في عمر الورد

20

Hi

زهراء : درة حبيبتي شبيج شنو صاير
درة : زهراء الي جنت خايفه منه صار 😭 ليش حارث ميثق بيه والله ما خنته
زهراء : اعرف بيج يعمري بس كولي شنو صار
درة : بكر دخل للبيت واني كول ضني هذ حارث رحت اشوف وطلع بكر و هوة تحارش بيه وباسني ودخل حارث زهراء والله اني مالي ذنب فدوة سوي شي والله اني مغلطانه شنو ذنبي طفلي مات و حالتي تكسر الخاطر بسبب ذنب اني مسويته
زهراء : كافي حبيبتي لا تبجين انتي مبينه نضلمتي
درة : اني ما اريد شي حتى حارث ما أريده بس اريد حريتي من هذ البيت اني من اجيت وحياتي كولهة مشاكل وتعب وقهر والله تعبت ماكدر ابقه هنا
زهراء: زين عادي هسة حارث يحجي وياج وسولفين اله كول الي صار ؟
درة : يي عادي
زهراء : تمام رايحه اصيحه
حارث : زهراء كالت تعال احجي ويه درة ورحت .... هاا درة
درة : حارث عادي نسولف
حارث : ليش انتي بقيتي حجي بينه
درة : بس حارث اني مغلطانه اني جنت منتظرتك حته اكولك اني حامل وسويت مفاجئة الك وخليت عموري يم زهراء و هوة فتح الباب مادري شون والله  مادري حارث والله هوة جان اكو بأيده مفتاح واني كول ضني انته  و هوة تحرش بيه واصلا هاي مو اول مرة يتحرش بيه
حارث : ( بصوت عالي ) وانتي ليش ما كلتي 😠
درة : والله خفت من المشاكل واني مسولفت بس الزهراء لان ماريد صير مشكله بسببي
حارث : بس درة اني شفت بعيني
درة : والله هوة اخوك تحرش بيه والله اني ما الي ذنب اني حته فون ماعندي حته اتواصل وياك او وياه او ويه اهلي حارث انته تعرفني كول الزين انته الباب تقفله قبل لا تطلع اني بعد شون عندي علاقه وياه حارث والله مالي ذنب 😭
حارث : درة اني ضابط ومستحيل ينضحك عليه واني اكيد راح اعرف منو الغلطان بس يجون اخواني ويصير خير
حارث: يلا زهراء نرجع للبيت
زهراء : بس حارث و درة انعوفهة وحدهة
حارث : والجهال وين يبقون ؟
زهراء : يي صح بس و درة خطيه
حارث : زهرااااء كلت يلا

