بين قسوته وحنانه ((باللهجة العراقية))

البارت 8

ضُمنيّ ولا تكلي النَاس ، أنتَ النَاس🖤🕊

تصويت جورياتي❤
_____________________
بارت مفاجئة الكم❤😍
.
.
.
.
.
زينب: كعدنه نتعشا خلصنه وراها شلنه الغراض وفاطمه غسلت الماعين واني سويت جاي جانت ماما موجوده بيبي جلبت بيها وزعت الجاي وكعدت اتصفح بالانستا شويه وماما استأذنت تروح لبيتها وزيد وصلها لأن دنيا ليل اني ترخصت منهم وصعدت فوك اتجهز شويه وصعدت فاطمه دكت الباب

فاطمه:ممكن ادخل

زينب: طبعا ممكن تعالي

دخلت فاطمه وشافت زينب كاعد تتمكيج طبعا زينب مسولفه كلشي لفاطمه لأن صارت مثل اختها وكعدت تكللها انو لازم تبدي وياه صفحه جديدة وهوه زوجها وابو ابنها

فاطمه: تعالي اختارلج شي اخلي عمر يتخبل عليج ترى هسه تعتبر الليله الاولى ذيج متنحسب جان مو بوعيه كلشي ما شاف😉

زينب: لا بله اصلا ذاك اليوم استحيت ابدل كباله يكلي اني كلشي شايف تعالي هنا بدلي كبالي عادي

فاطمه: ههههههه يشاقه وياج حتى يشوف ويتمتع

كعدت فاطمه تكلب بملابسها وطلعت الها ثوب نوم نيلي وبي ورد ماروني وطبعا يفضح اكثر مايستر وهذا اكثر ثوب ماقبلت زينب تشتري لأن كلش فاضح بس هيفين عاندت واشترته...
.
.
.
كعدت زينب تمكيج خلصت و فاطمه عافتها وطلعت علكت شموع عطريه وطفت الاضويه ولبست الثوب وكعدت تنتظره صارت ساعه 12 وهو ماكو ماحست على روحها ونامت (راحت الليله😂)
.
.

ورة فتره حست اكو بوسات على ركبتها وخدودها فتحت عيونها بلكوه (لأن هيه حامل فكلش تحب النوم)

زينب بنعاس: هاي شنو عمر اجيت ليش اتأخرت انتظرتك

عمر بهدوء وخبث:لو ادري هيج منتظرتني جان عفت الشغل واجيت انعل ابو الشغل

زينب باستفزاز: مع الاسف راحت فرصتك هسه اني نعسانه يله تصبح على خير

عمر بهدوء وخبث: لا بله لابستلي هل لبس وهل مكياج وتريدني اعوفها تنام شبيه تخبلت شوو تعالي
ضحكت زينب وكلتله: ما ما اني زعلت ليش اتأخرت عليه عود مسويتلك مفاجأة

عمر بضحك: اني مافتهم بعد ابد ما تأخر عليج اعوف الشغل واجيج اركض

زينب بضحك:صدك خوش لعد

باوعت زينب لعيونه وكالتله

زينب بحب وهمس: عمر اني احببك

عمر بصدمه: لج اني اعشقج واعشق ربج شوو تعالي

زينب وهيه تضحك وتدفعه: اخخخ بطني على كيفك جعصت ابني

عمر بضحك: اسف اسف يله تعالي خل اشبع بيج

وووووووووو
.
.
.
.
.
،،،،،،،،،،،،،،،،،،،،،،،،،،،

ملك : من بعد ذاك اليوم صارن صديقاتي من يشوفن كرار ميحجن شي وفاطمه راحت كلتله انته صدك تحبها وحبيبتك كللها اي بس بعده الموضوع لتحجين لأحد....
.
.
.
واخذ رقمي مدري منين وكل ساع يخابر واني اخجل ارد عليه مالي وجه بعد السويته انكشفت انو احبه هو متابعني بالانستا ومتابعته كله ينشر عن الحب والحبيبه ويخلي حرف m مدري افرح مدري اخجل منه.....
.
.
.
قبل كم يوم دخلت على صفحته اكلب بيها لكيت وحده معلقتله على صورته منور شهل جمال😍 بعدين كاتبتله عدي شغله وياك جاوب على الخاص شطت وصرت اعصاب اخذت سكرين ورحتله خاص

