في عمر الورد

24

هلاو اكولكم ليش ما صوتون للقصه يعني المشاهدات 23k والتصويت 800 اريدكم تفجرون البارت بالتصويت 😂

ابو حارث : السلام عليكم
ام درة : ما عليكم سلام الدرب الجابكم يرجعكم
ابو حارث: لا ما توقعتهة منج يا ام درة خل نتفاهم شويه
ام درة : ماكو تفاهم ويه حارث الحجي ضايع
حارث : ليش عمه
ام درة : تعالو تفضلو
ابو حارث : زاد فضلج
ام درة : درة دخلي جوه
ابو حارث : لا ما تدخل درة هم عندي حجي وياهة
ام درة : انتو تدرون ابنكم شمسوي بنتي
ابو حارث : ابني ما ضربها اله لمن جاوزت عليه
ام درة: ضربها راشدي ؟
ابو حارث : ما ادري والله
ام درة : ام حارث كومي وياي اشوفج جسم درة
ام حارث : لا كلام
ابو حارث : يي غير هية جاوزت عليه وضربها
ام درة : مثل ما انته ابنك عزيز اني بنتي هم عزيزه انطيتكم اياهة طفله بعمر الورد رجعتوهة الي عجوز ليش مأذيتكم ما قايمه بواجبها اتجاهكم حارث شابعهة ضرب واهانة ليش ما محترمتك ؟ شو حتى ابنك هية الي ربته الك وهية ممجبورة
حارث : وهية شنو تجازو عليه اني زوجهة لازم تحترمني
درة : لا صيح ع امي حارث
حارث : اصيح ونص ما طول هية مساندتج ع الخطاء
درة : شوف نفسك كولك اغلاط حارث اني من جاوزت جان محروك كلبي انته حيل نرفزتني خاف الله بيه تضربني وتخوني وابسط حقوقي حارمني منهة انته حتى الأهلي متخليني اجي
ابو حارث : درة صوتج
ام درة : ليش جرحتكم بكلامها تدري ابنك يخون درة ؟ ليش متعلمه زين تدري ابنك مينطيهة مصرف تقبل واحد يضرب بنتك بهل طريقه لو بس ع درة كادرين شنو كالت الحارث سم ؟ ضاج استاذ حارث
حارث : سم بكلبهة
ام درة : لا والله سم بكلبك يلا اطلع برة اذا عندي كلام فهوة ويه اهلك فقط انته ما الي كلام وياك يلا برة
ابو حارث : مشكورين ع الضيافه
ام درة : وانتو هم مشكورين ع الامانه بينه بس المحاكم
ابو حارث : شنوو
ام درة : الي سمعته بينه بس المحاكم
ابو حارث : نشالله انتو تردونهة هيج تحملو
ام درة : تهديد هذ
حارث : يي تهديد واصبرولي
درة : مخايفين منك ولا من تهديداتك نهاية اكول ظالم الهلاك
حارث : صاير عندج لسان ولو هية الي تريد تروح تشتكي ع زوجهة شيسموهة
ام درة : يسموهة مريه مظلومه من أشباه الرجال امثالك وللاسف ماكو رجال يطلع حقهة
حارث : سهلة
ام درة : يلا برة
درة : طلع حارث ولكيت رقم متصل ع تليفون مامه رديت عليه
درة : الوو
اوس : الو درة صح
درة : يي بس انته منو
اوس : اني المحامي مالتج اكولج نسيت اخذ منج عنوان زوجج لان لازم ندزله حضور مالمحكمه والمركز الي اشتكيتو بي يحتاج عنوان
درة : بس هوة مو من بغداد
اوس : لعد
درة : من الانبار
اوس : تمام
درة : المحامي راح يتكفل بكولشي وكلت اله حاليا حارث بغداد يم بيت خالته وتحددت جلسة المحكمه و حارث دزوله مذكرة اعتقال بتهمة العنف الاسري
حارث : رحنه البيت خالتي تغدينه يمهم و طبكت دورية يم الباب وعلية مذكرة اعتقال وابويه ضل يخابر بمعارفه بس ولا واحد كدر يساعدنه رحنه للمركز والضابط مالمركز طلع صديق أبويه واني هم اعرفه وكدر يطلعني بس القضيه بقت
درة : ثاني يوم خابرني المحامي كال اعتقلو حارث واحنه بعد 7 أيام وتصير اول جلسه النه بالمحكمه

             تسريع الأحداث ..

