هلاو
بعد مرور اسبوعين ....
درة : مامه زوجت وعدت الايام طبيعي هية و زوجهة واني اداوم بالمعهد ... رجعت من الدوام واني بالطريق اتصلت عليه زهراء
درة : الوو
زهراء : هلاو درة شونج
درة : تمام وانتي
زهراء : الحمد لله
درة : شونه عموري
زهراء : درة عموري بالمستشفى الحروق مالته ملتهبة و وضعه شويه خطر
درة : شنووو ؟
زهراء : لج والله خطيه هل طفل عمره كوله ما فرح درة حرام الي دسوو انتي و حارث وياه
درة : زهراء مو وقت كلامج اني جايتكم .. نزلت من السيارة وصعدت تكسي أخذتني للمستشفى .. وصلت للمستشفى
زهراء : هلو درة
درة : هلاو عمري شون صار عموري هسة
زهراء : يكول الدكتور الحروق حيل ملتهبة لان ما معقمين جروحه و مسبحينه فملتهب الحرق
درة: وين حارث ؟
زهراء : إذا تردين تتعاركين وياه بليز رجعي للبيت
درة : يي طبعا اتعارك ليش هيج الطفل
زهراء : درة حبيبتي مو وقت عرك ثانيا من دون شي حارث متعارك ويه مرته حاليا والبنيه راحت الاهلهة
درة : ليش
زهراء : لان حارث كال الهة ميصير عموري يسبح ولازم يتعقم يوميا وذا مكدرين اخلي يم امي او زهراء وهية كالت اله لا اني اعقمه وهية ابد متعقم وفوك كول هذ مسبحته يعني حالت عموري كولهة بسببهة
درة : مدري شكول زهراء الله يسامحهة
حارث: وضعي من عفت درة ولحد الان لا اكل طيب لا معامله حلوة ولا بيت نضيف و عموري 24 ساعه وصخ و مو بس هاي ابد ما توفقت بحياتي يعني عشت من بعد درة مأساة .. رجعت الغرفه مالانتظار لكيت درة موجودة
درة : حارث ليش ما خليتني اخذ عموري عجبك الي كاعد يصير
حارث : درة عموري مو ابنج واني ماكدر انطيه الج
درة : لا ابني عموري .. حارث عموري يرجع وياي ما اتحمل اشوفه بهل وضع اذا انته مستعد تخسره اني ما مستعده
حارث : اوك اخذيه بس درة لو عموري صار بي شي انتي الي تتحملين المسؤوليه
درة : تمام ... درة ضليت لحد الساعه 8 بليل و مامه كوومه تتصل عليه .. زهراء راحت وبقينه بس اني و حارث وكال الدكتور كدرون طلعونه لان طمنه ع وضعه
حارث : يلا درة نطلع
درة : حارث اخذ عموري وصعدنه بالسيارة خليت عموري بحضني حارث وكف نص الطريق اشتره اكل الي و اله
حارث : درة باجر اجيبلج ملابس عموري و مصرف اله
درة : تمام .. وصلنه البيت نزلت اني وعموري و حارث راح للبيت
ام درة : وينج من الصبح الحد الان طالعه .. منو هذ الطفل ؟؟
درة : هذ عموري
ام درة : و منو الي سمحلج جيبي للبيت
درة : اني سمحت النفسي ع اقل هذ طفل مو رجال غريب
ام درة : درة انتي ليش هيج السانج طويل وياي
درة : مامه هذ ابني وثانيا هوة حاليا مريض ماكدر اعوفه بعد الوضع ياريت تتفهمين وتعوفيني بحالي
ام درة: طبج مرض من يصير بي شي منو يتحمل مسؤوليته
درة : اني ... دخلت الغرفتي خليت عموري ع الجربايه و وكلته ونطيته علاج ونام
حمودي : درة منو هذ ؟
درة : حبيبي هذ ابني
حمودي : بس انتي ماعندج
درة : لا هذ ابني عموري الي من جنت اجيكم و هوة وياي متذكره
حمودي : هاا يي عرفته
درة : يي حبيبي يلا تعال نام انته هم
حمودي : بس باجر عندي املاء واني ما قريت
درة : حمودي والله تعبانه
حمودي : ☹ المعلمه تضربني اذا اخذ صفر