حارث : رجعت للبيت لكيت الميز عليه كيكه ومكتوب عليهة حارث ويمهة ورقة تحليل حمل.. مادري بس حسيت نفسي كولش ظلمت درة اني واثق منهة حته اني وتخاف مني بس المشكله اني شفت شي ميروح من بالي .. بس هية مستحيل تخوني ..  اكو كامراة مراقبه يم الباب رحت فتحتهن مابيهن شي
رحت تمددت كعدت ع صوت التليفون وسام متصل بيه يكول تعال البيت أبويه
رحت للبيت ولكيتهة عالكه أبويه و امي عرفو بالموضوع وامي تحجي ع درة وابويه متعارك ويه امي
حارث : شكو صاير
وسام : اني سولفت الابويه وامي
حارث : استغفر الله وتالي وياكم عاجبكم الي صار
جعفر : بس احسن همة يعرفون
حارث : وين بكر
جعفر : نايم بغرفته
حارث : حجيتو وياه ؟
جعفر : لا هسة راح يكعد وكولنه نكعد نحجي ونفهم منه  
ابو حارث : حارث تعال
حارث : هاا أبويه 
ابو حارث : ابني لا تسرع بقرارك افهم الموضوع اول
حارث : ان شاء الله
وسام: رايح اصيح بكر
جعفر : تمام
جعفر : حارث شنو راح سوي لو طلع بكر هوة الغلطان ؟
حارث : كل انسان يغلط و هوة اخويه الصغير راح اسامحه
جعفر : إذا هذ قرارك ليش هيج سويت بدرة وابنك الي بطنهة
حارث : درة تفرق هاي زوجتي ذاك اخويه اي شخص بمكاني راح يسوي نفس السويته واني جنت بحالة عصبيه
جعفر : مادري حارث بس انته هواي غلطان بتصرفك مالبارحه
وسام : تعالو دخلو أبويه يريدنه جوة
حارث : دخلنه كعدنه بالصاله
ابو حارث : بكر سولف الي صار
بكر : درة ما الهة ذنب اني جنت شارب وشفت حارث طلع من البيت وعندي المفتاح وفتحت الباب ودخلت 
ابو حارث : متاكد من كلامك ؟
حارث : بس..
ابو حارث : اسكت حارث من يجي دورك احجي
بكر : يي متاكد و اعترف اني غلطان
ابو حارث : تحلف انته و درة بالقرآن
جعفر : ع شنو يحلفون
ابو حارث : بكر يحلف ع هذ كلامه ودرة تحلف ع كلامها حتى ميبقى شك بالموضوع
حارث : بكر ليش هيج سويت مو اني اخوك المفروض اني أمنك ع عرضي مو انته تخوني واني طالع
بكر : لا كلام
حارث : اني مسامحك بس انته لا اخويه ولا اعرفك
.. يلا اني اترخص ( صدك ختنكت وضجت يعني اخويه هيج يسوي بيه)
ابو حارث : وين
حارث : للبيت رايح
ابو حارث : لا نأخذ بكر ونروح للمستشفى يحلفون  
حارث : ما اله داعي
ابو حارث : يعني تكسر كلمتي
حارث : لا يابه ما عاش الي يكسر كلمتك
جعفر : حارث خليهم يحلفون احسن 
حارث : يلا نطلع .. وصلته للمستشفى لكيت هناك زهراء وعبير
درة : اجه حارث وابوه وإخوانه وحتى بكر (كلبي ضل يدك سريع ومتت من الخوف .. اكيد بكر قلب الموضوع عليه )
زهراء : جعفر شكو شنو صاير ؟
جعفر : بكر يكول اني جنت شارب واني الغلطان
زهراء : صدوك عززا خطيه درة
عبير : شكو زهراء
زهراء: بعدين اسولفلج
ابو حارث: هلة بنيتي درة شونج
درة : مثل مشوف حالي
ابو حارث : اريدج سولفيلي كول الي صار وممنوع جذبين عليه
درة : تمام ( سولفت اله كول الي صار)
ابو حارث : تحلفين ع هذ كلامج
درة : اكيد .. حلفت ع القرآن  وبكر هم حلف وطلع بس كولش فرحت لان صرت بريئة
ابو حارث : يلا اني رايح
جعفر : واني هم
بكر : واني هم عبير ترحين ؟
عبير: يي اروح وزهراء هم
حارث : الكل راح بقيت اني و درة .. درة
درة : نعم
حارث : درة اني اسف ع الي سويته البارحه انتي تدرين بيه عصبي وما اتحمل
درة: حارث ابوس ايدك اسكت اني بعد ما ابقه وياك   كافي الي شفته منكم كولكم اذيتوني اني ماكدر اعيش يمكم
حارث : وتعوفيني اني وعموري
درة : عموري ابوه يزوج ويجيبله ام جديده عادي
حارث : واني
درة : انته من اول مشكله ما سندت ظهري هل مرة المشكله جبيرة ماكدر ابقه يمك
حارث : حتى لو اني تخليت عنج انتي متتخلين عني وانتي تدرين بأخويه مراهق وطايش
درة : وانته هم تعرفه ليش مثقيت بيه ؟
حارث : الي صار صار وخل ننسى الماضي ونعيش حياتنه
درة: عيش حياتك وحدك ماريد اعيش وياك
حارث : اوعدج بعد ما اضربج ولا اخليج تبجين
درة : حارث كولشي سويته وياي مستحيل انساه بس الله يسامحك احنه بعد كولمن بطريق وحتى حقوقي ماريدهن بس اريد اخلص من عذابك
حارث : تمام براحتج ننفصل وحقوقج كامله انطيج ياهن اني نازل اشرب جاي تردين ادزلج شي  
درة : لا .. طلع حارث من الغرفه واني ضليت ابجي ماكدر اعوفه احبه
.
.
.
.
الكلمات : 963
اريد صوتون للقصه  + تكتبون كومنتات حلوة مثلكم 🍁💛