مِن الجَيد إِنّي حين أُضيقُ ذِرعاً مِن العالم آعود ، إِليك وكُلي ثقه بِـ إِني سَأكون بِخير مِن الجَيد إِني " أُحبك"
تصويت جورياتي❤
__________________
.
.
.
.
ملك باهتمام..امممم وشكالوا
حب كرار يلعب على اعصابها
كرار..والله ماعرف شكلج يا ملك
ملك بصدمه..شكو كول
كرار..يعني والله مادري شكلج
ملك بعصبيه..دحجي يمعود
كرار..اني ماريدج تزعلين
ملك بحزن..عرفت مراح اضوج بس شنو سبب رفضهم
كرار..للاسف من كتلهم ابويه طار من الفرح وامي كللش كيفت وكامت تهلهل يعني لازم نزوج بأسرع وقت
ملك بعصبيه..تدري لو اشوفك الا اموتك واعضك عضه اخليك تكمز
كرار بحب وخبث..واني تدرين لو اشوفج ابوسج بوسه الا اشلع شفايفج
ملك..ااااا ماما تصيحني باي
سدت ملك الموبايل بوجه كرار وكرار مات من الضحك عليها
كرار بهدوء وهو يباوع للموبايل..اخخخخ لج شكد احبج
ملك..عززا هذا شلون يحجي ميبطل سوالفه ابد بس شنو يعني صدك راح يخطبني ههه يالله راح يصير زوجي وحبيبي و ابو جهالي
نزلت ملك يم امها جوه وهيه كلساع تصفن بكرار وام زينب تكطع صفنتها وتكلها بمنو تفكرين وملك تضل تتحجج انو متفكر بأحد(اويلي من نبع الحنان😂)
.
.
.
.
.......................
زينب..جنت نايمه الصبح ساعه 8:50 ⏰
سمعت صوت موبايلي يدك جنت بعدني نعسانه كلت بعدين ارد خلي يدك كام كلساع يدك ويفصل ويدك ويفصل ضجت وجريت الموبايل وفتحته
زينب بنرفزه..الوووو خيير من الصبح
مرتضى..الووووو هلا بوجه الخير شبيج عمري شنو هل عصبيه لج اموت بالعصبي اني😍
زينب بهدوء..ااا مرتضى صباح الخير اسفه مادري انته لان جنت نايمه
مرتضى..صباح النور حبيبي نوم العوافي اخخخخ كون اني نايم بصفج
زينب رفعت شعرها بهدوء..شلون بيك انته وحجيك اني مامتعوده عليهن
مرتضى..لج حبيبي منا وهيج شبعي حجي كفار
زينب..ها ها خير سلامات اني عدي جم حسنه رايدتهن يفيدني انته تجي تحجي حجي كفار يطيرن كلهن
مرتضى..افا اني زوجج ابو الدين ومتحصلين حسنات
زينب..امممم كللش احصل
مرتضى بحب..فديت الاممممم واهلها
زينب..مرتضى
مرتضى بحب..عيونه
أنت تقرأ
بين قسوته وحنانه ((باللهجة العراقية))
Romanceالقصه بيها من واقعنه الأليم هواي بنات نظلمن وتعرضن للاغتصاب ولكن اي نوع من الاغتصاب تابعوا القصه🔥🔥 القصه خياليه:-) بقلمي الكاتبه حوري❤
