زينب:مرحبا اني زينب عمري 20 سنه اني من ام كرديه وأب بصراوي بيضه عيوني زرك فاتح قصيره وشعري طوييل كللش ادرس علوم حياة احنه عائلة متحرره بس بحدود عدي 2 اخوات وحده اكبر مني هيفين عمرها 27 سنه مزوجه وعدها بنيه طيبه عمرها 7 سنوات رجلها جلال همه اتزوجو عن حب بالجامعه هيه متخرجه من كلية الفنون و وحده اصغر مني ملك عمرها 18 تدرس سنة أولى كلية تقنيه هاي مدللة امي ابويه تزوج امي من دون رضاة اهله لأن ماما سافره وكرديه بس هوه حبها وكال لو هيه لو مازوج اتزوجها وعاش بالسليمانيه يمنه لأن اهله تبرو منه اشتره بيت وسجله بإسم ماما وعاش وياها احلا حياة امي عدها بس أخ واحد كللش حباب وابويه عده 2 اخوان واخت وحده اللي همه بالبصره بس ابد منعرفهم شكد بابا حاول يزورهم بس ماقبل جدو أهل بابا عدهم خير من الله الهم سمعتهم وصيطهم بالعراق وعدهم اكثر من شركه بلبنان وتركيا ومصر من غير الشركات اللي بالعراق يعني عدهم خيير من الله وبابا من ازوج ماما ابو قطع اسمه من البنك وراحت فلوسه اعتقد انو من يقطع فلوسه راح يبطل يزوج ماما ويرجع الهم بس هوه بالعكس عادي كام يشتغل وساعده جدو أبو ماما وبالبدايه كعد ويه جدو بس من جمع فلوس اشترى بيت وكعدنه بي جان بابا كللش يحبنه يمووت علينه خصوصا احنه نشبه ماما العيون الملونه والشكار ف جان يمووت علينه وعلى ماما وابد ماعترض انو ما اجاه ولد بالعكس جان فرحان بينه وعلمنه نحجي عراقي مضبوط لحد ما جان عمري 8 سنوات بابا جان رايح للبصره يشوف جدو بلكت يكدر يسامحه ويعتذر منه ونجي نعيش يمهم بالطريق صار انفجار وبابا راح بيها جان باقي بس جسمه مكطع حللنه DNA وطلع مطابق بوكتها دخلنه حالة صدمه بابا بين يوم وليله مات ماما دخلت مستشفى ماتت من البجي عليه كامت متاكل ولا تشرب مشت الايام وتعودنه على غياب بابا وصارت ماما هيه الأب والأم صارت بألف رجال علمتنه ناخذ حقنه من أي شخص كان ظالمنه ومنسكت عن الظلم والحق ماما تحجبت من وكت بابا بس احنه ماضغطت علينه كرست حياتها بس علمودنه حتى تربينه ومازوجت وره بابا وصارت الامرأة العظيمه اللي حمتنه من الذياب الي بالشارع وحتى الجوارين جانوا يحبوها ويحترموها على شجاعتها واخلاقها .....
زينب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
. . . . . عمر :مرحبا اني عمر عمري 30 سنة اني من البصره من ام وأب بصراويين امي وابوي اولاد عم احنه عدنه خيير من الله شيوخ ولد شيوخ عندي عمام ثنين وعمه وحده عم من عمامي اللي هوه عامر حب وحده كرديه وازوجها وجدي الله يرحمه طرده من العشيره لأن كسر كلامه وماقبل انو يزوج بنت عمه وحب وحده سافره جدي جان صح يمثل انو هوه قوي وجبروت بس جان من داخله مكسور على عمي انقطعت اخبار عمي ازوج واستقر بالسليمانيه بالبداية كان كل شهر يجي لجدي يتوسل بي انو يرجع يعيش يمهم بس جدي ما كان يقبل وكان يطرده ويرجع عمي مكسور خاطره جنت كللش انقهر عليه واحبه بس جدي منع أي واحد من عدنه يتواصل وياه واللي يتواصل ويه عمي عامر دون علم جدي مراح يحلله ويواهبه ويرضه عليه لذلك عمامي ماكانو يكدرون يتواصلون ويه عمي اني عدي اختين واخوين اني الوسط بينهم واختي زهراء هيه اصغر وحده والمدلله اخواني واحد اكبر مني علي واحد اصغر مني زيد الجبير مزوج والصغير خاطب واختي اكبر مني عذراء مزوجه وعدها ثنين ولد شكد اهلي حاولوا يزوجوني ماقبلت ولا مفكر بالزواج واقضي شهوتي ازوج متعه بدون علم اهلي فقط ابن عمي يعرف وكل شهر مبدل وحده ومامقصر عنهن بشي اكعدهن بشقتي الخاصه محد يعرف بيها فقط ابن عمي وعضيدي كرار عمري ما متقرب من بنيه بالحرام اللي تعجبني اطلب منها زواج متعه اكو يقبلن واكو لا ماجبرهن اني شيخ ومكمل طب عام بس ماشتغل بمهنتي اشتغل بشركاتنه من اتوفى جدي عاشت يمنه بيبيتي وجانت حيل حاكمه والكل يسمع كلامها وابد ميكسره لان شخصيتها قويه ومتسلطه وحاكمه .....
عمر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