درة : يلا تعال ندرس .. درست اخويه وكملنه رحت نمت يم عموري .. كعدت الصبح سويت ريوك المامه و زوجهة و اخواني وكعدتهم همة وعموري وكلت عموري
ام درة : درة اليوم ماكو دوام ؟
درة: يي غير جمعه
ام درة : و من ترحين للدوام منو يبقه يم عموري
درة : راح اخذ اجازه هل اسبوعين وبعدها اكوم اخلي بالحضانه بس وقت الدوام
ام درة: هاا تمام
درة : يي .. اخذت عموري بدلت اله وعقمت الجرح مالته وخليت اله مرهم
صديقة درة : الو
درة : هلو حبيبتي شونج
صديقة درة ( روئ ) : تمام وانتي
درة : تمام
روئ : لج ماكو بالمعهد هل يومين بيج شي
درة : لا ماكو شي بس شوي عندي ضروف
روئ : ضروف شنو ؟؟
درة: أخذت ابني من زوجي وهسة هوة يمي ومريض
روئ : سلامته
درة : محترق جسمه
روئ: عززا خطيه
درة : الحمد لله
روئ : زين وبعد راح تركين الدراسه ؟
درة : اكيد لا بس باجر راح اجي اخذ اجازه اسبوعين
روئ : وانتي تتوقعين راح ينطوج اجازه اسبوعين
درة : لعد شسوي ماكدر اترك ولا اكدر اعوف ابني
روئ : يلا تعالي و شوفي
درة : يي انشالله
روئ : درة عندج فيس ؟
درة : لا
روئ : سوي حتى نتواصل اني وياج
درة : ماشي
روئ : يلا عمري اترخص
درة : هلو بيج حياتي اخذي راحتج
روئ : بأي
درة : بأي ... كملت يومي طبيعي صار ليل نمت وكادت من الصبح بدلت العموري واخذته الاختي اتفقت وياها البارحه حتى يبقى يمهة واني هم بدلت ورحت للمعهد .. وصلت للمعهد و ما قبلو ينطوني اجازه ضليت كاعده بالكافتريا منتظره صديقتي
روئ : طلعت من المحاضرة رحت يم درة .. هلو
درة : هلو
روئ: شونج
درة : زينه وانتي
روئ : تمام .. يلا كومي نطلع نفتر
درة : شنو ماعدنه محاضرات
روئ : لا اكو بس تعالي وياي ومعليج
درة: روئ شكو ؟؟
روئ: بس تعالي واسكتي
درة : طلعت اني و روئ رحنه للسنتر كعدنه ناكل و اكو ولد بس يباوع عليه اني مهتميت اله .. روئ أريد اروح للحمامات
روئ: تمام
درة : رحت للحمامات غسلت وطلعت لكيت هذ الولد واكف يم للحمامات رجعت وهوة صاحني
الولد : يبنيه
درة : عفواً وياي
الولد : يي وياج
درة : تفضل
الولد : انتي بيا قسم مشايفج بالجامعة ابد
درة : اني مو بالجامعه بالمعهد
الولد : هاا اسف
درة : لا عادي مصار شي .. رجعت يم روئ.. لج روئ روئ
روئ : هاا شبيج
درة : هذاك الولد شوفي
روئ : وينه
درة : ثول انتبهي الي لابس قميص اسود
روئ: يي شفته فدوة يجنن
درة : لج جان كاعد كدامنه ونوب من طلعت من الحمامات لكيته كدامي وحجه وياي
روئ: شنو كال الج ؟
درة : سئلني كال انتي يا قسم
روئ: كبر عبالي موضوع مهم
درة : امشي نطلع اني اخاف ابقه
روئ: شبيج درة ترى ما اكلج بس حجه وياج
درة : عفيه استحي
روئ: امشي يلا نطلع
درة : تمام .. طلعنه من السنتر روئ رجعت للمعهد واني صعدت تكسي للبيت أخذت ابني من اختي ورجعت للبيت سويت اكل وتغدينه
الكلمات : 930
لاتنسون تعليقاتكم الحلوة والتصويت
نشالله البارتات الجايه بيها أحداث حلوة واسفه داتاخر عليكم بس وربي يعني شويه بالي متشتت وعندي مشكله اني وصديقي ونفسيتي زفت احاول استمر وياكم ♥️♥️
أنت تقرأ
في عمر الورد
ChickLitقصة فتاة مجبرا ع الزواج من رجل لا تحبه .. هل ستصمد على العذاب وماذا سيحصل لاحقا
