في عمر الورد

البارت الاخير

هلاو

درة : رجعت علاقتي طبيعيه بيوسف مثل قبل واحسن الف الحمد لله
يوسف : اني بالدوام وخابرني اخويه كال امي تعبانه وتريد تشوفك اني رحت بساع للبيت وصلت سلمت ع امي ..هلا يمه سلامتج يعمري شبيج
ام يوسف : يمه بعد ما اتحمل فراكك ليش هيج سوي بأمك
يوسف : بست امي من راسهة يمه اني يمج اخذج دكتور ؟
ام يوسف : لا ماريد بس يمه هاهية زوج حبيبتك اني قابله اني ماكدر اموت وانته ضايج مني
يوسف : لا اسم الله عمرج طويل يمه
ام يوسف : يمه اني اخطبهة الك اني راضيه عليك مأطول أنته تحبهة وهية تحبك هاهية
يوسف : الله يحفظج الي يمه .. طرت من الفرح كبل رحت خابرت درة
درة : هلاو
يوسف : هلاو برويحتي تعالي ابشرج
درة : هاا حبيبي شكو
يوسف : ولج امي قبلت ازوجج وراح نجي نخطبج
درة : صدوووووووك عززا راح اموت دتشاقه صح
يوسف : لا مداشاقه حبيبي لج والله اليوم اتصلت عليه وخلتني ارجع للبيت وكالت اني راضيه عليك وزوجهة
درة : واخيرا راح ننجمع سوه
يوسف : يي والله شوفي درة تعبنه وصبرنه ونلنه مطلبنه الف الحمد لله
يوسف : لج لو بيدي اكول الأمي بأجر اجي اخطبج
درة : حبيبي لا نسوي مثل المرة الفاتت خلينه ندعي ومنكول الاي شخص لحد ما تصير الخطوبه تمام
يوسف : تمام حبيبي والله مابيه حيل بعد اتأذه وانتي هم تتأذين ونتعب
درة : يي حبيبي
يوسف : كملت المكالمه و رحت كعدت يم امي وأهلي وضلينه نسولف ونضحك وامي كالت بأجر اروح البيت درة واخطبهة ..... وراحت واتفقت وياهم ع كولشي وحددنه يوم الخطوبه الي هوة احلا يوم بحياتي
درة : اجت ام يوسف البيتنه واتفقت هية ومامه ورجل اختي اتفق ويه الرياجيل وحددنه يوم الخطوبه رحت اني وام يوسف ومامه ويوسف اجرت فستان ورحت للصالون حجزت جان الفستان عبارة عن لون اصفر وبي كرستال كولش نازك وثاني يوم رحنه اني ويوسف اشترينه حلقات وصار يوم الخطوبه مالتنه واخيررااا كعدت من الصبح واجه يوسف اخذنه اني واختي للصالون خليت ميك اب وسويت شعري ولبست الفستان وطلعت من الصالون لكيت يوسف كدامي طالع يجنن لابس بنطلون اسود وقميص اصفر وسترة سودة اني طلعت وشفته
يوسف : وصلت درة ورجعت للبيت تغديت وبدلت ورحت للصالون انتظرتها بالغرفه مال انتظار طلعت درة بس كولش كيوت ونازكه اني رحت بستهة من راسهة
يوسف : حبيبي هاي شطالعه شنو هل كياته
درة : وانته هم طالع حلو
يوسف : واخيرا تحقق حلمنه
درة : اخذتك بعد تعب
يوسف : يي والله صدوك بعد تعب يلا حبيبي اصعدج بالسيارة
درة : يي حبيبي
وصعدنه اني وياهة بالسيارة واجه فارس و روئ بسيارتهم وضليت اني وبنيتي مطلعين اغاني ونركص الطريق كوله كولش فرحانين وصلتهة البيتهم واني رجعت البيتنه شويه ورحنالهم واني كول شويه انزل بالشارع اني و ولد عمي ونركص لحد ما وصلنه البيتهم
درة : رجعت للبيت دخلت ومامه تهلهل واختي روئ راحت ويه فارس البيت يوسف و شويه واجه يوسف وأهله وعقدنه عقد شيخ ولبسنه الحلقات واخذنه الف صورة والف بوسه ههههه هوة راح واني وصديقاتي ركصنه لحد ما تعبنه حتى تسريحتي خربت حسيت نفسي صدوك مخطوبه

يوسف : رجعنه البيتنه وسوينه حفله اني وأهلي واقاربي واصدقائي خلص اليوم واتفقت ويه اهل درة بعد اسبوع الزواج لأن كولش خايف انو تخرب لأن اهلي شويه ممقتنعين و أقاربي من عرفو عن حب شويه ضل يحجون براس امي

درة : صارت ب 12 رحت نمت وثاني يوم كعدت رحت للصالون صبغت شعري لون سلفر لأن يوسف عاجبه هل لون واني بيضه طلع حلو عليه ثاني يوم رحت اجرت بدلات اني وياه وصالون وثالث يوم رحنه اشترينه ذهب و جزء من الملابس والمكياج وبعدها رحنه اني وأمه ومرت اخوه هم اشترينه ملابس كملنه النيشان مر الأسبوع واني متت من التعب ولا يوم كعدت وصار يوم الحنه من الصبح رحت للصالون البدله مالتي لونها بني غامق وهم الحنه مالتي بالبيت
يوسف : عده الاسبوع بسرعه اني بس ركض ضليتهة يا اعزم بجماعتي يا اروح ويه درة وأجرت قاعه للعرس مالتنه وفندق واجه يوم الحنه لبست قميص لون بني وبنطلون بيجي اخذت درة من الصالون رحنه اخذنه صور  ورجعنه للبيت خلصت الحنه احنه بيتنه مسوينه حنه بس بيت درة
درة : خلصت الحنه وصار الليل وضلينه اني ويوسف نحجي للصبح لأن كلت اله متوترة وخايفه مقبل يعوفني نمت ساعتين وكعدتني اختي بست مامه واخواتي لأن بعد ما اشوفهن من الصالون نروح للقاعه  رحت للصالون وخلصت طلعت مناك والزفه كولهة اجت يم الصالون ويوسف ضل يركص يم الصالون هوة وأخوه وامه بعدهة صعدنه للسيارة رحنه للقاعه وخلصت حفلتنه بس جان احلا يوم بحياتي رحنه للفندق وخلص اليوم وصرت زوجته وغصب عن الكل وحاليا اني ادرس مرحلة أولى

لهنا وتنتهي قصه درة 
مهما كان حظكم سيء وصارت وياكم اشياء سيئة الله سبحانه وتعالى راح يعوضكم بشي احلا بس اصبرو + حاربو علمود الاشياء الي تحبوهة و  خليكم متفائلين انو القادم افضل

تدرون هذ احلا بارت بالقصه بالنسبه الي صح مذكرت هواي تفاصيل بس جان كولش حلو هل بارت 💛🖤 
الكلمات : 757