Villa Martinez Series #1: If Our Love Is Wrong

Chapter Eleven

Chapter Eleven

Love

"We just ate dinner... And then I told him na... Hindi ako pumapayag na... ligawan niya..." I said after we parted from the kiss we just shared. It still felt the same. I knew it was wrong pero parang wala naman akong maramdamang mali sa ginawa namin.

A smile appeared on Tisoy's lips. Napangiti na rin ako. Muli niya akong hinalikan. Pero hindi pa man nagtatagal iyon ay napahiwalay na kami sa isa't isa nang marinig namin ang malakas na boses ni Mommy.

"Ano'ng ginagawa n'yo?!"

We both turned to her.

My eyes widened. "M-Mom—"

Mabilis siyang lumapit sa amin ni Tisoy at pinaghiwalay pa kami. "What is this, Andrea Lia?!" malakas ang boses niyang sabi at hinarap ako.

"M-Mommy..." Nanginginig ang boses ko at hindi ko alam kung paano magpapaliwanag.

Mariin niya akong hinawakan. I flinched a bit. "Mom..." Sinubukan siyang ilayo ni Tisoy.

"What is this, Kristoff?!" Si Tisoy naman ang hinarap niya.

"What's happening here—" Si Dad na pumasok sa kusina.

Nag-angat ako ng tingin at nakita na naroon din si Manang, kita ko ang pag-aalala niya.

"Nahuli ko silang—" Hindi halos masabi ni Mommy ang gustong sabihin. Nanubig ang mga mata niya sa luha. "N-naghahalikan!"

Yumuko ako.

"What?!"

"Dad..." Si Tisoy na sinubukang magsalita.

"Explain this, Lia!" putol ni Mommy sa kanya.

Bumuhos na ang mga luha ko. Nag-angat ako ng tingin at agad akong dinaluhan ni Tisoy nang makita niya ang mga luha ko.

Nanlalaki ang mga mata ni Mommy habang nakatingin sa amin. Kita ko na hindi siya makapaniwala.

"D-Dad..." I turned to Daddy dahil hindi ko kayang humarap kay Mommy. "Dad, we met at the island. Hindi namin alam noon na—" Umiling ako at patuloy ang pagluha. "W-we—"

"May relasyon kami," putol sa akin ni Tisoy.

My eyes went wide. Ganoon din ang reaksiyon ni Mommy. Habang nakatingin ako sa kanya ay nag-aalala ako na baka bumagsak siya o himatayin.

Umawang ang mga labi ni Daddy. "A-anong relasyon—"

"Girlfriend ko po si Andrea," mas malinaw na sabi ni Tisoy.

"Hindi puwede!" sigaw ni Mommy. Halos maghisterya siya sa nalaman. "Magkapatid kayo! Hindi 'yan totoo!"

Maagap na dinaluhan ni Daddy si Mommy. She cried in his arms. Dad turned to me. "Lia, totoo ba ang sinasabi..."

I nodded. "M-mahal ko po—"

"How dare you! Wala kang utang-na-loob!" Kumawala si Mommy kay Daddy at mabilis akong sinugod. She slapped me. Mabilis na kumilos sina Dad at Tisoy para pigilan siya. I accepted all her slaps as I cried. "After everything! Ito ang isusukli mo sa akin?!"

Tuluyan na siyang nailayo nina Dad sa akin.

Niyakap ako ni Tisoy at pinrotektahan mula kay Mommy. Dinuro ako ni Mommy habang hinahawakan siya ni Daddy para mapigilan. "Malandi ka! Kapatid mo pa! Nagpalaki ako ng isang imoral!"

"Tama na, Analia," sabad ni Manang na umiiyak na rin habang nasasaksihan ang nangyayari.

"Bitiwan mo 'ko, Christopher!" Pilit na kumakawala si Mommy kay Daddy at hindi nakikinig.