هلاو
درة : تغيبت عن للمعهد مدة اسبوعين عموري صار احسن والحروق كولهة طابت الحمد لله و طبعا حارث يوميه يتصل يطمن ع عموري بس اليوم اني اتصلت عليه
حارث : الوو هلا درة
درة : هلو حارث شونك
حارث : تمام الحمد الله وانتي
درة : تمام أكولك حارث
حارث : كولي
درة : حارث راح اخلي عموري بالحضانه فقط وقت دوامي
حارث : لا ما اقبل درة انتي كلتي اني راح اترك المعهد وابقى يم عموري
درة : ماكدر اترك دراستي حارث اني ماعندي شي غير الدراسه
حارث : درة حارث يرجع الي
درة : بس حارث هوة راح يبقى مجرد كم ساعه
حارث : و اني ما اعرف بهل كم ساعه ابني شنو راح يسوون اله أو شنو راح يصير بي
درة : ع اساس انته جنت تدري ابنك شنو يصير بي ممهتم اله مجرد رسميات كدامي وكدام الناس بس انته ابنك اصلا ما تدري بي
حارث : ابني يرجع وميبقه يمج و بعد بالأحلام مشوفي
درة : حارث خلص اترك الدوام
حارث : مو شغلي ابني اليوم اجي اخذه
درة : تمام تعال اخذه بس اني ادري انته مهمل و راح تركه ومتهتم بي
حارث : شي خاص بيه و انتي مو امه
درة: سديت الخط بوجهة ورحت يم عموري حضنته.. انته الي ما اخلي حارث يأخذك انته ابني عموري لا تعوفني
حارث : سديتي الخط بوجهي اني اعلمج .. صعدت سيارتي ورحت لبغداد
ام درة : مامه حمودي الباب يندك روح فتحه
حمودي : يي مامه ... منو
حارث : اني
حمودي: فتحت الباب .. كول عمو
حارث : أريد عموري ابني
حمادي : هسة اصيح درة ... درررة هذ عمو ابو عموري يريد عموري
درة : مامه اجه حارث ياخذ عموري
ام درة : اطلع اله لو انتي
درة : اني راح اطلع ... هاا حارث؟
حارث : أريد ابني
درة : هسة احضره الك .. رحت بدلت العموري وحضرت ملابسه وحضنته ونطيته الحارث
حارث: شكرا
درة : ع شنو
حارث : لأن خليتي عموري يمج وهتميتي بي
درة : هذ ابني و لا انته ولا غيرك يكول هذ مو ابنج
حارث : يلا مع السلامه
درة : بست عموري من ايده وهوة ضل يبجي عبالك حس انو راح نفترق وبعد ما نلتقي .. راح حارث واني سديت الباب وضليت ابجي
ام درة : هيج احسن درة ؟ شنو ستفاديتي؟ هذول ناس ما يغزر بيهم كولشي
درة : لا كلام .. رحت الغرفتي ونمت .. اني بس انقهر كبل اروح انام .. كعدت الصبح الساعه 5 ميته عطش وجوعانه كمت اكلت ودرست صارت ساعه 7 ونص رحت للدوام وصلت هناك بس اني عقلي مو براسي مجرم روح و تمشي اني عموري بالنسبه الي كولشي مو فقط طفل اني ربيته لا أكثر حارث سلب مني أكثر شي احبه حارث دمر ضحكتي وفرحت و طفلي الي احبه حارث جان الشخص الشرير الي بحياتي مو البطل صرت أكره شي اسمه رجال احس الكل يخون والكل حقير مثله ...
روئ : درة شبيج
درة : مابيه شي
روئ: لا مستحيل بس صافنه وعيونج حمل ومنتفخات و مو ع بعضج
درة : شويه عندي مشاكل
روئ : و اني صديقتج المفروض تسولفين اليه
درة : طليقي اخذ ابنه
روئ : شنووو ع اي اساس ياخذه
درة : روئ عادي نسد الموضوع راسي راح ينفجر
روئ : ماشي
درة : اكولج روئ اني سامعه الي يطلع الأول يكمل طب موو؟
روئ : يي صح بس ليش ؟
درة : هذ حلمي الجديد
روئ : مستحيل مكدرين ترة وانتي الحد الآن بس غيابات شنو مفتهمة من المواد
درة : نشالله افهم راح احاول
روئ : نشالله
درة : خلصت الاستراحة ودخلنه للقاعات كملت دوامي و رجعت للبيت غسلت ونمت
أنت تقرأ
في عمر الورد
أدب نسائيقصة فتاة مجبرا ع الزواج من رجل لا تحبه .. هل ستصمد على العذاب وماذا سيحصل لاحقا
