في عمر الورد

4

مساء العافيه
اليوم شنو فطوركم ؟
.
.
.
.
.
.
.
درة: قرب العرس بس اني وجهي اصفر وعندي هالات  قويه جوه عيوني ونحلانه وحيل ضعفت بالرغم اني جنت شوي سمينه هسة صرت عود نفسيتي كلش تعبت ومالي خلك احجي .. ثاني يوم كعدت من الصبح لان الحنه مالتي رحت للصالون لبست بدله لونها وردي ع ذوق خالت حارث ههه ( حته البدلات مو اني ختاريتهن.. حته ما فرضت رأيي لان شي مو طايقته ولا حبيته ابد متوقعت فرحتي وعرسي هيج حيكون )
حارث : نمت يم صديقي لان بيتنه مليان بيت عمامي و صاير هوسه.. كعدني صديقي ساعه 10 الصبح  
صديق حارث : يلا أكعد عريسنه اليوم مناوي تكعد
حارث : كعدت😪
صديق حارث : يلا يمعود نتريك حته نروح نأجر قاعه مالحفله مالتنه اليوم
حارث : لك والله مابيه حيل
صديق حارث : لعد باجر شون اذا انته من اليوم مابيك حيل هههههه
حارث : هههههه شكد نذل
صديق حارث : يلا اكعد
حارث : كعدت
.. رحنه اجرنه قاعه ورجعت للبيت وكلهة مخبوصه تغديت وضليت كاعد اني و ولد عمامي وجماعتي سوالف وضحك واراكيل  صار العصر بدلت وسويت شعري ورحنه للقاعه ضلينه لحد ساعه 3
... نجي ع درة
درة : طلعت من الصالون للبيت وهلاهل وجوكليت واغاني و كولهة تركص وفرحانه اله اني بس ساكته
بنت عم درة : لج درة كومي ركصي ويانه
درة : لا ماريد استحي ههه
بنت عم درة : كومي ركصي والله تتندمين 
بنت عم درة الثانيه : يلا كومي
درة : كمت ركصت شويه ورجعت كعدت خلص اليوم بس تعب والبدله ثكيله كلش وراسي يوجعني من التسريحه والبوستيج رحت اريد انام وبنات عمي وعمتي صاحني
بنت عم درة : تعالي درة
درة : والله نعسانه
بنت عم درة : بنات شوفن هاي تريد تنام وباجر عرسهة
الكل : ههههه
بنت عم درة الثانيه : تعالي نعلمج
درة : ع شنو
بنت عمت درة :  شكد غبيه هههههه
درة : بنات شبيكم
بنت عم درة : يعني هسة انتي متعرفين😉
درة : ع شنو
بنت عم درة : ع صخام وجهج تعالي كعدي يمنه
درة : اجيت
عمت درة : لا بنات لتخلوهة تخاف وترتبك وتتوتر عوفوهة متعرف
درة : عمه شنو الي ما اعرفه
عمت درة : حبيبتي ماكو شي بس هذن يردن يضوجنج روحي نامي يعمري
درة : تصبحون ع خير
الكل : وانتي من اهلة
درة : رحت تمددت ع فراشي ساعه 4ص لكيت مكالمات من حارث  اتصلت عليه
حارث : اتصلت ع درة 3 مرات مردت سديت الفون ردت انام واتصلت عليه درة
درة : الوو .
حارث: الو هلو درة
درة : لكيتك متصل عليه
حارث : يي ضايج اتصلت عليج كلت نتعارك قبل لا انام
درة : هههه مزاجي كولش ميسمحلي لان تعبانه باجر اني يمك ونتعارك
حارث: متعرفين شكد ضايج هسة اني
درة : ليش
حارث : لان باجر اشوف خلقتج
درة : شعور متبادل حته اني ضايجه
حارث : شوفي درة اني اتصلت عليج مو علمود العركه اكو مواضيع احنه ممتفاهمين بيهة
درة : مثل شنو
حارث: مثل حياتنه كلهة
درة : حارث انته تدري بيه اني ما احبك ولا اريدك واني نجبرت عليك وياريت ابد منتفاهم   
حارث : سوالف المزعطه بطليهة خل احجي
درة : حارث اكرهك ما اطيقك تدري اني حايره شون راح اعيش وياك
حارث : شوفي اذا ضلين ع هذ السانج ترة اكصه والنبي
درة : انته منطيتني مجال احبك او اتقبلك انته طبعك صعب وعصبي و هواي تغلط عليه يعني اني انسانه مو حيوان
حارث : ترة انتي كرهتيني بيج شوفي اني شكد عصبي بس الشخص الاحبه اضمه بكلبي انتي دائما كولين ما اريدك يعني شون تردين اصرف وياج ثانيا اني مال افسخ ماكدر اني الي ردتج واني الي خليت اهلي يجون عليكم تدرين امي مموافقه واني وابويه ضغطنه عليهة اني حبيتج ردتج بس انتي كل الي تفكرين بي افسخ..
درة : بس
حارث : حارث خل اكمل كلامي
درة : يي
حارث : اني بيه نقص .. شنو الي ما عجبج بيه انتي لا تخلين تفكيرج سطحي باعي انتي اذا نفسخت خطوبتج منو راح يتقبلج احنه مجتمع شرقي بس يردون ينتقدون البنيه انتي فكري تعيشين حياتج فكري بمستقبلج

