بين قسوته وحنانه ((باللهجة العراقية))

البارت 27

شيضُم حِزنَّك مِن الناس
نَبرة صوتَّك المبحوح
لو بياض عيونَّك الاحمر ؟!

تصويت جورياتي❤
_______________________

الأحداث حقيقيه ميه بالميه💔👇
.
.
.
.
زينب بصدمه..يمه شنو هاي اكيد مرتضى مو وياهم موو اكيد هو ميعوفني

نزلت دموع زينب وهيه بعدها مصدومه

زينب..مستحيل مرتضى يعوفني هو كلي راح يعوضني عن كلشي بحياتي طفي طفي هذا التلفزيون

ام زينب كامت تبجي من شافت زينب هيج حالتها راحتلها تركض

زينب بصدمه..شبيج يمه صدك جذب مسحي دموعج ماكو شي مرتضى عايش هو كال ميعوفني بعد اسبوع عرسنه فال مو زين لتبجين

كامت زينب تمسح بدموع امها ودموع زينب تنزل من دون وعي وترجع تمسحهن

ضلت زينب تفتر بالبيت وتحاول تدك على مرتضى بس يطلع مغلق

زينب..هههه ادري بسوالفه يسوي هيج حتى اخاف عليه ادري بي ميكعد راحه اني اعلمه بس خل اشوفه

ضلو لل 1 همه قلقين ويخافون يتصلون بأم رهف خاف المره يصعد ضغطها بقو هيج آخر شي ام رهف دكت على ام زينب

ام رهف بصياح وبكاء..وينها زينب وينها صارت مرت شهيد وينها جنتي يمه وليدي راح شمعة حياتي راح خلص يعني بعد ماكو واحد يشاقيني بالبيت ماكو واحد يبوس بيديه ويداهرني ليش هيج ليش اخذوا مني ليش طفوا حياتي شعدي عايشه بعد بهل حياة يمه مرتضى سوده عليه ماتزوجت بعدك غرفتك وين اوديها بعدها جديده قاط العرس المن انطي صخام بوجهج سهام صخام بوجهج

ام زينب كامت تبجي وتشهك حيل وام رهف تخربطت و وكعت رهف اخذت الموبايل وحاجت ام زينب وهيه تبجي

رهف ببكاء.. الووووو ها خاله ترى امي وكعت وج خاله شلون بينه راح اخويه راح حزام ضهري راح سندي راح شمعة البيت احنه شنسوي بدونه هو جان مالي البيت بسوالفه اخخخ ياخويه اخخخخ

ام زينب ببكاء..يايمه زين انتوا اتأكدتوا انو هو بالكراده بعده

رهف ببكاء..اي خاله اي قبل شويه خابرنه صديقه الجان يمه يكول وصلته لهادي سنتر صارت عندي شغله عفته هناك وكتله عندي شغله من تخلص خابرني اجي عليك يكول وره ربع ساعه صار الانفجار 😭😞

يكول ريتني ماعفته واستشهدت وياه

زينب جامت بصف امها تسمع من سمعت الحجي

زينب..ههههههههه هاي شبيها صدك تحجي

زينب بصياح..مااااا مااات مرتضى عايششش اعلي صوتي اكثر واسمعكم مرتضى عاييششششش

زينب كامت تملخ بروحها وتصيح عااايشش وتبجي شكت هدومها وملخت خدودها وشعرها

امها وملك حاولوا يهدوها بس هيه دخلت بأنهيار عصبي