ملك:هاي منو دزيتله الصورة

كرار: هيج وحده

ملك: منو هيه

كرار:ولج شبيج والله هيج وحده زاحفه

ملك: منو هيه وشتريد حتى تحاجيك خاص

كرار:لج والله ماعدي شي وياها هاي اخت مرت غسان لاطشتلي من زمان بس اني ماحبها وكل يوم جايه بحساب شكل

ملك بعصبيه: هلا هلا تحبك وأخت مرت اخوك ها هيه لعد خوش لاطشتلك موو

كرار: يابه هسه ليش عصبيه انتي مو متحبيني ومتغارين عليه

ملك بغيره وعصبيه: لا اشو احبك واموت عليك والي تتقرب منك اموتها

كرار بصدمه: تحبيني

ملك بتوتر: لا منو كلك احبك

كرار بعصبيه: ملك احجي الصدك ترى راح تخسريني اذا تضلين هيج

ملك بتنهيده ضلت ساكته بعدين حجت: اي احبك واغار عليك بس انته تجرح مشاعري واحساسي من تجي للجامعه والبنات يتغزلن بيك😥

كرار: اخخخخ لج اعشقج اكتل روحي اذا بعد اجرح احساسج ومشاعرج

ملك: لا اسم الله عليك 💔

كرار: لج اموت عليج والله

ملك: واني هم

كرار: انتي هم شنو كوليها مره ثانيه خل اسمعها

ملك بخجل: اني هم احبك

كرار: واخيرا اعترفتيلي

ملك:🙈🙊

اعترفت ملك لكرار وكاموا يتراسلون و يسولفون سوه وحب وغزل ومن هل سوالف ...
.
.
.
وزينب هم تصالحت ويه عمر وصارت مرته قول وفعل وهو كلساع متحارش بيها ميكدر وهيه تتحجج ببطنها توجعها حتى يعوفها إجت نهاية السنه الدراسيه والبنات ركزن اكثر على دراستهن حتى ينجحن....
.
.
.
.
بالنسبه لزينب راح تخلص مرحله ثانيه تروح للثالثه بدت الامتحانات وبده التوتر بالبيت فاطمه وزينب وزهراء هم تقرا سادس علمي والبيت داخل حالة انذار محد يحجي ويعيط بصوت عالي حتى البنات يركزن ولا يشوش عليهن وأم زينب مدللتهن تطبخ شغلات الي تحبها زينب وتدزلها وأم عمر هم وياها كلساع رايحتلهن تشوفهن محتاجات شي...
.
.
.
.
ومرت هاي الايام لحد ماخلصوا الامتحانات همه داخلين بحالة انذار من خلصوا آخر يوم ارتاحوا زهراء احتفلت من خلصت السادس هيه وفاطمه بينما زينب كضتها بس نوم😂😂 حتى عمر كلها ابني ضاج من وراج راح تعقدي بس نايمه....
.
.
.
.
دخلت زينب للشهر الخامس وجان عدها موعد يم الدكتورة تروح تجيك على طفلها وتشوف جنسه ...
.
.
تحضرت العصر ولبست تنورة نيلي وقميص سمائي وشال وجنطه (طبعا زينب كامت تلبس حجاب وتحجبت علمود عمر لأن تحبه سمعت كلامه وظل يحجيلها على الحجاب وشلون حلو وستر للبنيه واخر شي اقتنعت بي ولبسته) وعمر هم تحضر وراحوا سوه...
.
.
.
وصلوا للدكتورة شويه و وصل سراهم دخلوا سلموا على الدكتورة وكعدت الدكتورة تفحص وتجيك على صحة الطفل

الدكتورة بفرح: اي ماشاء الله الطفل بصحه كلش زينه وتمام زين مبينه كاعد تتغذين لأن صحته كلش زينه وهاي دكات كلبه سمعتهم دكات كلبه

عمر بفرح:حبيبي فدوه اله زين دكتورة شنو جنسه ممكن نعرف

الدكتورة:دقيقه خل اشوف أي هذا بيّن جنسه......
.
.
.
.
.
مرحبا جورياتي شلونكم انشالله بخير لتنسون التصويت والمشاركه شلوني بالسبرايز 😁خو ماقصرت وياكم بالبارت المفاجئ احبكم كلش هواي اشوفكم على خير.
.
.
.
.
بقلمي الكاتبه حوري❤