بين قسوته وحنانه ((باللهجة العراقية))

البارت 19

آكثَّر المشاعر تَعباً هيَ إنَّك لَست حزين
لَكن الاشياء المَركونه في صدَّرك تحتاج
إلى عِناق لتبكي ،

تصويت جورياتي❤
____________________
.
.
.
.
كرار: اتفقنه اني وعمر على مها حتى نكشفها..

الخطه جانت انو اروحلها للبيت واسجل صوتها وهيه تهددني وانو هيه جابتني هنا وصورتني..

كتله لعمر خاف متنجح الخطه كلي لا تنجح وداعتك..

المهم خابرتها كتلها انتي وحدج بالبيت اريد اجي..

مها بفرح: واخيرا بديت تتقبلني..

كرار:هسه يله فضيني منو يمج

مها:بس ماما وهسه راح اخليها تطلع انتظرك

كرار:ماشي اوك..

كرار:ركبت سيارتي ورحتلها وره نص ساعه..

وصلت لبيتهم واني خايف خاف تخرب الخطه وتكشفني..

المهم دكيت الباب فتحتها ودخلت..

باوعتلها جانت لابسه لبس يخزي وكله مكشوف..

لعبت نفسي منها ودرت وجهي ودخلت جوه..

اجتي ورايه اني كعدت على القنفه اجتي لزكت بيه..

بعدتها وكتلها..

كرار بعصبية: كومي بدلي هدومج عدي حجي وياج

مها: هاي شبيك حبيبي غير اتحضرت علمودك وماما خليتها اليوم تبات يم خالتي وبابا ميجي كلت حتى نسهر وناخذ راحتنه

كرار بنرفزة:كتلج كومي بدلي هدومج لبسي لبس مال اوادم وتعالي احجي وياج بعدين شنو هل حجي مال نسهر سوه شكد متستحين

مها: انتظر خل ابدل واجي نسولف😒

كرار:راحت مها واني حضرت التسجيل اجتي لابسه تراك هم لزك بس احسن من القبله كعدت كبالي واني جنت محضر التسجيل

كرار بهدوء: مها ليش هيج سويتي

مها: شقصدك شسويت إني

كرار: تعرفين قصدي شنو على الصور الي طكيتيها

مها بانتصار: هههههه هاا اذكرت الصور بس شلون صور والله حلوه

كرار بعصبية:ترى اني مكاعد اضحك كولي ليش هيج سويتي

مها بثقة: لأن احبك واريدك الي وانته ما معبرني كلت احسن شي اجيبك بطريقتي الخاصه واهددك

كرار باستهزاء: اي وكلتي خل اهدده حتى يزوجني لو افضحه موو

مها بثقة: اي عفيه بالضبط

كرار بقوة:واني بعد لا تهميني ولا اهتم لتهديدج انتي ونعالي سوه

مها:حلووو والله وطلعلك لسان وكمت تحجي خوش لعد بيك خير انتظر ابويه لأن راح يجي وعود تفاهم انته وياه على العرس مالتنه ورا ما اراوي الصور..