت احاول اشوفلي شغله اكو بوتيك هم رحت اله و قبلو انو ورة الدوام اشتغل يمهم

يوسف : كعدت الصبح بدلت ورحت للمستشفى ورجعت وامي اتصلت عليه
يوسف : الوو هلا يمه شونج
ام يوسف : شنو يمه هيج هنت عليك وعفتني لا تخابرني لا تسئل لا تجي للبيت 
يوسف : يمه انتوو كسرتوني شنو تردون اتقبل الوضع عادي ؟ يمه بنيه واعدهة بالزواج وصار 3 سنوات وياهة تخيلي موقفي حسيت نفسي مو رجال  بسببي تمرضت وتعبت واني هم تعبت ليش يمه هيج سويتي بيه ؟
ام يوسف : يمه المصلحتك اني هية مبينه مو خوش بنيه
يوسف : يمه انتي تعرفينهة شايفتهة حاجية وياها ؟ ليش ضلمينهة كرهيهة بس لا تمسين شرفهة
ام يوسف : يمه فدوة ارجع للبيت اني كولش تعبانه ومريضه واريد اشوفك قبل لا اموت
يوسف : بعيد الشر عليج يمه ليش هيج تحجين
ام يوسف : لأن اني احس هاي ايامي الأخيرة واني ادري بيك أنته زعلان عليه
يوسف : يمه اني ما ارجع للبيت إذا تردين اخذج الاي دكتور اخذج للمستشفى بس ما ارجع للبيت اني نفسيتي تعبانه
ام يوسف : الله لا يوفقهة شمسويه بيك من السحورة
يوسف : استغفر الله اسم الله عليها ليش يمه مو خطيه فوك ما وكفتي ع قسمتنه  والبنيه تحطمت فوكاهة تدعين عليهة
ام يوسف : والله اني خايفه عليك
يوسف : اني مو طفل لا تخافين عليه زواج ومراح ازوج بعد شنو تريدين مني
ام يوسف : لا ليش ما تزوج ألف وحدة تتمناك وين يلكن مثلك
يوسف : واني ما اريد هل ألف وحدة اريد بس درة طلبي مو صعب
ام يوسف : اني اريد أخطب الك
يوسف : يمه محتاجه شي اني اريد اطلع ؟
ام يوسف : لا بس ما تريد تعرف منو
يوسف : لا ما اريد يلا مع السلامه
ام يوسف : اخ منك يوسف
يوسف : سديت الخط وسويت اركيله وضليت أدخن مادري شوكت راح يخلص هل وضع ونعيش اني ودرة حياة حلوة ليش هيج الدنيا عاكسه ويانه اريد اخابر درة اسمع صوتها بس اخاف عليهة تتحطم مرة ثانيه ماريدهة جرب الشعور مرتين

درة : خابرت صاحب البوتيك ولغيت الشغل يمكن يوسف راح يضوج اذا اشتغلت عاملة بالبوتيك اني عندي امل كولش جبير نرجع مثل قبل واحسن ونزوج ضليت دائما ادعي بصلاتي انو نرجع سوه لأن احبه مو شي سهل انسه حب سنوات حتى لو هوة ميريدني هسة اكيد راح يتندم ويرجع حاليا هوة عصبي وضايج مني بس من يهداء راح يرجعلي