بين قسوته وحنانه ((باللهجة العراقية))

البارت 22

‏بَشرني ..
‏بِديت تخاف تخسرني
‏تحِّن
تشتاگ
تفگدني !

تصويت جورياتي❤
____________________

بارت هديه لعيونكم
.
.
.
.
.
زينب: لا والله ماموجوده بالبيت بس ماما انتي تردين تجين وحدج

رهف: لا اني وماما وخالتي

زينب:هاا خير انشالله شوفي احنه هسه طالعين بيت عمي اذا تردين باجر تعالي

رهف:اوك حب براحتج يله اروح اني رجعي يم البنات بيباي

زينب: اوك حبيبي باي

زينب:رجعت يم البنات وضلينه نسولف وملك نزلت جوه يم بيبي صار المغرب كتلها لملك كافي بعد خل نرجع زهراء جلبت بينه بس كتلها ماما وحدها غير مره نجي كلنه..

نزلت جوه شافتني بيبي حلفتني ماروح وابقه على العشا ماكدرت ارفض طلبها بقيت واتصلت بماما كتلها راح نبقى على العشا بيبي متقبل نطلع وبليل عمي يوصلنه..

المهم بقينه كاعدين بالصاله مرت عمي جانت طالعه للسوك شويه واجتي سلمت علينه وراحت تحضر العشا ابد متقبل انو احد غيرها يطبخ حتى من جنت يمهم جانت متقبل اني اطبخ..

بس اذا اني اريد اسوي الي لو لعمر عادي..

المهم كاعدين شويه وانفتحت الباب جان يدخل عمر اني كلبي كام يرجف ومادري شلون سيطرت على روحي ما ابجي واروح احضنه مشتاقتله موت هو شافنه باوعلي عادي سلم علينه ببرود وصعد لغرفته..

من شفته هيج كمت اسب بكلبي الي لحد الان يحبه خلاني اتعلق بحبه وآخر شي عافني بنص الطريق وراح كمل طريقه بعيد عني..

صح اني بالبدايه طلبت الطلاق بس جنت بساعة عصبيه وكل الي مر عليه ضغوط نفسيه وتعب بس هو رأسن طلكني وببرود مبين اصلا ماجان يحبني..

صار العشا وكعدنه كلنه ناكل اني ماجان الي نفس آكل شافتني بيبي

ام صابر:يمه زينب اكلي بعد كلبي ضعفانه

زينب بهدوء: لا بيبي كاعد أكل اصلا اني مو هلكد أكل بليل

أم صابر بتنهيده وهيه تباوع لعمر:اكلي يمه محد يستاهل تضوجين وتعبين عليه

زينب تنهدت: اكلت شويه وكمت اغسل وراها خلصوا وشالوا السفره اني وملك ساعدنه زهراء بتنظيف المطبخ وكضيناه ضحك وسوالف خلصنه شربوا جاي وكتله لعمو يوصلني

ابو عمر: والله بنيتي شويه تعبان عمر كوم بويه وصل بنات عمك

عمر:صار يابه

زينب:نحرجت من عمو كال لعمر انو يوصلنه بس سكتت ماحجيت شي

راح عمر جاب سويج السياره وطلع احنه سلمنه عليهم وطلعنه طلعت ملك كبالي واني وراها راحت فتحت باب الوره وصعدت واني هم صعدت بصفها