هلاو♥️
.
.
.
.
.
.
.
.
.
درة : رحت للسوق وشتريت شوية ملابس ومكياج وعطور لان عرس سمر قرب .. رجعنه سوينه عشه ولكيت حارث موجود كاعد هوة وعمي وعمتي ورهام
حارث: درة ليش طالعه بدون علمي
درة : باوعت اله وعفته وصعدت
حارث : مو داحجي وياج
درة : نعم ؟
حارث : درة آول واخر مرة طلعين بدون علمي
درة : ابتسمت بوجهة وصعدت.. اباوع ع رهام تضحك لان عود رزلني ... مشت الايام عادي ورهام دائما تحاول سوي وياي مشاكل بس اني مجنبتهة .. سمر زوجت و زهراء طلعت من البيت كعدو بيت وحدهم بس قريب علينه ضلينه اني وعبير ورهام
عبير : درة اليوم الطبخ عليج
درة : بس اني الي نضفت البيت
عبير : اني عندي جهال ماكدر وابني مريض ويبجي
درة : بس وربي حرام يعني انتي كولشي مسوين ورهام تغسل بس المواعين واني كوله عليه
عبير : اكولج ابني مريض
درة : استغفر الله 😤 خلص اني اسوي غده بس العشه معليه بي
عبير : يي تمام
درة : كمت للمطبخ حته اطبخ بس مشتاقه الاهلي اريد اشوفهم وحارث ميخليني والله تعبت هنا عبالك خدامه عدهم
رهام: درة شراح سوين اكل
درة : مو شغلج
رهام : من ريحته مبين مطيب
درة : عود لتاكلين
رهام : اكولج اني يمكن حامل
درة : واني شعليه
رهام : لا حبيت اكول ..
درة : ياريت تطلع حامل واخلص بلكت يطلكني .. بس شوي ضجت غرت منهة ...
رهام : احس عندي اعراض الحمل و كلت الحارث حته ياخذني اسوي تحليل نشالله اطلع حامل حته اصير ام
حارث : رجعت من الدوام و رحنه اني ورهام حته تحلل
رهام: حارث خايفه اطلع مو حامل
حارث : لا نشالله حامل و حته اذا مو حامل ابقه احبج
رهام : يعني لو طلعت مو حامل مراح ضوج
حارث : شويه راح اضوج
رهام : لا لا اني اكيد حامل
حارث : يلا صار دورج روحي دخلي حللي
رهام : تمام ... سويت تحليل وطلعت النتيجه ايجابيه و حارث كلش فرحان .. رجعنه للبيت وكلنه العمي وعمتي وفرحو النه
درة : رهام طلعت حامل بس اني مدري ليش ضجت بالرغم اني ما احب حارث وانتظر اليوم قبل باجر حته اخلص منه
حارث : اني و درة علاقتنه كلش سطحيه يعني حته سلام احيانا محد يسلم ع الثاني
درة : مشت الايام والمشاكل زيد بالبيت اني وعبير ورهام بسبب التنضيف والطبخ .. عبير دائما متقبل تشتغل تتحجج بجهالهة ورهام كول اني حامل ماكدر عبالك اني خدامه هنا
درة : شوفو بنات اني هم بعد لا اطبخ ولا انضف مثل ما انتن كادرات بس عليه شنو ذنبي اني صايره خدامه
رهام : اني اخاف ع نفسي اني حامل لا سامح الله يوكع الطفل
درة : اكول انتي شخبصتيني بحملج ترة ميوكع من غسل كم ماعون لو تنضفين
رهام : شوف شلون تغارين مني حته من طفلي تغارين
درة : ترة احنه دنتناقش ع تنضيف شنو دخل الغيره بالموضوع
رهام : انتي تتمنين يوكع الطفل
درة : حرام عليج ضلميني اني مستحيل اتمني هيج شي
رهام : لا تتمنين لان حارث يحبني واغلب الوقت يمي ويطلعني وهسة اني حامل منه اما انتي مثل الخدامه هنا حته حارث مينام يمج
