ما آدار ظَهرهُ لِها إلا لتستند عليهِ ♥️"
تصويت جورياتي❤
_____________________
.
.
.
زينب: وصلنه للبصره بعد طريق طويل رحنه لبيت عمي ابو عمر طبعا بيبيتي كالت لعمي شاكر انو يشتري البيت من فلوسها وكالت لزوجة عمي وعمتي وبناتهن يروحن ينظفن البيت ويلمعنه وطبعا هنه ميكدرن يحجن شي لأن مجبورات المهم وصلنه للبيت المغرب ارتاحينه وصلينه ونزلنه جوه جانت بيبيتي ومرة عمي صابر الي هيه ام عمر وماما كاعده وياهن نزلت شافتني بيبيتي كلتلي
ام صابر: يمه هلا تعاي بنيتي كعدي يمي مرة الغالي وبنت الغالي
رحت كعدت يمها شبكتني وباستني ومرة عمي تباوع صفح
ام صابر: اي يمه شلونه حملج اخاف تشتهين شي تردين شي بس كليلي واخليهم يجيبولجياه لتستحين
زينب بهدوء: تسلمين حجيه الحمدلله حملي بخير عن اذنكم اروح للحمام
ام صابر: اخذي راحتج بنيتي
ام صابر عدها 3 ولد وبنيه الجبير صابر أبو عمر والثانيه هيام عدها 2 ولد وبنيه الولد الجبير والبنيه مزوجين بس ابنها الثاني بعده وراها شاكر الي هوه أبو كرار عده كرار و غسان وفاطمه والصغير عامر اللي هوه أبو زينب
زينب:رحت للغرفة فوك دخلت للحمام اكرمكم الله اسبح شويه ارتاحيت وطلعت لبست قميص طويل اسود وابيض مخطط وستريج اسود شويه مريحه كاعد انزل صادفني ابن عمي زيد هوه يضحك وحباب كلي
زيد: ها بنت العم شلونج
زينب بهدوء: الحمدلله زينه انته شلونك
زيد هوه يضحك: اني بخير من شفتج
زينب: ضحكت شويه وكتله تسلم ماحس غير صوت ورانه .....
.
.
.
،،،،،،،،،،،،،،،،،،،،،،،،،،،،،،،،،،،
عمر : وصلنه للبصرة وبيت عمي اجوا يمنه حتى يعدلون بيتهم ويرحون يستقرون بي صعدت الغرفتي سبحت وشويه غفيت وطلعت لكيت زيد وزينب واكفين سوه وزينب تضحك وزيد هم ضجت والصراحه غرت رحت يمهم
عمر بصوت مسموع: خير كاعدين تسولفون وتضحكون ضحكونه وياكم
زيد: والله ماكو شي كاعد اطمن على بنت عمي
عمر: اها خوش وهسه اطمنت عليها يله امشي انزل جوه
زيد غمزله: اي عيني نازل
نزل زيد وزينب رادت تروح الغرفتها بس عمر لزم ايدها وجرها عليه وكفت زينب كباله ورفعت حاجبها وباوعتله
زينب: نعم رايد شي
عمر وهو رافع حاجبه : شنو هل اسلوب شنو ماعاجبج ترى هسه انتي مرتي ولازم تحترميني
زينب: وهسه شتريد فضني
عمر: هذا اسلوبج بعدين احاسبج عليه المهم هذا لبسج تبدلي وتلبسين حجاب
أنت تقرأ
بين قسوته وحنانه ((باللهجة العراقية))
عاطفيةالقصه بيها من واقعنه الأليم هواي بنات نظلمن وتعرضن للاغتصاب ولكن اي نوع من الاغتصاب تابعوا القصه🔥🔥 القصه خياليه:-) بقلمي الكاتبه حوري❤
