The Angel's Promise (Sequel of The Time Traveler's Love Story) - Completed

Chapter 13: Nakaligtaang Nakaraan

“Ako ang responsible sa hinaharap at nakaraan. Ako ang responsable sa oras at panahon. Ako ang tagatakda.”

Medyo naguluhan ako sa sinasabi ni Akihiro at nitong tagatakda daw. Biglang namilog ang mga mata ko. Tama...kaya siya pamilyar, kaya ko siya kilala. Siya nga. Isang tao mula sa nakaraan. Taong responsable sa oras.

Si Manong Puti.

 

 

Nakita ko na siya dati pero di ko maalala kung saan. Nakangiti siya. Sa mga oras na yun alam kong isa rin siyang kagaya ni Akihiro. Maaring hindi siya anghel pero nasa iisang kategorya lang sila ni Aki. Imortal. Alam kong imortal siya.

"Andito ako para gawin ang pinakahuling proseso, anghel. Kung desido ka na sa balak mo, kailangan malaman ng mortal na ito ang nakaraan mo."

 

 

 

 

 

"Pero bakit?"

 

 

 

 

 

"Parte ng isang tao ang nakaraan. Sa prosesong ito, malalaman niya ang pinagmulan mo. Ang panahong pinanggalingan mo ay di na magiging importante. Pero kadalasan ito ang pinakamasakit balikan. Ikaw Mikaella, gusto mo rin bang malaman ang pinanggalingan ng anghel na ito?"

Babalikan ang nakaraan...makikita ko ang pinanggalingan ni Akihiro. Bigla akong nacurious. Pero kinakabahan ako. Oo gusto kong makita ang nakaraan niya kaya kahit may pag aalinlangan ay binigyan ko silang dalawa ng ngiti. Isang positibong sagot sa katanungan ng tagatakda.

Lumapit si Manong Puti at hinawakan ang pulso naming dalawa ni Aki. Naging isang malaking liwanag ang paligid at biglang parang nasa isang lumang setting ako. May nakikita akong mga tao pero hindi nila ako nakikita. Para akong nasa isang movie scene at ako ay isang dakilang invisible!

Hindi ko alam kung anong year ako napunta pero parang mga 70's ang style ng mga tao. Nakakita ako ng batang pinapanganak at nagtranscend ito sa pagiging bata. Nakikita ko siyang nagdradrawing ng kung ano ano hanggang sa bigla na siyang tumanda ng kaunti at naging high school student na. Doon ko nakilala kung sino yun. Si Akihiro.

Bigla ulit nagtranscend ang mga imaheng nakikita ko. Nakita ko si Akihiro kasama ang isang babae, isang pamilyar na babae. Nakaupo sila sa isang bench. Nag uusap. Nag ngingitian. Ngunit hindi lahat ng pinag uusapan nila ay naririnig ko. Bigla na lang may babaeng nalaglag? Hindi ko alam kung saan siya galing pero bigla siyang nalaglag sa harapan ni Akihiro kaya tumakbo yung babaeng kasama nito papalayo. Akmang tatakbo din si Akihiro pero sinigawan siya noong babae.