ابو حارث : حارث انهي الموضوع لان يأثر عليك و ع مكان عملك حاول تتفاهم ويه درة وشنو هية تريد سوي لان هية القضيه كولهة ضدنا
حارث : نشالله بس يعني اخابر درة
ابو حارث : يي خابرهة 
ام حارث : لا لتخابرهة خالتك تتفاهم وياهم
ابو حارث: لا حارث يخابر
حارث : تمام هسة اخابرهة .. اتصلت ع ام درة
ام درة : الوو منو وياي
حارث : اني حارث
ام درة : تفضل شنو تريد
حارث : اريد احجي ويه درة
ام درة : مستحيل متحجي وياهة    
حارث : خاله انطيني درة بس عندي موضوع وياهة وهاهية
ام درة : تمام هسة انطيهة التليفون .. درة تعالي
درة : هاا
ام درة : هذ حارث يريد يحجي وياج
درة : بس اني ما اريد
ام درة : حارث درة متقبل تحجي وياك
حارث : شوفي خاله اني ماعندي شي ويه درة واني عصبي وهية تعرف كول الزين بيه اني الي عليه خابرت حتى ابرر موقفي لا أكثر وذا درة تريد تحجي وياي ونتفاهم خل تتصل عليه
ام درة : ميخالف
حارث : مع السلامه
ام درة : الله وياك ..
درة : شيريد حارث
ام درة : يكول اريد اتفاهم ويه درة
درة : هاا
ام درة : جربي احجي وياه
درة : بس اني ما اكدر بعد ابقه وياه
ام درة: جربي انطي نفسج فرصه
درة : مادري
ام درة : اتصلي عليه
درة : تمام .. اتصلت ع حارث
حارث : الوو
درة : هلو
حارث : هلاوات درة شونج
درة : تمام
حارث : لهدرجه كارهتني ومتردين تحجين وياي
درة : لا ما كرهتك بس علاقتنه مابيهة فرصه اصلا احنه علاقتنه فاشله تصميمه حاولنه انو تنجح بس هية اصلا فاشله
حارث : لا مو فاشله درة انتي آخر فترة صرتي ما تنطاقين
درة : لا مو ما انطاق بس انته ما نطيت نفسك فرصه تفهمني
حارث : لا انتي مترديني
درة : طبعا حارث لان انته خنتني ويه هواي وانته ع مجرد شك خليتني اروح للمستشفى
حارث : بس تدرين اني احبج واني حتى من زوجت ما عفتج بقيتي انتي مرتي
درة : لا مبقيت مرتك انته مفضل الكل عليه
حارث : خلص ننسه كولشي ونرجع سوه
درة : ياريت نرجع سوه بس بعد ما اكدر خلص هواي نزلت من نفسي ومن كرامتي ضيعت سنين من عمري  يمك بلا مقابل حارث شنو فرقي عن البنات الي يحبوهن أزواجهن وميخونوهن اني جربت هذ الشعور لكم شهر فقط وباقي حياتي كولهة مر بمر
حارث : لهدرجه طلعت مو زين
درة : شوف حارث اني قبل جنت متحملتك علمود أبويه وصابره وبعدها تحملت علمود كلبي لان احبك بس هسة ما بقه شي الك يمي كلمن بطريقه
حارث: تمام براحتج شنو تردين
درة : ننفصل واخذ حقوقي كامله
حارث : تمام درة بس تنازلي عن الدعوة 
درة : تمام باجر اتنازل عنهة
حارث : وعد ؟
درة : وعد.
حارث : تدرين درة توقعت راح كولين اريد اشوف عموري او انو مراح كدرين بدونه او اي شي
درة : عموري يبقه ابني لو شنو يصير بس هوة مسجل باسمك مو اسمي حتى لو طلبت انو اشوفه مراح تخليني اني بالنسبه الي عموري أكثر من ابني تدري هوة الشخص الوحيد الي احضنه من ابجي او ازعل منك
حارث : ههه يعني حاليا عموري هم يكرهني
درة : احتمال يكرهني اني لان عفته بس مستحيل يكرهك
حارث : لا ميكرهج لان يوميه يبجي وميقبل بأي واحد وحتى من ينام بصعوبه ومن ياكل يتعبنه يعني هوة معتبرج انتي امه
درة : كافي حارث اختنكت فدوة اسكت
حارث: يلا اني هم اروح انام نعسان
درة : تمام بيباي
حارث : سديت التليفون واني كولش مختنك وضايج   رحت لغرفتي القديمه الي جانت بيهة رهام الله يرحمها تمددت حتى انام وامي جابت الي عموري يبجي خليت عموري بحضني وضليت اسولف اله قصه ونام واني هم نمت

الكلمات : 1050
مو تنسون مصوتون للقصه 🙂😒