يقول ..
" ظَنّنتها قَويه حتى ضَمتني و رأيت في عَينيها طفلٌ ضائع ♥ "
تصويت جورياتي❤
___________________
بارت طويل
.
.
.
.
زينب..ثاني يوم الصبح رحنه لبيت عمي شاكر جبنه ريوك العرسان وننتظر كرار وملك يجون من الفندق عمي جان جايب خروف ويريد يذبحه جوه رجلهم ويوزعه وسوه عزيمه هم وعزم بيت عمي صابر وبيبي وعمتي يعني صارت خوش لمه فاطمه جابت قبل عرس كرار ب9 ايام بنوته تخبل سموها رانيا
طبعا عمر جان موجود وكاعد كبالي وبس يباوعلي واني اسوي روحي ما مهتمه بس بداخلي فرحانه بأهتمامه ونظراته
شويه واجو كرار وملك باركنالهم ومدري شنو وكعدنه كلنه نتريك لأن جنه جايبين الريوك اكو بيهم الي اكل والي ما اكل
خلصنه ولملمنه الغراض وذبحوا الخروف وكصكصوا انطونه منه للغدا والباقي وزعوا
عاد امي ومرت عمي شاكر ومرت عمي صابر استلمن المطبخ والغدا واحنه البنات كاعدات نسولف وبيبي كلساع تحضني وتبوسني فديتها شكد احبها وكلبها حنين
صار الظهر وأذن كاموا يصلون واني هم كمت وياهم اجاني اتصال طلعت بالحديقه اجاوب لان جوه هوسه
خلصت اتصال ودرت ظهري شفت عمر واكف وراي سويت روحي ماهتميت واريد ادخل من وصلت يمه لزم أيدي وجرني عليه
تقرب من اذني وهمس
عمر بهمس..مشتاقلج
زينب..تشتاقلك العافيه
عمر..انتي عافيتي
عمر..زينب انسي الماضي اني تعذبت وانتي تعذبتي خلينه نرجع ونرتاح
زينب..سكتت ماردت
عمر..وعافية امي وابوي راح اعوضج عن كلشي انسي الماضي والصار بي هسه احنه بالحاضر واني احبج ومستعد اسويلج كلشي بس نرجع سوه انطيني فرصه اني متأكد انتي هم تحبيني بعدج
زينب بهدوء..عمر انته تعبتني واذيتني
عمر..ادري يا عمري انتي والله ادري واني اسف وهذا راسج ابوسه
زينب..تنهدت وسكتت وراها كالت فرصه اخيره ماكو غيرها
عمر بفرح..لج اعشقج واني راح اكون عند حسن ظنج بيه تقرب عمر يريد يحضنها ابتعدت
زينب..ها خير بعدنه ماتزوجنه
عمر بفرح..حضري روحج بعد اسبوع اجي اعقد عليج وبعد تجين يمي تكعدين
زينب بهدوء وخجل..انشالله
دخلوا جوه من خلصوا صلاة صبوا الغدا وكعدوا يتغدون وعمر بس يباوع لزينب بنظرات حب حتى الكل انتبه عليهم
صار العصر والكل راح البيته
تسريع الاحداث
ثاني يوم سجاد خابر زهراء وكلها اليوم ادز اهلي عليج يخطبوج
أنت تقرأ
بين قسوته وحنانه ((باللهجة العراقية))
Romanceالقصه بيها من واقعنه الأليم هواي بنات نظلمن وتعرضن للاغتصاب ولكن اي نوع من الاغتصاب تابعوا القصه🔥🔥 القصه خياليه:-) بقلمي الكاتبه حوري❤