درة : اني مستقبلي تحطم اني تركت الدراسه وراح اروح المكان اول مرة اعرفه مادري اذا راح تحبوني او لا راح اكون بعيده عن اهلي كولش
حارث : درة انتي ليش مصعبه الامور
درة : لان ما احبك
حارث : استغفر الله😠 درة سدي خرة بيج وباليتصل بيج انتي عقلج محجر مو مالتفاهم
درة : حسيت نجرحت من كلامه ضليت ابجي ونمت محسيت اله يكعدون بيه اروح للصالون
ام درة : درة حبيبتي كعدي نروح للصالون
درة : كلمه فدوة ماريد ☹
ام درة : ولج درة كعدي عيب شيكولون عليج
درة : مامه والله ماريد ازوج
ام درة : درة كومي تأخرنه بلا هل سوالف مالجهال
درة : مامه ليش جبروني والله ماريده
ام درة : شيكولون عليج الناس بيوم عرسهة متريد اكيد بيهة شي لاسويلنه فضيحه
درة : كمت بس مثل عصفور صغير مكسرات جناحاته مليانه خيبات ومختنكه رحت للحمام سبحت وطلعت بس عيوني ابد ما سكتن من البجي مسحت دموعي ونزلت رحت بالسيارة للصالون
.. نجي البيت حارث
سمر : كعدت الصبح سويت ريوك اني ونسوان اخواني للخطار تعرفون اجواء عرس .. اجه الطباخ سوه غده وغسلنه المواعين وبدلنه وخلينه مكياج و حارث لبس دشداشه ولف ع راسه جراويه( الي ميعرفهة هذ الي مثل الشال الي يلبسونه ويه العكال.. هسة طلعون متعرفون شنو عكال😂 ) طبعا احنه عدنه هذ لبس العريس مو الكل بس لان هوة ابن الشيخ 

تتقريبا نفس هل لبس والمسدس مالته طلع يجنن فديت اخويه
حارث : بدلت ونزلت من الدرج وهلاهل طلعت للمضيف يصير امام بيتنه كولهة كامشه اسلحتهة وبس يرمون
سمر : صوت الطلق وجع اذاني بالرغم اني متعودة بس هواي رمو لان هوة ضابط وجماعته كولهم بالجيش وعمامي هم  
زهراء : بدلت الجهالي والي ونتظرنه حته نطلع البيت درة .. اول مرة راح اشوفهة  بس كولنه خايفين عليهة لان عمتي كارهتهة بس الله اليستر  
.
.
.
.
.
للقصه تكمله يا حلوين اشوفكم بالبارت الي وراه صوتو للقصه وتعليق حلو مثلكم 
كلمات 880