في عمر الورد

23

هلاو

حارث : رجعت للبيت ساعه 2 بالليل لان سهرت ويه جماعتي ولكيت أبويه واكف بالباب وعصبي يمكن اول مرة اخاف منه هيج 😂
حارث: هاا يابه شونك
ابو حارث : وين جنت
حارث : ويه جماعتي
ابو حارث : صاير عديم مسؤوليه مرتك يم اهلهة وابنك يم امك وانته طالع لحد الان
حارث : يعني شسوي اكعد بالبيت واضل ابجي ع مرتي مثلا وثانيا ابني يم امي
ابو حارث:وتدري ابنك قبل شويه يله نام لان بس يبجي وميقبل بأي واحد ونتصل عليك مترد
حارث : يي تليفوني طفه شحن
ابو حارث : ليش مرتك يم اهلهة
حارث : هية تريد اهلهة واخذتهة ألهم
ابو حارث : حارث احجي عدل ترة ما باقي عقل براسي

حارث : كلت الهة سوي لي اكل وما قبلت وغلطت عليه وكتلتهة وهية كالت أخذني الأهلي
ابو حارث : ماكو بعد شي غير هذ ؟
حارث : لا
ابو حارث : بس اني درة اعرفهة بنيه ذكيه وعاقله متروح لهيج اسباب
حارث : واني شعليه بيهة هية حتى تريد تطلك
ابو حارث : لا مستحيل حارث مرتك ترجع حتة لو غلطانه اني اروح واحجي وياهة فكر بعموري تريد جيبله مرة اب لو شون ترة امك مريضه مابيهة حيل مسؤولية طفل
حارث : بس هية اصلا درة مرت اب مو امه وثانيا ما اعتقد بيهة شي لو زوجت وشفت حياتي اني صار 7 اشهر البيت كارهة لا تحجي وياي ولا مهتمة بيه من العركه الأخيرة ولليوم هية متريدني ناقصني شي اني ؟
ابو حارث : درة ام مو مرت اب لو تفتر الدنيا كولهة متلكه مثل درة منو تتحمل ابن ضرتهة الي اخذت زوجهة منهة وتربي وتعتبره ابنهة منو تتحمل رجال يزوج عليهة منو تتحمل رجال يشك بيهة ويقتل طفلهة منو تتحمل ضربك حارث اني ما ارضه عليك اذا تطلك درة
حارث : بس اني ما اريدهة يابه لا تجبرني
ابو حارث : حارث انتهى الموضوع باجر اني وامك نروح نرجعهة
حارث : خلص براحتك بس اني اريد ازوج
ابو حارث : هذ شي خاص بيك اذا تريد تزوج بس تعدل بينهن
حارث : نشالله
درة : جسمي كوله يوجعني وشويه انتفخ تمددت اريد انام و ضليت افكر باجر شون اروح للمحكمه اني احبه ماكدر اسوي شي يأذي وثانيا عمو وعمتي زينين وياي خفيت ما ادري بنفسي من كثر التفكير والخوف والقلق
ام درة : درة كعدي صارت ساعه 7 عدنه روحه للمحكمه
حارث : كعدت الصبح اني وابويه وامي حتى نروح البغداد نرجع درة   
درة: فزيت ع صوت مامه.. هاا مامه
ام درة : شنو غير عدنه روحه
درة : مامه ما اريد اشتكي عليهم بس اريد اطلق منه
ام درة : ليش وحقج والي سواه وياج درة لا ضلين خايفه وساكته هذ العالم ياكلج اذا ضلين هيج ساكته تموتين انتي اذا متردين نفسج انتي بنتي اني اريدج ترة ماكو شي اهم من الكرامه وحاليا انتي بدون كرامه
درة : خلص كمت
ام درة : يله بدلي وشويه عدلي نفسج وجهج عبالك وحدة ميته
درة : مامه شبيج
