هلاو
درة : يمكن حس انو هوة غلطان وحب يراضيني .. كمت اسوي اكل
حارث : درة
درة : درت وجهي اباوع ع حارث لابس بنطلون وستره ومسوي شعره وكامش البوكس بأيده عرفت يعني هذ مو الي و توقعاتي جانت مجرد احلام
حارث : لا تحسبين حسابي ع الاكل اليوم طالع
درة : قبل لا تطلع أخذني الأهلي اني ما ابقه وياك
حارث : عود من ارجع نتفاهم
درة : لا هسة تاخذني والله اذا طلعت احرك نفسي والبيت والي بي
حارث : كلت من ارجع اوديج
درة : لا هسة .. ليش من ترجع خايف ع الحب مالتك ينتظرك ؟ لو تريد تونس نفسك واني متحملة ألهم والالم؟ تأخذني يعني تأخذني
حارث : ميت عليج اني يلا كومي اليوم الي ترحين بي بالنسبه إليه عيد
درة : طبعا غير اكو بديل .. رحت حظرت جنطه بيه ملابسي واشيائي وبدلت ملابسي يلا كملت
حارث : روحي صعدي بالسيارة
درة : رحت صعدت بالسيارة و حارث هم .. اليوم متأنق لمنو ؟ معقول خربت عليك موعدك ؟
حارث: اسكتي لا ادفنج لسانج هذ يراد اله كص
درة : اعصابك هذ كوله علمودهم
حارث : يي علمودهة ت اقل احسن منج تحبني وتهتم بيه وتفهمني
درة : واني هم جنت احبك واهتم بيك وافهمك بس انته واهلك بشنو جازيتوني؟
حارث : اهلي ما ذكريهم ع لسانج
درة : هوة اصلا بعد ما اذكرهم طول عمري لا انته ولا همة
حارث : ترة اني هم ما اريدج مليت من اسلوبج الجاف
درة : ع اساس اسلوبك الحلو
حارث : كافي سكتي
درة : وصلنه البيت اهلي .. حارث عموري يبقه يمي
حارث : لا ميبقة هذ ابني
درة : حارث الطفل صغير لا دخله بمشاكلنه
حارث : واني أنتهى كلامي ابني يبقه يمي
درة : اوك انته الي راح تتأذه مو اني ابقه ع عنادك
حارث : يي هذ ابني
درة : يلا انزل وياي
حارث : ما انزل يلا دخلي كدامي للبيت
درة : تمام .. بست عموري وانطيته الحارث
حارث : اخذي وياج
درة : صدووك؟
حارث : يلا نزلو ثنينكم كدامي
درة : اخذت عموري و غراضي ونزلت .. دكيت الباب طلعتلي امي
ام درة : اليوم الشمس مين طالعه ههههه
درة : هلو مامه شونج
ام درة: زينه الحمد لله تعالي دخلي وين هل غيبه
درة : هوة راح ابقى يمج بعد طول العمر هههه
ام درة : شبيج درة ؟
درة : تعاركت اني و حارث
ام درة : ليش
درة : عادي بعد ما ارتاح اسولفلج حاليا تعبانه وجسمي يوجعني
ام درة: ضاربج ؟
درة : تعالي شوفي جسمي صاير بي من الضرب
ام درة : زين ليش
درة : سولفت الامي كول الي صار
ام درة : هذ ميستاهلج هل حقير عوفي ما طول انتي ماعندج طفل منه
درة : مامه اكو هواي صارت بهاي الأشهر الي ما اجيت بيهن
ام درة : باجر الصبح نروح للمحكمه نشتكي عليه
درة : يي مامه
ام درة : و ابنه يجي يأخذه
درة : لا مامه فدوة هذ ابني والله ماكدر بدونه
ام درة : عاجبج الوضع الي انتي بي صارلج ٧ اشهر هاملج ومينطيج مصرف ويضربج ويهينج ع شنو باقيه وياه باعي درة ماعدنه شي نخسره لا ضلين خايفه
درة : نشالله
ام درة : روحي خلي اغراضج بالغرفه ورتاحي
درة : يي مامه
ام درة : اني اعلمك يا حارث الله لا يوفقك ليش هيج مسوي بنتي ..
