بين قسوته وحنانه ((باللهجة العراقية))

البارت 30

شيصير لو تِنطوي المَسافات ورمشك على رِمشي ؟!

تصويت جورياتي❤
_______________________
.
.
.
.
ملك..انخطبنه اني وكرار وصرت مرته شرعا واتفاجئت من زينب كلتلنه علكوا دي جي وفرحوا لتخربون فرحتكم على مودي

بيومها صدك فرحنا وعلكنه اغاني و ولد عمي كلبوا البيت كلاب بالركص وعلكوا جوبي ويهزون يعني صدك اول مره هيج تدخلنه الفرحه بعد شهور

حتى زينب من هذا اليوم تغيرت مو مثل قبل صارت احسن تضحك وتطلع وتسولف بس ماناسيه مرتضى بالقران والدعاء والصلاة وهذا احسن شي اله

صرت مرته لكرار شرعا وبعد جيبوا الي يخلصني منه كلساع مخابر وكلساع جاي ومن اكله عيب استحي من ماما

يكلي تره انتي مرتي هسه اكدر اخذج واروح لبيتي محد يدخل

كلش صاير زايح المستحه وبس يبوس ماشايف😂
(طبعا عيني وين يشوف مثلا🌚😁)
.
.
.
.
..............................

زينب..كعدت الصبح ساعه 10:00⏰

نزلت اغسل واتريك شويه ودك موبايلي جانت ام رهف

زينب..الوووو سلام عليكم شلونج خاله

ام رهف..الوووو عليكم السلام هلا بنيتي الحمدلله بخير انتي شلونج اهلج شلونهم

زينب..الحمدلله على الله

ام رهف..يمه زينب اني ورهف وابو رهف راح نجيكم العصر خو ما طالعين

زينب..لا خاله اهلا وسهلا تفضلوا بأي وقت

ام رهف..خوو حبيبتي يله اني اروح ماعطلج مع السلامه

زينب..الله وياج خاله

زينب..تفاجئت من ام رهف تريد تجي يمنه اكيد اكو شي المهم كلت لماما نظفنه البيت اني وملك صار العصر اندكت الباب

رحت افتحها

دخلت ام رهف وابو رهف سلموا عليه ودخلت رهف بس انصدمت لابسه الوان

دخلوا للاستقبال وقدمنالهم الضيافه ومدري شنو

ام رهف..والله يا ام زينب احنه اجينه علمود زينب يمه زينب ميصير هيج انتي بعدج شابه ولابسه اسود والله يا يمه صح فراك مرتضى صعب علينه بس راح يتعذب اذا شافج هيج دافنه نفسج بالدنيا علموده

والله هو الفاز وكسب الآخره حتى هاي رهف بعدها صغير جبرناها تنزعه الحزن بالكلب مو بالملابس والاسود مو زين

ابو رهف..اي بنيتي نزعي هسه كبالنه ولبسي ذني

طلعت ام رهف فستان محجبات اخضر فاتح ومرتب وحلو

ام رهف..هسه تاخذين هذا الفستان وتلبسي كبالنه اريد اشوفج بالالوان يا يمه طالعه عجوز بهل دشداشه السوده