بين قسوته وحنانه ((باللهجة العراقية))

البارت 3

أنتِ امرأةٌ صُنعت من فاكهة الحب، ومن ذهب الأحلام♥️"

تصويت جورياتي❤
____________________
.
.
.
عمر بصدمه: هذا منوو

زينب: منوو

عمر: هذا الرجال خلفية الشاشه

زينب بحزن: أها قصدك على هذا هذا بابا الله يرحمه توفه قبل 12 سنة 😢

عمر بصدمه: شنوووووووو توفه

زينب بصدمه:شبيك ليش مصدوم آي اتوفه الله يرحمه

عمر:ااااااااااا يعني انتي اكلج زينب لازم نرجع للبيت هسه عندي شغل ضروري

زينب بهدوء: اوك براحتك
.
.
.
زينب: صعدت بالسياره وعمر مدري شصار بي متوتر وكلساع يباوعلي وصلني لبيتي سلمت عليه ونزلت دخلت للبيت جانت ماما تسوي عشا سلمت عليها وصعدت فوك بدلت ملابسي ونزلت اساعد ماما.......
.
.
.
.
-------

عمر: انصدمت صدمة عمرري انو زينب بنت عمي وعمي متوفي شلون كللش انقهرت رجعت للشقه بسرعه جانوا ابويه وامي والحجيه بالصاله دخلت ملهوووف باوعتلهم وكتلهم

عمر بلهفه: الحكوا مصيبه

الكل اخترعوا: شكوووو خير انشالله

عمر بصدمه: زينب تصير بنت عمي عامر وعمي متوفي

الكل بصدمه: شنووو

عمر : زينب تصير بنت عمي عامر وعمي متوفي قبل 12 سنة شبيكم

الحجيه: اخخخخخ ضغطي عمر بسرعه حباية الضغط ركض عمر على الحجيه وانطاها الحبايه شويه ارتاحت بس الكل بعده بحالة صدمه متخبل من الخبر والحجيه انقهرت من سمعت ابنها متوفي وهيه متدري عامر من راد يزوج الحجيه ما عترضت لأن جان كللش يحبها لأم زينب بس ابو عامر اعترض وماقبل وتبره منه كامت تبجي الحجيه وتذكرت عامر وكعداته وحجيه وسوالفه وكامت تنعه عليه حاولوا يهدوها ويحجون وياها

عمر: بويه شلون هسه زينب تصير بنت عمي وهيه متعرف شلوون اكللها

ابو عمر: والله مادري يوليدي شلون مصيبه وانوب اخويه وعضيدي متوفي من زمان ومندري بي سوده عليه ياحزام ظهري زين وين كبره وين مكانه

الحجيه ببكاء : مادام زينب بنت عامر احلفكم تبقى عدنه واهلها كلهم يجون يمنه يعيشون ذوله من ريحة الغالي خلي يبقون يمنه اخخخخخ يمه عامر سوده عليه رحت للتراب يايمه وبعدك بشبابك

ابو عمر: اهدي يمه هسه لازم نشوفلنه صرفه شلون نخبرهن انو هنه بنات اخوي

الحجيه ببكاء: عمر كوم وديني يمهم اريد اشبع منهم

عمر: حجيه عيب دنيا الليل هسه يخترعون خلي يجي الصبح ويصير خير
.
.
.
راح كل واحد بمكان وهمه يفكرون بهل مصيبه شلون بيهم ومحد نام براحه بهاي الليله .........
.
.
.
.
،،،،،،،،،،،،،،،،،،،،،،،،،،،،،،،،،،،،،