في عمر الورد

21

هلو
.
.
.
.
.
.
.
.
.
درة: حارث رجعني للبيت والطريق كوله ساكتين لحد ما وصلنه للبيت نزلت سبحت وتمددت و حارث جاب عموري من زهراء كعدت العصر حضرت جنطه بيهة ملابسي واشيائي  وبدلت ملابسي وكلت الحارث حتى ياخذني الاهلي
حارث : درة حضرت نفسهة حتى تروح الاهلهة بس حسيتهة تاخذ بروحي .. درة و عموري ما فكرتي بي ؟ شون راح يعيش من دونج؟ درة ترى انتي امه العموري هوة من فتح عينه ع الحياة شافج انتي درة لا تعوفيني تدرين بيه اني احبج وماكدر  بدونج درة انتي حياة بالنسبه الي
درة : اني ولا شي بالنسبه الك لو تحبني جان ثقيت بيه 
حارث : صيري بمكاني وشوفي شنو راح سوين
درة : بس انته قتلت طفلي الي بطني انته حرمتني من شي اني حبيته للحضه حارث انته مو اول مرة تحرمني بس هاي جانت اصعب مرة اني ما اكدر اتقبلك
حارث : خلص انسي حارث فكري بعموري
درة : والله هوة الي واكف بعيني مابيدي شي ماكدر اعوفه
حارث : كافي لا تبجين يلا نطلع
درة : خلص ما اروح  .. بس بشرط
حارث : شنو شرطج؟
درة : احنه بعد متربطنه اي علاقه اني وياك عايشين سوة علمود عموري و انته عيش حياتك مثل ما تريد  روح زوج ارتبط حب اي شي سوي
حارث : لا كلام
درة : موافق ؟
حارث : اوك موافق
درة: رحت دخلت الغرفه وسديت الباب وضليت ابجي لحد ما تعبت 
حارث : عفت البيت وطلعت ضليت اسبوع انام بالمركز ما ارجع للبيت اهلي يخابرون ما ارد عليهم ضايج من كولشي
درة : حارث طلع من البيت بس ما رجع بعد واني وحدي بالبيت واخاف وصار عندي نزيف و كولش تعبت و حتى ما الي خلك العموري
حارث : رجعت للبيت سبحت ودرة سوت الي اكل بس متحجي وياي .. درة
درة : لا كلام عفته ورحت
حارث : موو داحجي وياج
درة : مهتميت اله عفته وحدة يحجي
حارث : درة تعالي هنا داحجي وياج
درة : نعم شتريد
حارث : درة شبيج خلص انسي الي صار
درة : احنه أنفقته وخلص الموضوع ماريد احجي وياك
حارث: لا تعصبيني كعدي كدامي خل نتفاهم
درة : ماريد
حارث : درررة😠
درة : تريد اسولف موو؟ تريد انسه ؟ تريد نتفاهم ؟ وين هذ حجيك من صارت المشكله ؟ وين تفاهمك؟ ليش ما سولفت وياي ؟
حارث : خلي نفسج بموقفي واني حيل متندم ع الي صار و هوة خارج ارادتي
درة : ترة انته هواي خليتني بنفس هذ الموقف وسكتت وتحملت .. كولشي ما صار بعينك ولا لحضه حلوة سويتهة وياك تكول خليج بموقفي ؟ واخوك ما شفت احد حاسبه ولا شفتك زعلت منه او ضربته .. تحملت سوء فهمك كوله اني وحدي واني مغلطانه تحملت الم ضربك والم الجهاض و الم كلبي الي حبك اني ندمانه ع كل لحضه سامحتك بيهة  .. طالعه من المستشفى صار اسبوع ما شفتك وكفت وياي صار  اسبوع كامل ما جربت تتصل وتطمن عليه مبين عليك الندم حارث حيل مبين عليك
حارث: لا كلام
درة: رحت كعدت يمه .. حارث انته تدري بيه اني احبك وماكدر بدونك ليش صار أسبوع عايفني وحدي واني انزف ليش ما حاولت تبقه يمي بس هل فترة
حارث : كلت اعوفج وحدج حتى ترتاحين
درة : شكرا لأنك عفتني وحدي باصعب ايامي حتى ارتاح .. عفته ورحت للغرفه

             بعد مرور 7 اشهر ..