درة : احترمي نفسج هيي لاتجاوزين اني الحد الان محترمتج
رهام : لج انتي شايفه نفسج حيل بابه انتي كلج طفله اهلهة باعوهة الحارث و حته اتصال ممتصلين عليج ولا مهتميلج
درة : ( من كالت هل كلام صدك نجحت وتنرفزت كمشتهة من شعرهة وضربتهة وصارت عركه بينه و وحدة ضربت الثانيه بس هية حصلت ضربات اكثر ) مو اني الي تغلطين عليه فهمتي لو لا حقيرة .... عمو وعمه فككونه وعمتي ضلت تغلط عليه وترزل بيه .. لو بيدي حته عمتي اكتلهة بذيج الساعه
حارث : رجعت للبيت لكيت أبويه كاعد بالحديقه بس شكله ضايج .. الله يساعدك يابه
ابو حارث : هلة شونك
حارث : ع الله .. اليوم حجي كاعد هنا
ابو حارث : هههه ولك حارث اليوم نسوانك تعاركن
حارث : هههه... فهمت أبويه ليش ضايج ضليت شويه اسولف وياه ودخلت للبيت رحت الغرفتي لكيت رهام كامشه بطنهة وتبجي
رهام : حسيت حارث اجه سويت روحي ابجي .. والله اليوم ما اعديهة لدرة
حارث : شبيج رهام
رهام : مابيه شي شونك حارث
حارث : رهام شبيج تبجين شبيهة بطنج
رهام : اليوم تعاركنه اني و درة وضربتني وبطني موتتني من الوجع
حارث : كومي اخذج للدكتورة
رهام : لا مابيه شي
حارث : لا حبيبتي ضروري نتأكد من سلامتج وسلامه الطفل
رهام : تمام حبيبي .. بدلت ورحنه للدكتورة فحصتني كالت مابيج شي شوية تقلصات عاديه
حارث : الحمد لله مابيج شي ولا بالطفل
رهام : يي حبيبي .. بس درة غيرانه لان اني حامل وهية لا
حارث : ختولي اني اعلمهة ... وصلت للبيت .. دررررة
درة : اني بغرفتي وسمعت صوت حارث يصيحني
حارث : صعدت للغرفه الي بيهة درة .. درة شنو مسويه اليوم
درة : شمسويه
حارث : انتي اليوم ردتي تكتلين ابني
درة : حارث اني مضربتهة ع بطنها جريتهة من شعرهة وضربات ع ايدهة موصلت البطنهة ويطبهة مرض حته بعد لا تندك بيه
حارث : شايفه لو صاير شي للطفل اني هنا اليوم اعدمج فهمتي لو لا
درة : لا ما فهمت من تحجي الحق افهم من تكون عادل بينه
حارث : اني احجي الحق وانتي الي سويتي غلط
درة : انته متعرف المشكله هية متقبل تنضف وياي شنو اني خدامه هنا
حارث : رهام حامل ومتشتغل وانتي الي تاخذين الشغل بمكانهة الطفل ماريد يصير بي شي
درة : اني هنا مو خدامه عدكم وهسة تأخذني الاهلي ما ابقه ويه هيج رجال حثاله ونذل وميعرف الحق
حارث : كتلت درة بس حيل قسيت وياهة
درة : حارث موتني بين اديه من حركة كلبي كتله .. حسبي الله ونعم الوكيل بيكم حسبي الله
حارث : من كالت هل كلمات حسيت صدك ضلمتهة يمكن الي اني سويته غلط .. طلعت من البيت واني بس افكر بدرة ... اجاني اتصال من أبويه
حارث : الوو ها يابه
ابو حارث : حارث تعال بسرعه للبيت
حارث : ليش شكو صاير
ابو حارث : درة ....
الكلمات 860
تصويت + تعليق للقصه وتابعوني بطريقكم
أنت تقرأ
في عمر الورد
Genç Kız Edebiyatıقصة فتاة مجبرا ع الزواج من رجل لا تحبه .. هل ستصمد على العذاب وماذا سيحصل لاحقا