ام درة : ليش اني جذبت بشي
درة : خلص كافي ههههه .. كمت بدلت وباوعت ع نفسي بالمرايه فعلا شكلي حيل متغير وعيوني صايره بيهن شويه سواد ( هالات ) غسلت وخليت شويه حمرة لخدودي وحلكي وماسكارا وطلعت
ام درة : كملتي ؟
درة: يي مامه .. رحنه للمحكمه وقدمنه شكوى ع حارث بس كالو لازم تخلون محامي رحنه لمحامي وصفو النه ضلينه منتظرين بالمكتب مالته
محامي اوس : اعرفكم ع نفسي اسمي اوس عمري 24  اني كوردي ساكن اني وصديقي هم محامي بغداد اهلي عايشين بكركوك اني اشتغل بشركه اهلية بس الحمد لله اني محامي شاطر وعندي مكتب حاليا  ..
درة : رحت سئلت السكرتير شوكت يجي المحامي لان صارت ساعه 9 بس هوة كال يكمل القضيه الي عنده ويجي
اوس : كملت القضيه الي عندي ورحت للمكتب لكيت اكو ناس منتظريني  .. صباح الخير
ام درة : صباح النوم
اوس : تفضلي خاله
ام درة : خاله اني رفعت دعوى ضد رجل بنتي
اوس : انتي رفعتي لو بنتج
ام درة: لا بنتي
اوس : خلص لعد نحجي اني وبنتج حتى افهم منهة أكثر .. شنو اسمج
درة : اسمي درة
اوس : يي درة ليش اشتكيتي ع زوجج
درة : لان يضربني ويخوني وميحترمني ومينطيني مصرف
اوس : يعني هسة انتي اكيد عندج مشكله شنو سبب مشكلتج
درة : طلبت مني اسوي اكل واني كولش مريضه وتعبانه  و هوة تعارك وياي وضربني بالحزام
اوس : شنو مسوي وياج احجي حتى اكتبه بالملف مالتج .. عندج اطفال ؟
درة : لا
ام درة : هية جانت حامل و هوة ضربها وسقط الطفل
اوس : انتي عايشه ويه مجرم ؟
درة : عادي ننسه سالفه الإسقاط
ام درة : درة كافي تسامحين ع اقل خل يرجع الج حقج
اوس : لا مو عادي هاي بحد ذاتهة جريمه .. شنو يشتغل زوجج
درة : هوة ضابط بس ابوه عقيد
اوس : يي عادي القانون فوق الجميع
ام درة : والله لو شوف شون يضربها وهسة جسمها صاير بي كوله آثار مالضرب
اوس : درة تردين ترجعين اله او لا
درة : لا ما ارجع
اوس : تمام هسة راح اكتب الج ورقه ترحين للدكتورة فقط شوف جسمج و تكتب الي تقرير تمام
درة : تمام
اوس : درة تردين نفتح موضوع الطفل والاسقاط أو لا
درة : ما اعتقد اكو داعي اسامحه هوة ميستاهل
اوس : تمام .. هسة ترحين للدكتورة وترجعين حتى اسلم القضيه مالتج للمحكمه   
درة : اوك
ام درة : يلا مامه
درة: يي مامه  .. رحت للدكتورة وشافت جسمي وكتبت تقرير ورجعت للمحامي
اوس : هسة كتبو الي رقم واني وياكم نضل ع تواصل .. هاا صدوك راح إلقاء القبض ع زوجج حارث
ام درة : تمام
درة: بس
ام درة : درة كافي لا تعصبيني
درة : طلعت بس كولش خايفه لان احنه وحدنه ما عدنه رجال يوكف ويانه امي اجرت تكسي ورجعنه للبيت شفت سيارة حارث طابكه بالباب اني كمت ارجف من الخوف نزلت من السيارة لكيتهم منتظرينه لان اخواني ما مدخلينهم

الكلمات : 866