في عمر الورد

13

هلاو♥️
.
.
.
.
.
.
.
.
درة : ضليت يم اهلي 15 يوم اجن اخواتي  شفتهن شكد مشتاقتلهن
حارث : عمر بس يبجي وابويه وامي يوميه يكولون نروح نرجع درة لان هية امه صارت وتعود عليهة بس إني ما اريدها احس بسببهة ماتت رهام .. رحت إني و أبويه وامي واخذنه عموري ويانه حته نرجع درة
درة : ابو حارث خابر أبويه كال راح يجون بس إني ما أريد ارجع أريد ابقه يم اهلي
حارث : وصلنه البيت درة ونزلنه ابوهة استقبلنه أبويه حجه ويه ابوهة
درة : دخلت سلمت عليهم بس حارث لا مسلمت عليه واخذت عموري ضليت العب وياه ونام بحضني فدوة شكد مشتاقتله   
ابو حارث : ابو درة حارث غلط و هوة هم تعبان وضايج ع مرته وكال هل كلام
ابو درة : بس بنتي مالهة ذنب
ابو حارث : هية غير مرته لازم توكف وياه بالحلوة والمرة وتتحمل شون تعوفه وتجيكم
ابو درة : بنتي اجت من وحدهة غير هوة جابهة وبنتي متاكد من تربيتهة ما عافتكم والطفل عدهة شهرين طبعا غصبا عليهة تربي بس الحق المفروض تحجو
ابو حارث : والله لو ما درة نحبهة ونحترمهة ما نجي وانتو أمرو واحنه نفذ
ابو درة : درة بنتكم وترجعلكم بس هية هم عدهة شروط
ابو حارث : شنو الشروط
ابو درة : إني بنتي صغيرة ما اقبل تبقه وحدها و موضوع رهام مينفتح ويه بنتي
ابو حارث : سهلة
ابو درة : إذا بنتي بيهة تقصير احجو
ابو حارث : ونعمه التربيه مابيهة تقصير درة بنيتنه
ابو درة : درة كومي حظري نفسج
درة : تمام بابه ... لميت ملابسي وبدلت .. طبعا إني لابسه اسود ع رهام طلعت الجنطه مالتي اخذهة حارث واني اخذت عموري بحضني وصلنه للبيت نزلت نضفت البيت وغسلته و رتبت ملابسي حارث لان لكيتهن بكل مكان
حارث : أبويه ضل يسولف وياي وبعدها رحت للبيت ضليت العب ويه عموري اول مرة اشوفه هيج ساكت ويلعب
درة : سويت عشه وخليت الاكل ع الميز كعدنه إني وحارث ناكل و عموري ضل يبجي
حارث : رهام نطيني عموري إني اسكته
درة : إني ضليت ساكته
حارث: رهام شبيج
درة : لا إني اسكته عادي
حارث : كملت اكل و خابرت ع صديقي لان باجر راح ارجع للدوام
درة : نسدت نفسي مكدرت اكل عموري نام كمت غسلت مواعين وشغلت التلفزيون شفت فلم
حارث : سويلي جاي
درة: يي هسة .. سويت جاي وعندي كعك خليت اله و رحت نمت لان الوقت تأخر ساعه 12
حارث : طلعت بالحديقه ضليت كاعد بيها اجه جعفر كعد يمي ضلينه نسولف وبعدها دخلت للبيت حته انام نمت يم درة لان ماكو فراش .. رهام اجتني بالحلم هية نايمه يمي حضنتهة وضليت احجي وياهة .... رهام ليش عفتيني مشتاقلج
درة : حارث حضني ويكول رهام ليش عفتيني مشتاقلج ( صدك نقهرت وختنكت ) .. حارث .. حارث
حارث : هاا درة ( انتبهت ع نفسي حاضن درة ابتعدت عنها )
درة : تريد مي
حارث : يي انطيني
درة : كمت للمطبخ مسحت دموعي وانطيته مي شرب ورجع نام
حارث : كعدت الصبح بدلت
درة : حسيت حارث كعد .. صباح الخير
حارث : صباح النور
درة : راح تروح ؟
حارث : يي
درة : اسويلك ريوك
حارث : لا هناك اكل
درة : ماعندي شي خل اسويلك ريوك
حارث : كلت لا ماريد خلص لتلحين
درة : غطيت راسي ورجعت نمت مو صوجه صوجي إني أريد اسويله
حارث : رحت للمركز بس مالي خلك اي شي
درة : مثل كل يوم كعدت نضفت وطبخت انتظرت حارث ع الغده
حارث : رجعت للبيت ..
درة : هلو حارث
حارث : هلو ..
درة : جوعان
حارث : يي كلش
درة : كامل الاكل راح اصب
حارث: تمام إني راح اسبح وابدل
درة : عموري ضل يبجي واني اصب اكل
حارث : الطفل يبجي مسمعين
درة : اسمع بس غير اصب اكل انته جوعان
حارث : عوفي الاكل روحي سكتي
درة : شلت عموري سكته طلع حارث كعد ياكل واني هم كعدت يمه     
حارث : انتي متعرفين طبخين الاكل مو طيب و مالح
درة : بس الاكل مو مالح
حارث : يعني ضروري سمميني
درة : حارث شبيك الاكل مو مالح
حارث : لا مالح شوفي طعمه
درة : حارث والله مو مالح
حارث : غبيه
درة : لا تغلط
حارث : انتي غبيه وثوله
درة : حااارث لا تغلط
حارث : لا تعلين صوتج فهمتي لو لا
درة : لا مفهمت من انته متغلط إني صوتي يصير ناصي
حارث : (كمشتهة من شعرهة) درة لا تعاندين إذا متفهمين إني افهمج ع طريقتي
درة : عوف شعري  
حارث : عفتهة وكمت
درة : انته بس عليه صاير رجال
حارث : رجال وغصب هم
درة : مو رجال الي يضرب مرته

حارث : درة مالي خلك اتعارك وياج .. كومي سوي اكل
درة : ما اسوي هذ الموجود أكله
حارث : انتي شنو تعانديني كومي يلا
درة : كلت ما اكوم
حارث : هذ اخر كلام عندج
درة : يي أخر كلام
حارث : اخذت الحزام وطلعت حركة ال3 أشهر الفاتت كلهة بدرة بحيث صوتها راح من العياط والبجي إني ابد ما اضرب شخص لهدرجه وبالذات إذا بنيه بس فقدت
درة : حارث جر الحزام و موتني من الضرب جسمي كله صار احمر ويوجعني كعدت بالزاويه وضليت ابجي و حارث كاعد ويباوعلي و عموري كعد ع صوتي وضل يبجي ماكدر اكوم من الألم
حارث : ضليت كاعد اباوع ع درة بس متندم هية ما آلهة دخل حته هيج اضربهة ... رهام اسف والله مو قصدي هيج اسوي بيج انتي تدرين بيه عصبي
درة : فدوة عوفني لا تحجي وياي كل كلمه كولهة تجرحني اكثر
حارث : رهام انتي عصبتيني
درة : كافي حارث اسمي درة مو رهام ارحمني واطلع
حارث: نصدمت ابد ممنتبه إني اكول آلهة رهام ... عفتهة وطلعت رحت البيت اهلي طلعت الغراض كلهة مال رهام والملابس والغرفه رحت اتبرعت بيهن معفت ولا شي حته الصور حركتهن عفت صورتين و العموري حته من يكبر يشوف امه .. خلص بعد انساهة و اعيش حياتي
.
.
.
.
.
.
.
.
الكلمات : 850
ممكن صوتون للقصه☹