في عمر الورد

9

هلاو♥️
.
.
.
.
.
.
.
درة : ضليت ابجي والعن اليوم الي اجيت بي اله متتخيلون شون صار جسمي من الضرب بعد ماكدر اتحمل اكثر ابقه يمه والله تعبت المشكله ماكدر اروح الاهلي أبويه يرجعني وارجع مذلوله

رهام : خابرني حارث يريد نلتقي اليوم ... اعرفكم ع نفسي اسمي رهام عمري 25 ممزوجه اني بيضه وطويله وعيوني خضر ع زيتوني عندي 2 اخوات مزوجات أبويه قبل فترة مات وامي ميته... عايشه وحدي حاليا .. وصل حارث رحت وياه

حارث : وصلت البيت رهام اخذتهة
رهام : حارث وين راح نروح
حارث : للشقه حبيبتي
رهام : تمام
حارث : يي .. وصلنه يلا ننزل
رهام : نزلت .. دخلت للشقه .. حارث شقه كلش حلوة
حارث : هاي من نزوج نعيش بيهة
رهام : من نزوج نعيش ويه اهلك اخاف وحدي
حارث : بس درة هناك
رهام : تفضلهة عليه حارث
حارث : لا حبيبتي نشالله اشوف حل  
رهام : يي
حارث : تعالي لحضني مشتاقلج
رهام : اجيت يروحي
حارث : حضنتهة وصار الي صار 🔞
رهام : حارث احنه شسوينه
حارث : مثل كل متزوجين حبيبي
رهام : بس احنه ممزوجين
حارث : حبيبي اكيد نزوج هل ايام
رهام : صدك حبيبي
حارث : وعد ما اعوفج ونزوج
رهام : احبك
حارث : واني هم احبج

        بعد مرور شهر ...

