بين قسوته وحنانه ((باللهجة العراقية))

البارت 26

يناهي الشوگ ذمه و ذات مِن ذات
و فَرق ما بين حالي وحالك بعيد . .

تصويت جورياتي❤
_________________
.
.
.
.

زهراء بصدمه..شنوووو

سجاد..ماكو شي حبيبتي حادث خفيف بس شويه رضوض ماكو شي قوي هسه اني بالمستشفى من ارجع للبيت اخابرج

زهراء..اوك حبيبي عدك العافيه انتظرك عود باي

سجاد..باي حبيبتي
.
.
.
......................

زينب..خابرونه اهل عمر وعزمونه على باجر عقد عمر اهلي باوعولي عبالهم اضوج لو ابجي بس اني بالعكس رحت لغرفتي وفتحت كنتوري اشوف شنو البس باجر واخطط..

طلعت فستان عنابي قصير ومنفوش من الخصر ليجوه وكله شغل وكيبور..

شويه ودك عليه مرتضى كعدنه نحجي عادي ويتغزل بيه واني كمت احس بمشاعر تجاها وللي يكول شلون انتي مو تحبين عمر اني صح احب عمر بس هو خطب وشاف حياته واني كاعد اضغط على نفسي وانساه ومن جهة ثانية مرتضى كاعد يهتم بيه ويحسسني بأنوثتي وكلش مدللني وصدك عوضني ف أني كامت تصير عندي مشاعر تجاهه..

نزلت جوه شفت ملك كاعده بغرفتها جانت تحجي ويه شخص وتكله حبيبي عاد اني اقتحمت الغرفه عليها😂

هيه خطيه فزت ورأسن غلقت الخط

زينب وهيه تمثل العصبيه..ليش غلقتي الخط عوفي مفتوح لج متستحين لو امي شافتج يروح يصير بيها شي مع الاسف عليج..

ملك بتوتر..اااا لا لا حبابه زينب اني راح احجيلج كلشي والله هو راح يخطبني

زينب..يله احجي منو

ملك بتوتر..هو ابن عمي كرار

زينب..توقعت من ذاك اليوم النظرات بينكم

ملك..ايي بس والله هو فاتح اهله بالموضوع وراح يجي يخطبني من يخلص عقد عمر

زينب..اذا ما اجه خطبج اموته بنات العالم مو لعبه😒

ملك..لا والله راح يجي

زينب..مادري شلون كدرت الزم ضحكتي كدامها نزلت جوه يم ماما جانت كاعده تسوي العشا رحت يمها اساعدها وهيه تسألني عن مرتضى شلونه وياي..

كتلها الحمدلله زين وياي ويحبني

ام زينب..عكب باجر رمضان لازم نروح نتسوق مسواك رمضان

زينب..اي شوكت ترحين

ام زينب..والله مادري يمكن باجر من يخلص العقد

زينب..خوش لعد

خلصنه العشا وكعدنه كلنه نتعشا وملك متوتره مني لأن عرفت واني خربانه ضحك عليها..

خلصنه عشا ونضفنه المطبخ وكعدنه نباوع تلفزيون شويه ورحنه كل واحد لغرفته..

رحت الغرفتي تمددت واني افكر بحياتي وكلساع اتكلب منا ومنا فززني صوت الموبايل يدك جان مرتضى فتحته