درة : سمعت مامه تخابر بحارث
ام درة : الوو
حارث : الوو هلو خاله شونج
ام درة : تعال اخذ ابنك اني ما اتحمله
حارث : ترة اني ابني ردت اخذه ودرة ما قبلت
ام درة : تعال هسة اخذ ابنك
حارث : يي جاي بالطريق
ام درة : سديت التليفون
درة : مامه ليش هيج سويتي ليش تحطميني أكثر
ام درة : ع شنو احطمج أكثر روحي شوفي نفسج شوفي وضعج ضلي فكري بغيرج وانتي محد معبرج
درة : بس الطفل ما اله ذنب صغير وما عنده ام
ام درة : لعد ليش ما فكر بأبنه قبل لا يسوي هيج بيج
درة : حضنت عموري وضليت ابجي.. والله ماكدر اعوفه
حارث : اتصلت عليه ام درة حتى اخذ عموري فريت السيارة ورجعت اخذت ابني ورحت البيت اهلي
ام حارث : هلة يمه شونك
حارث : هاا يمه تمام انتي شونج
ام حارث : ع الله .. هذ الحلو اليوم وياك
حارث : يي عموري جايج خطار راح يبقى يمج كم يوم
ام حارث : هلا بي بس شكوو ؟
حارث : ماكو شي
ام حارث : لعد درة وين
حارث : يم اهلهة
ام حارث : متعاركين موو
حارث : يي يمه متعاركين
ام حارث : ليش يمه
حارث : بعدين نحجي حاليا عندي طلعه .. طلعت رحت التقيت باسراء
حارث : هلو
اسراء : هلاوات حارث شونك
حارث : زين الحمد لله وانتي
اسراء : تمام .. ليش تأخرت عليه
حارث: صارت وياي مشكله
اسراء : مشكله شنو
حارث : تعاركت اني وزوجتي
اسراء : ليش
حارث : خل ننسة الموضوع
اسراء : براحتك
حارث : تعاركت وياهة لان مسوتلي اكل
اسراء : صدووك؟
حارث : يي
اسراء : هية زوجتك ولازم تقوم بواجبك انته غير تجي تعبان من الشغل شنو متعرف
حارث : يمكن راح ننفصل
اسراء : ختولي متستاهلك وانته بعد هذ قرارك
حارث : مادري حرت المشكله و عمار متعود ع امه
اسراء : انته مو كلت هوة مو ابنهة
حارث : انتي متعرفين شون درة تحبه وتهتم بي مثل ابنهة وأكثر هوة متعود عليهة من عمره يوم هوة بحضنهة
اسراء : اها بس يكدر يتعود ع غيرهة لان بالنهاية هية مو امه
حارث : لا مستحيل .. حسيت نفسي ضلمتهة لان المشكله متستاهل وهية فعلا جانت مريضه
اسراء: اذا انته ملتقي بيه علمود تحجيلي ع درة اني رايحه
حارث : غير صديقتي واسولفلج
اسراء: بس تدري بيه اني احبك و ممعتبرتك صديق
حارث : بس اني كتلج اني مزوج وعندي طفل
اسراء : وشنو يعني الشرع حلل اربعه
حارث : باعي اني هم احبج بس ماكدر اسوي شي لان مزوج وماريد اورط نفسي كافي درة عليه
اسراء : اني اترخص
حارث: ثواني دنسولف
اسراء : انته تحبني واني هم احبك ع شنو بعد باقين هيج خل نزوج
حارث : تخلص المشكله مالتي وبعدين افكر بالزواج
اسراء : تمام
حارث : تعالي نصعد بالسيارة
اسراء : ليش
حارث : مثقين بيه ؟
اسراء : لا اكيد اثق
الكلمات : 884
أنت تقرأ
في عمر الورد
أدب نسائيقصة فتاة مجبرا ع الزواج من رجل لا تحبه .. هل ستصمد على العذاب وماذا سيحصل لاحقا
