في عمر الورد

29

هلاو

ام درة : والله يا ام حارث البنيه قافلة متقبل ترجع و هوة يبقى قرارهة واني ما اكدر اجبرهة
ام حارث : احنه اجيناكم من الباب معقول تردونه صيحي درة نتفاهم احنه وياهة
ام درة : درررة تعالي
درة : عدلت نفسي مو لأن احبهم لا حتى اغيظهم فقط ... يي مامه اجيت
ام درة : تعالي كعدي
درة : السلام عليكم
الكل : وعليكم السلام
ام حارث : هلا درة شونج حبيبتي
درة : تمام الحمد لله وانتي
ام حارث : ع الله
درة : شونك عمو
ابو حارث : هلا بيج
ام حارث : يمه احنه جايين نرجعج وانتي بينكم طفل وعشرة عمر ترة 3 سنوات مو شويه
درة : يي صح بس عموري مو ابني ابن زوجت طليقي اني مجرد ربيته
ام حارث : اي يا يمه هية الأم الي تربي مو الي تخلف
درة : اني ارجع ويه حارث بس عندي شروط
ام حارث : شنو هية شروطج
درة : يخليني اكمل دراسه و يشتريلي بيت بغداد وبعد ميضربني ويحترمني
ام حارث : يمه تعوفين بيتج واحنه بيتنه شكبره وتجين البغداد
درة : لعد و دراستي
ام حارث : المرة ما الها غير زوجهة
درة : يعني مموافقين ع شروطي؟
ام حارث : مو ما وافقين بس شروطج صعبه تدرين حارث يتخبل من بنيه تدرس
درة : و اني ما مستعده أضحي ع مودة
ام حارث : فكري بالموضوع
درة : هذ قراري النهائي انتو فكر
ام درة : يا مامه يا حبيبتي الناس شارينج ويردوج انطي فرصه
درة : و اني ما انطي فرصه حتى اضل كل عمري متندمه عليها
ابو حارث : احنه نترخص
ام درة : الله وياكم
درة : كمت غسلت المواعين ورتبت البيت ودرست فتحت الفيس لكيت روئ كوومه مراسله
درة : هلو
       شبيج
روئ : لج تعالي شوفي لكيت الفيس مال حبيبج وطلع صديق حبيبي
درة : اني عندي حبيب ؟,
         من شوكت
روئ : لج اقصد هذ الولد الي ساعدج
درة : ثول غوفتيني عبالي شنو صاير
روئ : يعني ماعندج فضول شوفين صفحته ؟
درة : لا بس ميخالف دزيلي صفحته اشوف
روئ : 😂😂
         مو ما عندج فضول خليج هيج
درة : لا امانه دزيلي
روئ : اوك هسة ادزهة
درة : روئ دزتلي صفحه ودخلت ضليت اقره بالمنشورات مالته وشفت الاصدقاء الي عنده ع الفيس كولشي عرفت عنه اسمه يوسف عمره 23 منطقته قريبه ع منطقتنه حاولت اعرف مرتبط أو لا بس ما عرفت ☹️ رحت راسلت روئ
درة : روووووووئ
        لج تعالي
       بسااااع
روئ : شبيج
درة : اكولج هوة مرتبط أو لا
روئ : هسة اسئل حبيبي و ارجع
درة :, تمام
         انتظرج
روئ : لا ما مرتبط
درة : تمام
روئ : اهنيج ع ذوقج
درة :, نجبي اني حبيت أخلاقه
روئ : بعد كولي حبيت طيبة كلبه
درة : يلا ولي روحي الحبيبج اريد انام
روئ : عود صدوك تحجين
         ترة ساعه 10
درة : يي هوة هذ وقت نومي
روئ : دجاجه
درة : يلا حبيبي تصبحين ع خير
روئ : تلاكين الخير 🧡
درة :طفيت الفون ورحت نمت بس مكدرت انام ضليت افكر بهذ الولد .. كوله بسبب روئ الحقيرة خلتني احبه و افكر بي
درة : كعدت الصبح كولش فرحانه سويت ماسك الوجهي وسبحت وخليت ميك اب وبدلت وطلعت بكل نشاط و أمل وصلت للمعهد متأخرة كولش دخلت كبل للقاعه خلصت المحاضرات وطلعنه اني و روئ
روئ : اليوم متأخرة
درة : أخذني النوم
روئ : لعد مو نمتي بالعشره
درة : خلص انسي
روى :, اوك
درة : يلا نروح للسنتر
روى : لا نروح نشرب قهوة
درة : لا ما احبها
روئ : استغفر الله
درة : يلا امشي للسنتر
روئ : اوك بقره مالاكل
درة : حبيبتي اني شكد ما اكل ما اسمن مو مثل بعض الناس إذا يشتمون ريحه مال اكل يسمنون
روئ : تنمر هذ
درة : هههههههههه يلا امشي
روئ : راح اخابر حبيبي يجي يكعد ويانه
درة : لا روئ شيكولون علينه الناس
روئ : شوفي الناس كولمن ملتهي بالحب مالته من توصل النه يحجون
درة : إذا خابرتي اكوم
روئ : خلص ما اخابره راح ادزله رسالة
درة : ترة مضحكين
روى : درة راح اخابره معليه بيج درة
:, هفف
روئ : اششش داتصل ..... درة شكلي حلو حبيبي راح يجي
درة : يي تخبلين كمر
روئ : يمه فديت ... درة اجه حبيبج ويه حبيبي
درة : مو حبيبي لا جلطيني
فارس ( حبيب روئ) : هلو بنات
روى : هلو حبيبي
درة : هلو
يوسف : هلاو عادي اكعد وياكم
روئ : هلاوات يوسف شونك
يوسف :, تمام
روى : اكعد عادي تفضل
درة : يلا عمري اني اترخص
روئ : وين ؟
يوسف : خلص إذا عليه راح اروح
درة : لا مو هذ قصدي بس لازم ارجع للبيت و همة هم ياخذون راحتهم
يوسف : اوك خل ياخذون راحتهم و اني وياج نكعد بغير مكان 
درة : 🙂 عفوآ ؟
يوسف : لا ماكو شي
درة : يلا حبيبي اني رايحه
روئ : اوك عمري باي
يوسف : اني هم اترخص
روئ : هاي شبيكم ؟
فارس : يوسف وين رايح مو متفقين نتغدا كولنه سوة
يوسف : ع غير مرة  ... صراحه كولش ضجت يعني متوقعت هيج راح تفشلني بس حبيت اخلاقهة