بين قسوته وحنانه ((باللهجة العراقية))

البارت 28

ظَلت بِـ روحي السوالِف تشتهيك
وانتَ بارد مَ تفرفح مِن اجيك !

تصويت جورياتي❤
_____________________
.
.
.
.
زهراء..الحمدلله سجاد طلع مابي شي حادث بسيط ورضوض خفيفه يوم 27 رمضان استشهد خطيب زينب وخطيه ماتت من البجي والله حظها عاثر مارتاحت لا ويه عمر ولا ويه مرتضى

رحنه للفاتحه وزينب حال الضيم حالها بس خطيه ماكو واحد يوصل مثل ام رهف خسرت ابنها الربته 25 سنه بيبي هواي تأذت على زينب وعمامي هم تأذوا عليها

سمر وضعها هل ايام ما عاجبني متوترة ومن تجي يمنه تطلب من عمر مبالغ جبيره حتى تشتغل بيهن عود

مره اجتي يمنه وجان عمر بالحمام وهيه كاعده بالاستقبال لوحدها لأن اجاها اتصال وراحت

اني مو بقصدي اتسمع بس بالصدفة سمعتها

سمر بتوتر..اكلج ام خلدون اصبري عليه هل يومين وادبرلج الفلوس

سمر بهمس..اي ادري سويتيلي خوش سحر وشغلج كلش زين بس شسوي غير خلصن فلوسي

زهراء..انصدمت بيها لازم اراوي الكل جذبها الحقيره توترت شسوي شسوي لازم اسجل كلامها باوعت منا ومنا شفت موبايلي على الميز ركضت جبته على كيف حتى ليطلع صوت وشغلت المسجل وخليته جوه الباب يسجل وهيه جانت كاعده على القنفه القريبه من الباب

سمر..والله اني اشكر كل شغلج ههه يعني ردت بس تفرقين زينب عن عمر انتي خليتيها حتى تسقط الطفل وعمر يكرهها والله عفيه عليج بس ولو هذا شي بسيط يمج اذا انتي قاتله هواي ناس بسحرج لتخافين اني راح ادبرلج الفلوس من عمر هسه بس خل يطلع اكله احتاج بعد للتجهيز فلوس وهو اصلا عادي ميبخل بهيج شغلات

سمر..اي مو ذاك اليوم انطيتج الحجل الذهب انتضري عليه

سمر..خوش يله اروح اني خاف احد يجي يسمعني باي

زهراء..كلامها كله سجلته حفظت التسجيل ودخلت عليها

زهراء..اكوول سمر

سمر بفزع..بسم الله مين طلعتي انتي

زهراء..ههه طلعت من الباب يعني منين المهم منو ام خلدون

انصدمت سمر واتقربت من زهراء وحجت بهمس..اممممم حلوو تتصنتين عليه سمعي يحلوه اذا هذا الكلام وصل لعمر راح تصيرلج مشاكل انتي بغنه عنها وشغله ثانية محد راح يصدكج

زهراء..اممم محد يصدكني خوش انتضري وشوفي شراح اسوي

طلعت زهراء للصاله كامت تصيح

زهراء..ماماا باباا عمرر بيبيي وينكم

ام صابر..خير يمفلوكه ليش تصيحين

زهراء..بيبي اكو شي لازم تعرفوا

اجت سمر وتباوع لزهراء بخزرة