حارث : زوجت اني ورهام عقدنه عقد شيخ وعقد محكمه وردت اخذهة الاهلي حته اشوفهم وتتعرف عليهم ... رهام نروح الاهلي حظري نفسج
رهام : صدك ؟
حارث : يي
رهام : تمام  .. سبحت وبدلت وخليت مكياج قوي وترست نفسي عطر
حارث : ترة هيج اكلج ههههه
رهام : حبيبي كلي الك
حارث : يلا كملتي؟
رهام : يي
حارث : وصلنه البيت اهلي
درة : سمر اليوم خل نسهر والله ضوجه وشكله حارث اليوم ميجي
سمر : يي والله ياريت
درة : تمام لعد ... اكول بنات شنو نسوي عشه ترة الوقت تاخر وهسة عمو يضل يحجي
زهراء : يي صح  .. خل نسوي برياني ودجاج
درة : تمام اني اطبخلكم الدجاج
زهراء : واني اسوي البرياني
سمر : عفيه ماريد المواعين
درة : حبيبتي اني اغسلهن
سمر : احبج هههه
زهراء : ختولي هاي استغلاليه هههه
درة : ميخالف خطيه وهية هم راح تعوفنه وتزوج
زهراء : ترة والله ابجي
سمر : احبجن خبلات
درة : منكدر بدونهة محليه البيت
زهراء : ختولي مكروهة ههههه
سمر: هاي عليه ..  بعد انتي مو صديقتي بس درة
درة : اكول بنات وين عبير
زهراء : ابنهة معذبهة بس يبجي
درة : والله كاسره خاطري خطيه .. سمر روحي ساعديهة
سمر : تمام حبي
زهراء : وانتي شوكت يصير عندج طفل ونفرح بيج
درة : مدري شكولج ههههه
زهراء : نجبي خل نشوف جهالج انتي وحارث
درة : زهراء هوة اصلا مواصلي شون اصير حامل
زهراء : صدك بعدكم لج راح صير سنه  
درة : والله مالي نفس بي اكرهة
زهراء : الله يصلح بينكم
درة : تسلمين بس ماريد هههه
زهراء : نجبي
درة : اكول البرياني لا سوي حار
زهراء : تمام
سمر : بنات اجه حارث
درة : يي هلو بي
زهراء : شبيج سمر ؟
درة : شكو ... اسمع صوت عمتي تهلهل
عبير : بنات منو هاي البنيه الي ويه حارث
درة : ضليت ساكته بس اباوع عليهم
سمر : حارث زوج
درة : ضليت جامده بمكاني شنو حارث زوج مستحيل معقول سواهة.. احجي بيني وبين نفسي
زهراء : لا تستثولين مستحيل حارث مزوج.. رايحه اشوف
عبير : درة بيج شي
درة : لا مابيه .... خل اروح اسلم عليهم
سمر : صدك تحجين
درة : ضليت ساكته وطلعت من المطبخ  ... هلو حارث بالخير عليك
رهام : لا وتباركيله .. حبيبتي اني زوجته
درة : يمعوده مهناية بي اصلا خلصت منه ... صراحه فرحت الكم كولش لايكين سوه
رهام : يي حبيبتي طبعا
حارث : ضليت اباوع ع درة مبينه النه هية قويه بس اني شفت الكسره الي بداخلهة ... درة امشي نحجي اني وياج
رهام : مستحيل تحجي وياهة حارث
حارث : رهام لا تدخلين
رهام : علمودهة؟
درة : اصلا ماريد احجي وياك ... صدوك تتعشون حته نحسب حسابكم
رهام : يي باقين هنا احنه
درة : مو شغلي ... عفتهة ورحت للمطبخ كملت الاكل اني والبنات وصبينه واكلنه صعدت الغرفتي سبحت وردت انام وندك الباب
درة : منو
حارث : اني درة فتحي الباب
درة : تفضل حارث
حارث : درة لاتحسسيني اني غريب
درة : ترة والله نعسانه وتعبانه وقبل شوي حظرت مسرحيه
حارث : ههه درة تبقين انتي مرتي الأولى والصغيره والي حبيتهة
درة : فدوة حارث اسكت وياريت تعوفني بحالي
حارث : ما اعوفج لحد ما تقتنعين بكلامي
درة : حارث اطلع والله تعبانه
حارث : درة لا ضوجين مني لان زوجت عليج واني ادري بيج متفهمة
درة : ع شنو اضوج؟ ترة وربي فرحت خلصت منك ومن سجنك وعذابك حارث انته ابد مصرت رجال بعيني ولا يوم حسيتك انته زوجي .. تعرف الحطام الي اني بي بسببك.. دمرت حياتي ومستقبلي وبتعدت عن اهلي واني طفله
حارث : اني اسمع كلام درة بس صدك نقهرت حسيت نفسي ضلمتهة هواي وياي ... كملي درة
درة : حارث فدوة اطلع اذا متطلع اني اطلع
حارث : خلص راح اعوفج بس سؤال
درة : كول
حارث : عادي رهام تعيش هنا بهذ البيت
درة : هذ مو بيتي حته اني اقرر وصراحه كلش متهموني تريد تعيش هنا تموت ميخصني بس ابتعد عني
حارث : تمام تصبحين على خير

درة : طلع وسديت الباب وكعدت ابجي لو ضاربني ومعذبني ولا الي سواه وياي وفوكاهة بكل صلافه يحجي وياي ويسئلني ... شنو ذنبي اني اعيش كل هذ ليش مو مثل كل بنيه حياتها حلوة و زوجهة يحبهة وعدهة أطفال وفرحانه .. ليش ما متهنية بحياتي لو الله ياخذ امانته احسن من هل حياة الزفت الي عايشتهة .. قررت اكون اقوى واعيش حياتي واتقبلهة بمرهة غسلت ونمت ..

