بين قسوته وحنانه ((باللهجة العراقية))

البارت 12

عليک شكد اًكول لـ روحي هنياَلي !!♥️

تصويت جورياتي❤
___________________
بارت هدية لعيونكم حبايبي
.
.
.
.
عمر: طلع الدكتور من الغرفة ركضنه كلنه عليه

الكل:ها دكتور بشرنه شصار

الدكتورة:المريضه هسه صحتها مو زينه وداخله بغيبوبه وهذا كله لأن راسها تأذه اريدكم تدعولها وانشالله تصير زينه هسه احنه خاليها تحت المراقبه واطلب منكم انو تخففون هوسه لأن يأثر على مريضتكم وعلى كل المرضى عدها العافيه انشالله ...

راح الدكتور واحنه كعدنه على الكراسي بأسى ماعدنه غير الدعاء...

رحت للبيت اجيب كم شغله محتاجها تلكتني بيبيتي

ام صابر ببكاء:يمه وليدي ماتهنيت بأبنك بعدك ماشفته ومات الله يعوضك يا يمه بس لا تنقهر اهم شي صحت زينب هسه

عمر بهدوء: الله يشافيها انتي بس ادعيلها محتاجين دعائج

ام صابر:يمه الله يشافيها انشالله

دخلت جوه شفت سمر وخالتي سلمت عليهم وصعدت فوك...

بمكان ثاني

ام سمر:سوده عليه عمر متبهذل

ام عمر:اي والله شنسوي الله يشافيها اهم شي

ام سمر: هيه خسرت الطفل

ام عمر بقهر: اي خسرت الطفل سوده عليه

ضحكت أم سمر وسمر

ام عمر بنرفزه: خير رباب شو تضحكين

ام سمر : لا خيتي وين ضحكت الله يشافيها انشالله

كامت سمر راحت للمطبخ وجان عمر فوك راحت طلعت برتقال عصرته (بيت ابو عمر عادي عدهم سمر تطب وتطلع لأن بت اختها لأم عمر وماينه عليهم) صدفة نزل عمر للمطبخ

سمر بدلع: شلونك عمر

عمر: الحمدلله على الله

سمر بدلع: تفضل عمر هذا عصير طبيعي عصرته الك حتى تتقوه

عمر :لا شكرا ماشتهي

سمر:لا حباب اشربه لخاطري زين لخاطر زينب اذا تعزها

عمر: خوش لخاطر زينب اشربه

اخذه عمر العصير وشربه وحس بي طعم غريب وسمر تباوعله وعلى شفايفها ابتسامة نصر

عمر :شربت العصير حسيت بي طعم غريب بس شربته شويه ونعست كلش اريد افتح عيني ماكدر حسيت روحي متخدر صعدت لغرفتي اكمل كم شغله وبدون ماحس نمت ورحت بسابع نومه ونسيت زينب والمستشفى....

كعدت بليل تقريبا ساعه 9:00 ⏰ تخبلت من شفت الساعه هاي شنومني هلكد المستشفى زينب الدنيا كلها هسه يكلولي وينك ليش تأخرت واني كتلهم بسرعه ارجع...

كمت بسرعه طلعت ورحت للمستشفى بعد ما كتلهم لأهلي انو رايح والحجيه رادت تجي وياي بس كتلها غير مره مستعجل و وعدتها باجر اخذها....

وصلت للمستشفى لكيت الكل بالكافتريا مال المستشفى بس أم زينب يم زينب فوك...

رحت يمها

عمر:ها عمه بشري شصار ماصار

ام زينب:والله ماكو شي بس كالو راح انخلي واحد منكم يدخل جوه يمها ويحاجيها بلكت تستعيد وعيها لأن هيه تسمعكم وراح تستجاب للشخص القريب عليها واني كلت ادخل

عمر:خوش عمه

شويه واجه الدكتور كال منو يريد يدخل منكم يم المريضه بس كون شخص واحد مو أكثر وكون هذا الشخص الا مكانه كلش جبيرة عد المريضة لأن مثل ماكتلكم هيه تسمعكم واذا أحد منكم حاجاها ممكن تستجيب راحت عمتي كلتله اني اروح اخذها وراحوا لمكان حتى تلبس لبس معقم وتتعقم وتدخل...

راحت عمتي دخلت جوه وره تقريبا ربع ساعه اجاها الدكتور كلها كافي اطلعي طلعت وهيه تبجي رحت يمها كتلها بشري شلونها ما ستجابت الج

ام زينب ببكاء: لا ماستجابت سوده عليه بس النفس يصعد وينزل كله اجهزة مربوطه

عمر بأسى: شنسوي مالنه غير الدعاء ...
.
.
.
.
.........................

مر تقريبا عشرة ايام نفس الروتين وزينب على نفس حالتها ابد ماكعدت ولا حركت أي جزء من جسمها وكل يوم امها تدخل عليها تحاجيها خواتها دخلن بيبيتي دخلت بس اني مادخلت جنت خايف عليها...

لحد ما يوم حاجاني كرار كلي ميصير هيج لازم تدخل عليها هيه تحبك بلكت تستجاب الك وقنعني ادخل الها رحت حاجيت عمتي كتلها اريد ادخل إني هل مره وهيه ما كالت شي بالعكس كيفت كالت هيه تحبك بلكت تسمعلك...

رحت للدكتور حاجيته قبل ادخل وطبعا دكتور زينب جان كلش خوش رجال وكلبه طيب ومتفهم وهو رجال جبير وسوه كل الي يكدر عليه حتى زينب تستعيد صحتها....

رحت لغرفة خاصه عقموني ولبست ملابس معقمه ودخلت واني كلبي يدك وخايف منها اخاف مراح تستجيبلي...

دخلت للغرفه واني اباوعلها شلون ذبلانه والاجهزة مربوطه بيها من كل مكان انقهرت عليها وتكطع كلبي وظليت اسب بروحي ميت الف مره لأن خليتها هيج يصير بيها رحت كعدت يمها ولزمت ايدها..

عمر بهمس يم إذن زينب : حبيبتي اني اسف على كلشي صار بيناتنه ارجعيلي وعد مراح اخليج تضوجين مني ولا راح اعصبج ابنه حاليا بالجنه انشالله الله يعوضنه انتي بس كومي بالسلامه راح اخليج تجيبين درزن جهال اترجاج صيري زينه اذا مو علمودي علمود امج خطيه ماتت من التعب اذا كاعد تسمعيني حركي ايدج سوي اي شي

زينب ماتحركت ولا سوت شي من شافها عمر هيج بعد ماتحمل وكام يبجي خله راسه على ايدها وظل يحجي وياها ويبجي بس هيه ابد لا تحركت ولا سوت شي اجه الدكتور وكله لعمر خلص الوكت لازم يطلع هستوه كام جان زينب تحرك ايدها......
.
.
.
.
.
مرحبا جورياتي شلونكم لتنسون التصويت والمشاركه هذا البارت هديه الكم احبكم كلش هواي اشوفكم على خير.
.
.
.
.
بقلمي الكاتبه حوري❤