درة : اني و حارث علاقتنه سطحيه و هوة أغلب الوقت خارج البيت وحتى من يجي للبيت يضل بالشارع يخابر وحتى مرات كدامي .. والله احس نفسي مخنوكه لا اكدر ابقه ولا اكدر اعوف عموري
لا اكدر احجي وياه واكوله ليش تخوني ولا اكدر اسكت حتى احسه دائما يحاول يتعارك وياي وكوة يريد يسوي مشكله .. اني احبه ماكدر والله اموت من اشوفه يحجي ويه بنت ☹💔

حارث : صرت اضوج من البيت درة متريدني واني هم ابتعدت عنهة تعرفت ع بنيه تشتغل سكرتيرة بمجمع عمرهة 30 سنه بس حلوة ممبين عليه عمرهة 30 اسمهة اسراء احسهة حيل تفهمني دائما اسولف الهة مشاكلي وشنو يصير وياي اسراء مزوجه ومنفصله عن زوجهة
درة : كعدت من النوم مثل كل يوم غسلت ونضفت و وكلت عموري حاليا كولش متعبني لان صار يمشي و 24 ساعه اركض وراه .. اجه حارث من الدوام سويت اله اكل
حارث : رجعت للبيت سبحت ودرة سوت الي اكل تغديت وكعدت اشوف تلفزيون
درة : حارث كعد يباوع ع تلفزيون رحت كعدت يمه لان اريد فلوس اشتري ملابس العموري واني لان عموري ملابسه صارت صغار عليه واني ملابسي كولش قديمات .. حارث اريد فلوس
حارث : شسوين بيهن
درة : اريد اشتري ملابس العموري واني
حارث : ماعندي انتي دبري وضعج
درة : شنو دبري وضعج انته حتى مصرف صرت متنطيني
حارث : ماعندي فلوس شسويلج
درة : ترى انته ضابط وعندك راتب ليش ماعندك فلوس
حارث : شنو تحاسبيني انتي لو حاسدتني هذ الموجود عاجبج لو لا
درة : ترة عموري ابنك واني مرتك  غصب تنطينه مصرف وتوفر احتياجاتنه
حارث : مو انتي الي تعلميني بمسؤولياتي فهمتي لو لا
درة : لا مفهمت
حارث : كلت ماعندي فلوس يلا ولي عن وجهي
درة : تمام
حارث : رحت العصر للسوق واخذت عموري وياي اشتريت اله ملابس ورجعت للبيت
درة : ضجت من حارث وتصرفاته وياي مادري شوكت راح يحس ع نفسه
حارث: درررة تعالي شوفي هاي الملابس قياس عموري
درة : حارث وين تريد توصل
حارث : خير شكو
درة : يعني شنو معناها من اخذت عموري واشتريت اله ملابس
حارث : ابني واشتريت اله
درة : و اني؟ موو مرتك
حارث : شسوين بالملابس هذن ملابسج حلوات عليج ابقي بيهن
درة : انته ليش هيج ذالني ومتحترمني؟ اني شنو سويت
حارث : باعي راسي يوجعني و اريد اطلع بعدين نكمل نقاش
درة : طلع حارث واني ضليت ابجي لحد ما نمت ما ادري بنفسي والجو كولش بارد صخنت وضليت ارجف وراسي موتني من الالم كعدني حارث يريد اكل
درة : حارث راسي يوجعني وجسمي حيل حار
حارث : شبيج
درة : يمكن انفلونزا
حارث : عادي سهلة كومي سويلي اكل اريد انام
درة : اكولك مريضه انته متحس؟
حارث : انتي مرتي وغصبا ما عليج كومين سوين الي اكل
درة : من تكون زوج الي بعدهة كول مرتي
حارث : اني زوجج وغصب هم
درة : ما اكوم اسوي سم
حارث : سم بكلبج.. هاي ع منو
درة : رحت للمطبخ و هوة صاح بصوت عالي
حارث :  هاي ع منو ؟
درة : لا كلام
حارث : رحت للمطبخ كمشتهة من شعرها حيل .. ع منو السم ؟
درة : ضليت ابجي .. عليك
حارث : عليه موو خوش رحت للغرفه جبت الحزام وخلصت عليهة من الكتل
درة : حارث جاب الحزام و كتلني بس جسمي كوله صار احمر وبنفسجي و حتى اكو اماكن جرحت وطلع منهة دم ويوجعني بقيت بمكاني نايمه للصبح بس ميته من البرد وماكدر اكوم من الالم    فزيت ع شخص يلعب بشعري طلع عموري
درة : هاا حبيبي مامه كعدت تعال بحضني .. اخذت عموري بحضني وضليت ابجي واغلط ع حارث  لحد ما تعبت .. كمت بدلت ملابسي لان ماكدر اسبح المي يحركني واني مصخنه كولش رجع حارث من وقت وبيده بوكس هدية يجنن دخل للغرفه واني كولش فرحت يمكن حس انو هوة غلطان

الكلمات: 1040