في عمر الورد

12

هلاو♥️
.
.
.
.
.
.
.
.
.
تليفون ابو حارث : ابوك سوه حادث هوة وبنيه تعال للمستشفى
جعفر : شنوو ... ابويه؟
تليفون ابو حارث : تعال بأسرع وقت
جعفر : سديت التليفون وخابرت ع حارث و وسام رحت للمستشفى أبويه بالعنايه المشدده ميقبلون نشوفه و رهام دخلوهة الصالة الولاده بس حالتهة خطرة

حارث : خابرني جعفر أبويه مسوي حادث هوة و رهام رحت للمستشفى بس كلبي يوجعني احس اكو شي راح يصير كعدت وخليت اديه ع راسي وغمضت عيوني سمعت صوت درة كول حسبي الله ونعم الوكيل بيكم وتبجي فتحت عيوني ماكو درة .. يربي معقول هاي دعوات درة .. لا لا نشالله ماكو شي طلعت الدكتورة رحت آلهة

الدكتورة : الف مبروك وين ابو الطفل
حارث : إني ابوه بس زوجتي بيها شي
الدكتورة : وضعهة مو مستقر بعده انتو ادعولهة
حارث : عادي اشوفهة آلهة؟
الدكتورة : يي عادي بدل وادخل

حارث : دخلت لرهام كمشت ايدها وبستهة .. رهام حبيبتي صار عدنه يلا كعدي شوفي .... حبيبتي شنو نسمي ؟ ( جهاز تخطيط القلب بده يطلع صوت وصار خط طلعت للدكتورة صحتهة طلعوني من الغرفه وضلو يحاولون وياهة حته يرجع نبضهة )

الدكتورة : للأسف فقدنه المريضه

حارث : لا فدوة دكتورة والله احبها فدوة حاولي ماكدر بدونهة وابنه منو يربي رهام حبيبتي كعدي لا تعوفيني والله ما اكدر اعيش بدونج ربي أخذني ولا تاخذهة ... كله بسببي ماريد الطفل أريد رهام ترجع الي

وسام : رهام ماتت بس حارث كلب المستشفى بصوته والبجي مالته بالكوة كمشناه إني و جعفر عبالك طفل ويبجي حيل أنهار
حارث : ولكم راحت مني وعافتني وحدي فدوة كلولي عايشه ما ماتت
وسام : يخويه كول يا الله ... والله حرام الي جاي سوي
جعفر : كافي حارث انته رجال

حارث : ولكم قطعه من كلبي راحت والله ما شبعت منهة .. بعد منو يتعارك وياي منو يغار عليه منو من ارجع للبيت اشوفه كدامي ويضحكلي والله فراكهة مو سهل

درة : اجت عليه زهراء وعبير عافن جهالهن يمي كالن عمو مسوي حادث كلت الهن خل اروح وياجن مقبلن كالن باجر انتي روحي

جعفر : خابرنه ع امي كلنه الهة أبويه مسوي حادث بس مكلنالهة مرت حارث ماتت .. اجت امي و ومرتي وعبير وبكر و عرفو رهام ماتت وصارت فاتحه بالمستشفى من العياط والبجي مالتهن

وسام : سويت شهادة وفاة الرهام الله يرحمها واخذناهة غسلولهة ودفنوهة بس وضع حارث يكطع الكلب
درة : رهام ماتت خطيه وحارث خطيه وضعه حيل صعب كاعد بالفاتحه و بس يبجي .. خلصت الفاتحه والطفل كله عندي و بس يبجي ماعرف اسكته .. بس الطفل يجنن يشبه امه حته عيونه خضر و ابيض عبالك ملاك

مشت الايام عادي وصار يوم السابع مال رهام

زهراء : هاا درة شونه الطفل
درة : حته ماكدر انام بس يبجي خطيه
زهراء : خطيه
درة : حارث وينه ...الطفل محد كبر اله ولا سمو
زهراء : حارث مثل الأسد المجروح هسة ما انصحج تحجين وياه عوفي لحد ما هوة يحجي وياج
درة : بس الطفل خطيه
زهراء : والله مادري بعد
درة : باجر نروح نشوف عمو
زهراء : يي جعفر هم كال
درة : لعد وين عبير
زهراء : تغسل الجهالهة
درة : الطفل صار اسمه عمر لان رهام الله يرحمها عاجبهة هذ الاسم بس حارث ابد ميجي للبيت حته ابنه ميشوفه عمو طلع من المستشفى مابي شي الحمد لله

بعد مرور شهرين ..

