بين قسوته وحنانه ((باللهجة العراقية))

البارت 9

‏ أحبُبتك حتى اصبحّ قلبي ممتلئ بك ..❤🕊

تصويت جورياتي❤
____________________
.
.
.
الدكتورة: جنس الطفل ولد مبروك

عمر بفرح:الله يبارك بيج دكتورة

زينب بهدوء: الله يبارك بيج دكتورة

خلصوا وطلعوا من المستشفى فرحانين راح عمر جاب الدوه بل طريق من كاعد يرجعون جان تكول زينب

زينب: عمر شو بله وكف السيارة

عمر: خير خو مابيج شي

زينب بهدوء:لا بس اشتهيت باجه شوف هذا المحل يبيع هيج اكلات روح جيبلي

عمر بصدمه وضحك: صدك تحجين ولج انتي اكلج كله نزاكه وبيتزا وفنكر ومدري شنو تاكلين باجه هسه

زينب بضوجه: اني اكره الباجه بس شو هسه اشتهيتها

عمر بضحك:يله عمي لتضوجين هسه انزل اجيبلج

زينب وهيه تباوعله ببرائه: اريد وياه ليمون

عمر بضحك:اخخخ ولج لتباوعيلي هيج ماكدر اتحمل هسه اجيبلج واجي

راح عمر حتى يجيب الباجه وزينب بقت بالسياره الخبله من كل عقلها تحاجي ابنها تكله ليش هيج تسوي بيه وتخليني اشتهي شغلات ماحبها صير عاقل لتضل تخبث عليه😂

اجه عمر وجايب الباجه وريحتها ترست السياره زينب ماتحملت كلتله اريد اكل هسه

عمر بضحك: ولج خبله خل نوصل للبيت هسه تدمرين ودمرين السياره

زينب بزعل: خايف على السياره اكثر مني موو😑

عمر بضحك:لا عمي اصلا السياره تروحلج فدوه
.
.
.
.
وصلوا للبيت جانوا اهل عمر وأم زينب بالصاله كاعدين دخلوا سلموا والكل سأل شكالت الدكتورة

عمر بفرح: الحمدلله الجنين صحته كلش زينه وجنسه ولد

الكل فرحوا والحجيه كامت تهلهل تكول واخيرا راح اشوف جهالك يا عمر راحت زينب للمطبخ رأسن وخلت الباجه على الطاوله وبدت تاكل وأم زينب مصدومه بيها لأن تعرفها هيج اكلات متطيقهن بس بعد الحمل والنساوه يلعبن لعب بالحامل😂
.
.
.
.
.
سووا عشه وبدوا يتعشون بس زينب ماكلت لأن جانت منتخمه من الباجه واربع وعشرين ساعه تاكل ليمون وين ماتروح تاكل ليمون عشا غدا ريوك متخبله بالليمون صار الليل وطبعا أم زينب راحت لبيتها صعدت زينب فوك بدلت ملابسها لبست ثوب نوم ستن قصير وكبل راحت على السرير حتى تنام دخل عمر للغرفه شافها وابتسم

عمر بهدوء: شكلها الليله مطوله😉

زينب بنعاس: لا مطوله ولا ابد نعسانه راح انام

عمر: وتعوفيني وحدي

زينب بنعاس: تعال نام يمي

راح عمر نزع هدومه وراح يم زينب حضنها وناموا....
.
.
.
.
.
...........................