في عمر الورد

25

هلاو

درة : رحت نمت كعدت الصبح رحت للمحكمه اني ومامه وتنازلنه عن الدعوة و خابرت حارث واتفقنا باجر نروح للمحكمه وثاني يوم رحت للمحكمه ونتهى كولشي 
حارث : كعدت الصبح رحت للمحكمه اني و أبويه كملنه الأوراق وطلعنه شفت درة بالحديقه مالمحكمه تبجي ويمهة امهة اني عفتهم وصعدت بالسيارة رحت للبيت   
درة : كعدت بالحديقه ابجي وامي حيل عصبت عليه
ام درة : يلا كافي بجي هوة ميستحقج انتي هواي انطيتي فرص
درة : بس مامه
ام درة : درة خلص  
اوس : درة خل نكمل الأوراق
درة : تمام .. مسحت دموعي وعدلت نفسي وكمت
اوس : خليج قويه صح قرارج صعب بس راح تخلصين من المعاناة الي انتي بيهة
درة : نشالله
ام درة : يلا مامه كملي وحتى نرجع للبيت
درة : يي مامه .. وقعت ع اخر ورقه وطلعت رجعت للبيت سبحت ونمت بدون اي تفكير مشاعري كلهة ماتت بس دائما اشتاق العموري اذكر صوت ضحكته ومن يبجي حتى مرات اكعد بالليل حتى اغطي واذكر هوة مو يمي

     بعد مرور اشهر ...

