بين قسوته وحنانه ((باللهجة العراقية))

البارت 23

ضَعفني الزَمن
لكن اكابر بيك
وآمشي بِـ زود مَشي اِنسان متعافي .

تصويت جورياتي❤
__________________
.
.
.
.
ام زينب: والله يا أم رهف انتي تعرفين انو زينب قبل جانت مزوجه من ابن عمها بس ماصارت القسمه وانفصلوا ف أنتو تعرفون بهذا الشي لو لا

ام رهف: اي ام زينب نعرف وماعدنه مشكله عادي جانت تجربة وما تراهموا انشالله يجعل النصيب الصالح بينها وبين مرتضى

ام زينب:الله كريم عيني نتشاور ونرجعلكم خبر

ام رهف: اخذوا راحتكم هذا رقمي عود ردولنه خبر

ام زينب:انشالله خير

ام رهف:حبيبتي احنه نستأذن زحمناكم

ام زينب:لا حبيبتي على راسي انتي

ام رهف:يسلم راسج حبيبتي مع السلامه

ام زينب:الله وياج حبيبتي

رافقتهم ام زينب للباب وودعتهم ودخلت جوه

ام زينب:ها يمه شرايج بيهم

زينب بتوتر:والله مادري يعني خلي افكر

ام زينب:يمه اخذي كل وقتج بالتفكير اني ماجبرج على شي همه خوش ناس صارلنه قريب السنتين نعرفهم وبعد هم نسأل عليهم

ماريدج تفكرين بعمر انسي لان هو شاف حياته مثل ما انتي لازم تشوفين حياتج

زينب بهدوء:انشالله ماما

زينب:الصراحه اني متوتره وماعرف شنو اسوي اوافق لو ما اوافق يعني مرتضى خوش رجال وحباب وهم نصير اني ورهف قريبات من بعض من ازوج واهلها حبابين..

بس مادري احس بعدني احب عمر واذا اقبل بمرتضى راح اضلمه وياي مبين معجب بيه او يحبني بس اني كلبي عند عمر..

بس من جهة ثانية اني الى متى يجوني خطابه وارفضهم لان احب عمر اشو هو لا معبرني ولا مكلبني وبعد اسبوع يخطب سمر واهله هم شكلهم راح يوافقون..

بعد على شنو اضوج نفسي واضل هيج خل اشوف حياتي احسن..

قررت انو افكر بالموضوع وما ارفضه رهف تتصل بيه عادي بس متجيبلي موضوع الخطبه رادت تعوفني على راحتي واني هذا الشي احسن الي اني اريد افكر زين بدون ما احد يقنعني لان هذا زواج عشرة عمر مو سنة لو سنتين..
.
.
.
وره يومين حاجيت ماما وكتلها انو اني موافقه بس بالبداية نسأل عليهم واشرط عليهم انو اذا تخرجت اريد اشتغل اذا طلعلي تعيين..

طبعا ماما وصت عمامي يسألون عليهم وهمه سألوا وكالوا خوش ناس ويمدحون بيهم وبأخلاقهم..

خابرتهم ماما وكلتلهم احنه موافقين بس البنيه عدها شرط انو تشتغل من تتخرج وهمه كالولها هذا حقها وبراحتها واتفقوا انو بعد يومين يجون..
.
.
.
.
————————