حارث : اعتزلت كل شي الشغل كمت ما اروحله ولا درة حته الطفل ما شفته ابد إمي دائما كول روح شوف ابنك بس إني أخاف اشوفه ماكدر
درة : كعدت الصبح بدلت العموري ونضفت البيت داطبخ اكل وحسيت الباب نفتح طلعت اشوف ..
حارث : استجمعت قواي ورحت البيت درة حته اشوف عمر ابني
درة : هلو حارث شونك
حارث : زين ع الله انتي شونج
درة : تمام
حارث : دخلت الصاله وشفت عمر نايم رحت يمه بس ختنكت حسيت هاي رهام .. شلته بأيدي و بسته وحضنته وضليت ابجي
درة : حارث حضن ابنه وضل يبجي واني كعدت يمهم وضليت ابجي وياه اول مرة اشوف حارث بهل انكسار فعلا جانت مهتمة بي و ممقصره وياه صح اذتني بس ما أذت حارث ابد
حارث : درة تدرين قبل لا تموت رهام غمضت عيوني وسمعت صوتج تكولين حسبي الله ونعم الوكيل بيكم .. ليش ما سامحتيهة
درة : بس إني ابد ما حقدت عليهة أو كرهتهة و إني مسامحتهة
حارث : كل شي صار بسببج
درة : حارث اهداء إني قابل الي سويت الحادث كلشي قضاء وقدر وهاي قسمة رب العالمين
حارث : لو ما داعيه ذاك اليوم هسة هية يمي
درة : بس إني من دعيت بوقتهة ضايجه منك ومنهة لان ظلمتوني وانته أذيتني
حارث : لمي ملابسج تروحين الاهلج
درة: هاا .. وعمر
حارث: عمر ابني لو ابنج
درة : ابنك .. بس
حارث : يلا كومي
درة : تمام .. كمت لميت ملابسي وبدلت و وصلني البيت اهلي نزلني و هوة راح منزل .. دكيت الباب ع اهلي
ام درة : حمودي الباب يندك مامه كوم اطلع
حمودي : فتحت الباب اختي درة اجت
درة : هلو حبيبي .. دخلت حضنت امي و بستهة
ام درة : منو جابج
درة : اجيت وحدي ههههه
ام درة : لا والله
درة : حارث وصلني وراح
ام درة : لعد ليش ما دخل
درة : حارث ميريدني
ام درة : شوه يعني ميريدج
درة : من مرته ماتت ولحد اليوم هوة ابد ما اجه للبيت كله يم اهله و ابنه يمي اليوم اجه يكول انتي دعيتي ع مرتي و ماتت
ام درة : شنو قابل انتي سويتي الحادث هذ شي من رب العالمين و الله ما كاتب آلهة تعيش
درة : تعودت ع عمر شون راح اعوفه
ام درة : انتي صدك تحجين شو ما مهتمة راح تطلكين وانتي تفكرين بعمر
درة : مامه هذ الطفل طلعني من عالمي خلالي امل بالحياة انو اعيش حته اربي
ام درة : زين درة ماكو غير هذ السبب
درة : لا والله يا مامه هوة فجأة اجه للبيت وتعارك وياي إني هم حجيت وياه بس هوة كال لمي ملابسج
ام درة : مجاي تدخل عقلي السالفه
درة : اكولج مامه إني جوعانه شمسيه اكل
ام درة : مسويه دجاج وتمن
درة :😋 مشتاقه الطبخج
ام درة : يلا تعالي ساعديني
درة : شنو هاي مامه اول يوم الي يمكم
ام درة : انتي زعلانه لازم تشتغلين
درة : تمام ع اساس إني هناك ما اشتغل
ام درة : اكلج من يجي ابوج ضلي ابجي وسوي روحج ضايجه ترة اليوم يسويهة علينه عرس ههههه
درة : يي والله هههههههه .... سهلة عود من يجي اضل ابجي
حارث : رجعت البيتنه اخذت عمر الامي بس ميقبل يسكت 24 ساعه يبجي زهراء يمنه سكتته ونام
درة : اجه بابه و سولفت اله الي صار هوة ضل ساكت ...
.
.
.
.
.
.
كلمات : 970
ممكن تصويت للقصه كولش ماكو تفاعل ☹