في عمر الورد

31

هلاوو

يوسف : امي راحت البيت ام درة حتى تسئل عليهم بالمنطقه والناس كالو آلهة مطلقه امي اجت صدمتني اني ميهمني هية مطلقه او لا بس ليش ضمت عليه ووهسة اهلي مستحيل يتقبلوهة المفروض من البداية كول حتى اني اعرف شون احجي ويه امي صرت كولش عصبي واتصلت عليهة وحجيت كلام غلط حسيت حيل جرحتهة المشكله بعد ما اكدر اتصل عليها ضليت اكل بنفسي اني اعرف درة شون تحبني إذا اتمرض ضل تبجي عليه وذا اتاخر يلا اراسلهة تزعل مني ادري راح يكون فراكي صعب بالنسبه آلهة بس هية كذبت عليه وستغلت مشاعري  موقف اليوم مستحيل أنساه طول عمري اول مرة احس نفسي لهدرجة منكسر امي بالكوة قتنعت اخطبه وجانت مراضيه واني سويت المستحيل علموهة حسيت امي تباوعلي بنضرات شماته

درة : طلعت من المستشفى داتصل بيوسف وامي اخذت التليفون مني
ام درة : كلت الج إذا يحبج راح يرجع
درة : بس مامه اني اعرف يوسف حيل يكابر عنده استعداد يبقى متألم بس مينزل كرامته
ام درة : لو يحبج هم ينزل كرامته ويتصل درة كافي الي ديصير وياج مرة وحدة صرفي بحكمه الى متى تبقين هيج فطيرة وتافهة وأقل موقف يكسرج
درة : مامه اني احب يوسف ما اريد يضن انو اني اضحك عليه أو مشاعري اتجاهة كذب مامه ماكدر فدوة انطيني الفون خل اتصل والله راح اموت بس اريد اواجهة احجي اله كولشي وبعدها حتى اذا عافني مراح اضوج لأن اني حجيت اله
ام درة : اوك اتصلي وذا مرد عليج ؟
درة : راح يرد اعرف بي ميكدر يجاهلني  .. اتصلت ع يوسف
يوسف : اني كاعد بالغرفه مالتي وادخن و درة اتصلت رديت عليها .. الو
درة : هلو يوسف عادي نلتقي عندي كلام وياك
يوسف : درة ماكو شي ينحجي بعد كولشي انتهى
درة : يوسف خل ينتهي كولشي بس اسمعني اني اتصلت بيك مو حتى ترجعلي لا اني اتصلت حتى تفهمني لأن اني هم بعد ماكدر ارجع الك لأن اني رخيصه ما اناسبك
يوسف : ليش هيج تحجين ؟
درة : حسب كلامك اني رخيصه واكو شخص غيرك لامسني المهم عادي نلتقي ؟
يوسف : اوك وين نلتقي
درة : باي مكان
يوسف : نلتقي ب......
درة : اوك اني حاليا بالطريق رجعت من المستشفى بس ابدل ملابسي واطلع
يوسف : ليش شسوين بالمستشفى
درة : ماكو شي مهم
يوسف : تمام يلا بيباي
درة : باي ... حسيت صوت يوسف حيل تعبان مبين جان يبجي أو يدخن بس مبين حيل ضايج الله لا يوفقني شسويت بي وربي إذا صار بي شي ما اسامح نفسي .. وصلت للبيت سبحت وغيرت ملابسي ولميت شعري وأجرت تكسي ورحت لكيت يوسف قبلي هناك
يوسف : هلو
درة : هلاو شونك
يوسف : تمام وانتي
درة : تمام
يوسف : كولي شعندج
درة : نكعد بالسيارة لو نبقى هنا
يوسف : لا هنا
درة : شوف حارث اني جنت طفلة عمري 13 سنه او 14 حارث شافني واجه خطبني من بابه هوة اكبر مني بكومه عمره 27 ضابط بابه من شافه ضابط وأبوه عقيد وهمة متمكنين بابه وافق من دون مياخذ رأيي كومه تعاركت ويه بابه وشبعت ضرب وحتى حارث الي هوة زوجي كلت اله ما اريدك وهوة بعنادي مقبل يفسخ الخطوبه زوجت حارث هوة تقريبا سنه كامله مواصلي لأن اني ما أريده بعد زواجنه بفترة هوة زوج ثانيه وعشت المر أبويه مقبل يطلكني صارت مراه حامل و بالولادة ماتت اني ربيت ابنه بقيت وياه بس هوة ابد ميحترمني دائما يضربني وذا مصدك شوف جسمي اكو اثار مالحزام بعدها موجودة المهم بعدها صرت حامل منه هوة اخوه جان يتحرش بيه وهوة كمش اخوه شارب و يريد يعتدي عليه كول ضنه اني احب اخوه وهوة بيومهة جنزني من الكتل بحيث صار عندي إسقاط اني ردت بوقتهة انفصل عنه و اخوه اعترف انو غلطان اني بقيت يمه بس مثل الأصدقاء وهم رجع يخوني واني تعبت منه اخر شي تمرضت وهوة اجه يريد اكل واني ماكدر اكوم وهوة كتلني واني نفصلت عنه .. اني ولا يوم عشته حلو يم حارث اني الفترة الي صارت ويايه حسيتهة نتهت لأن تعرفت عليك يوسف اني مستحيل اكذب عليك أو اضم عليك شي اني ابسط الاشياء مسولفتهة الك