حارث : طلعت من غرفة درة ورحت للحديقه ضليت ادخن خلصت باكيت مالجكاير تأخر الوقت ورحت الغرفتي الي بيهة رهام
رهام : حارث راح الدرة بس تأخر معقوله ينام يمهة ويعوفني ... دخل للغرفه واني تعاركت وياه بس ما اله خلكي عافني ونام
درة : كعدت ساعه 10 الصبح اول مرة اتأخر بالنوم نزلت تريكت ونضفت شفت مرت حارث كاعده هية وعمتي يسولفن... صارلي تقريبا سنه مزوجه واني وعمتي ابد مكاعدين سوه ونسولف هههه
رهام : عمه اريد انضف ويه البنات
ام حارث : لا كعدي انتي عروس بعدج
رهام: لاعمه ميخالف انضف
ام حارث : لا بنات ينضفن معليج
درة : كملت تنضيف وكعدت يم البنات بالمطبخ واني بعالم ثاني افكر  .. دخلت عمتي علينه
ام حارث : هيي ولج دره
درة : هاا
ام حارث: رهام تريد ملابس حارث تنقلهن الغرفتهة كومي انطيهن الهة
درة : هسة شويه واكوم تعبانه حاليا
زهراء : عمه هذ مو حجي والله لو عمي موجود مستحيل يقبل بالي يصير
ام حارث: ونتي شعليج تدخلين
زهراء : اني جنتكم الجبيرة وبت حماج
ام حارث : والله وطالعلج لسان تعلمتي من هاي 
درة : اسمي درة
زهراء : اني عندي لسان بس للحق وحاليا ما اشوف حق كلكم ع درة
درة : زهراء لا نوب صير مشكله اسكتي هسة اني ميته ع ملابس حارث
زهراء : تنرفزت والله
درة : عادي غلسي
زهراء : الله يعينج
رهام : دخلت للمطبخ البنات كاعدات بي حته مسلمن عليه البارحه ولا تباركلي ... هلو
الكل : لا كلام
زهراء : حبي درة اليوم نروح للسوق نشتري كم شغله
رهام : ترة داحجي وياكم
عبير : بنات اني وياكم اروح
رهام : درة اريد ملابس حارث
درة : هسة شويه وادزلج ملابس الامير هاري ترة خبصتوني
زهراء + عبير : هههههههههه  
رهام :😒
زهراء : بنات شنو تحبون تاكلون اليوم
درة : لج اريد سمك شوي
زهراء : مو تدللين
عبير : وكثريلنه حموضه
زهراء : شعندي غيركم دللن بس فكرن بأكل العمتي وعمي لان اليوم يجي
درة : مادري ... تغدينه وكملنه غسلنه المواعين وبدلت حته نروح للسوق
زهراء : يلا بنات
درة : كملت بس بقت عبير وسمر
عبير : هياتني كملت
سمر : بس ثواني مو حلو هذ اللبس ابدل
زهراء : راح نعوفج
سمر : لا فدوة كملت
زهراء : يلا نروح
ابو حارث : وين رايحات عمو
زهراء : رايحين للسوق
ابو حارث : ديربالجن ع نفسجن
الكل : نشالله
ام حارث: اخذن رهام وياجن
زهراء : إذا راحت احنه منروح
ام حارث : ليش يمه شنو ضرتج هية
زهراء : لا بس درة اختي الصغيره وما اقبل عليهة
ام حارث : والله عمي خوش
ابو حارث : زهراء عمو لا سون مشاكل
زهراء: عمو يعني تقبلها حارث زوج وفوكاهة جابهة هنا واليوم رهام كول الدرة اريد ملابس حارث تنقلهن الغرفتهة ترة والله حرام ليش ضلمون درة
ابو حارث : لا عمي ما اقبلهة درة بنتي واحد يحجي الحق مايوم قصرت بحقي او قللت ادب وياي وزينه النه كلنه.. اني اليوم احجي ويه حارث

.
.
.
.
.
.
كلمات 1220
تصويت + تعليق حلو مثلكم