درة : قربت المدرسه وقدمت ع الثالث خارجي حتى امتحن احسن ما ضاله هيج وضعي ونجحت بمعدل 88 نقبلت معهد تمريض و باجر اول يوم الي اداوم 😍 رحت اشتريت ملابس كوومه وعطور واكسسوارات ومكياج.. قررت خلص بعد اعيش حياتي واصلا الكل عايش حياته مثل ما يريد حارث زوج ومامه راح تزوج اصلا امي بغير وادي مو يمنه يوميه تطلع هية وخطيبهة حتى المراهق مو مثلهة و راتب مالتهة ومال اخواني كوله تصرفه هية وخطيبهة و متبقي ألهم مصرف كوله اني اصرف عليهم من الفلوس الي أنطوني ياهة مال مهري 
درة : كعدت الصبح بدلت ورحت للدوام وكفت ع الشارع انتظر سيارة تفوت حتى تنقلني تأخذني للمعهد صعدت سيارة وصلت للمعهد وكملت يومي عادي المعهد كوله بنات وصارن عندي صديقات رجعت للبيت سويت اكل وتغديت و درست اخواني وبعدها سويت عشه ومامه رجعت هية وخطيبهة طبعا اني علاقتي بمامه بعد ما خطبت صارت مو تمام كوله نتعارك و وحدة تعصب ع الثانيه المهم رحت نمت واخذت اخواني نومتهم كعدت ثاني ع صوت تليفوني زهراء تتصل عليه رديت عليهة
درة : هلاو صباح الخير
زهراء : صباح النور شونج
درة: تمام وانتي
زهراء : تمام .. درة
درة : هاا عمري 
زهراء : درة حارث كال اتصل عليج لان عموري هسة بالمستشفى كدرين تجين ؟
درة : شنوووو عموري ابني شبي
زهراء : محترق جسمه
درة : شنو الي حرقه
زهراء : مرت حارث عايفه الغلايه ع النار و هوة رايح يمهة ومحترق جسمه وكع عليه المي
درة : اني هسة جايتكم
زهراء : تمام عمري انتظرج
درة : بيباي كلبي .. كمت بدلت وخليت ميك اب ع الخفيف وكلت المامه ورحت للمستشفى الي بيهة عموري وصلت هناك لكيت حارث و زهراء و عمه
حارث : اجت درة بس حيل متغيره كولشي متغير بيهة شكلهة لبسهة و حتى جسمها صايره حلوة  
درة : شونج عمه
ام حارث : لا كلام
درة : رحت الزهراء حضنتهة وكمت ابجي
زهراء : كافي حبيبتي
درة : والله خايفه عليه
زهراء : لا نشالله مابي شي
درة : اامين .. حارث ليش ما درت بالك عليه هاا؟ جنت مخليته بعيوني
حارث : ليش هوة منو الي عافه
درة : اني ما عفته ولحد هاي اللحضه معايفته دائما اسئل عليه واكول الزهراء دزلي صوره
حارث : درة ما الج الحق تحاسبيني
درة : لا الي الحق هذ مثل ما ابنك ابني
ام حارث : هيي انتي مو جايه حتى تتعاركين وتعلين صوتج ما عاجبج يلا بره عموري ابنه مو ابنج 
درة : وينكم عنه من ماتت امه ما شفت واحد اخذه شمرتو عليه وخليتوني اتحمل مسؤوليته بحجة هذ ابنج عموري ابني وغصب هم
حارث : لا تعلين صوتج ع امي
زهراء: حارث كافي درة كافي
درة : كعدت بعيد عنهم منتظرين الدكتور يطلع حتى نعرف شنو وضعه
حارث : نزلت جبت عصير الدرة لان حسيت بيهة مماكله شي .. درة اخذي
درة : ماريد
حارث : درة اخذي بلا عناد
درة : حارث شون احترق عموري
حارث : مادري فزيت ع صوت عموري لكيته محترق بس مرتي كالت اني ناسيه الغلايه مشتغله
درة : حارث انطيني عموري
حارث : درة ماكدر هذ ابني وثانيا اني مو سمعت انتي درسين
درة : يي ادرس معهد
حارث : ماكدر انتي مشغوله من الصبح لحد الظهر منو يبقه يمه
درة : اترك المعهد ماريد ادرس ابقى يم عموري حارث اني ماكدر اشوفه هيج متأذي
حارث : مادري درة افكر 
درة : حارث ميحتاج الهة تفكير اني مقتنعت بسالفه انو هوة محترق بالغلايه
حارث: ههه لا محترق بالغلايه
درة: المهم مو شغلي ابني يعيش يمي
حارث : كلت افكر .. طلع الدكتور
درة : هاا دكتور شون صار
الدكتور : لا الحمد لله مابي شي ضمدنه الحروق الي بجسمه
درة : يعني ماكو شي خطر
الدكتور : لا ماكو شي خطر الحروق الي بجسمه %10 يعني شي طبيعي لا تخافون
حارث : زين والعلاج
الدكتور: هسة اكتب اله العلاج وكدرون طلعونه
حارث : شكرا دكتور نكدر نشوفه غير
الدكتور : يي عادي
حارث : يلا تعالو ندخل
درة : رحت دخلت للغرفه عموري كبران صاير عمره 3 سنوات ونص رحت بسته وضليت ابجي متحملت اشوفه بهل وضع صدره ورجليه
حارث : رحت جبت العلاج و بعد نطلعه من المستشفى
درة : حارث فكرت ؟
حارث : لا درة متاخذي
درة : اوك براحتك بس امانه بالك عليه .. عمه فدوة بالج ع عموري
ام حارث : لا كلام
زهراء : حبيبتي عموري بعيونه لا تخافين عليه واني يوميه اطمنج عليه
درة : يي حبيبتي فدوة .. بست عموري وطلعت بس كولش مختنكه رحت للمغاسل غسلت وجعي وطلعت من المستشفى أجرت تكسي بس اني طول الطريق بس ابجي
ابو التكسي : شبيج اختي صاير وياج شي
درة : لا
ابو التكسي : تفضلي هذ مي شربي
درة : شكرا .. وصلت للبيت دفعت الحساب ونزلت دخلت للبيت
ام درة : ليش تاخرتي
درة : لا كلام رحت لغرفتي نمت .. كعدت الغروب رحت للمطبخ اكل و سمعت صوت بالغرفه مال ضحك وسوالف رحت للغرفه لكيت امي و صديقتها سلمت عليهم ومامه كالت ابقي كاعده
ام درة : درة تعاي عندي موضوع وياج
درة : هاا
ام درة : درة بلا هل اسلوب
درة : كولي شنو تردين لان جوعانه
ام درة : اني باجر اروح اعقد عقد شيخ واني و زوجي نكعد هنا
درة : مامه بعدين نتناقش بهل موضوع
ام درة : ماكو غريب هاي اخت خطيبي
درة : أها اخت خطيبج الي يضحك عليج
ام درة : درة 😠
درة : مامه كافي ترة مبين يضحك عليج ماخذج للونسه هوة شنو صارف عليج كوله انتي وفوك كول هذ راح يعيش وياج بالبيت ليش ؟ طبعا لان ما عنده مكان ولا مصرف وماخذج حتى صرفين عليه
ام درة : احترمي نفسج درة
درة : وين راتب اخواني ؟ كوله انتي صارفته ع خطيبج مامه شويه فكري ثانيا انتي متفكرين عندج بنيه مطلقه بالبيت شون تخلين رجال غريب يعيش وياهة
ام درة : انتي آخر شخص يحاسبني ع الراتب او ع حياتي
درة : اوك هذ بيت أبويه متعيشون بي
ام درة : لا نعيش بي اني شنو شفت من ابوج غير الإهانة والبخل جان حابسني وممهتملي ميصير اعيش حياتي
درة : مامه منو لازمج عيشيهة بس مو بهل طريقه تدرين اخواتي ازواجهم بكل عركه يذكرونج مامه احنه الناس تهينة وتضحك علينه بسببج
ام درة : و اني شعليه بالعالم
درة : زوجج مدري خطيبج ميعيش هنا بيت أبويه
ام درة : لا يعيش هنا
درة : أول ما يدخل اني اشتكي عليه لان هوة رجال غريب ويدخل البيتنه وانتو مراح يصير بينكم عقد محكمه وخلي المحكمه تقطع الراتب عنج و هوة يعوفج ويروح .. مامه ترة هوة ميت ع فلوسج وبيتج والله ميحبج
ام درة : درة روحي الغرفتج
درة : رحت للغرفه وضليت ابجي .. مادري ليش مامه مصره عليه هوة لو يحبهة صدوك مياخذ منهة مصرف ولا يعيش يمنه 

الكلمات: 1140