بين قسوته وحنانه ((باللهجة العراقية))

البارت 20

سَلامٌ على مَشاعر بُذلت حَتى ذُبلت .

تصويت جورياتي❤
____________________
.
.
.
.
انصدم ابو مها من الشي الي شافه شمر الموبايل ولزم كرار من ياخته بعصبيه...

ابو مها:لك عار صدك متستحي انطيتكم بنتي معززه مكرمه و وثقت بيكم آخر شي تجي تلوف على بنتي الثانيه وتلعب عليها...

كرار بهدوء: اسمع عمو انته هسه سمعت من جانب مها خل اسمعك من جانبي..

طلع كرار التسجيل وكله لابو مها: اسمع زين وبعدين انطيني رأيك

فتح كرار التسجيل وبده الكلام مها من سمعت بداية التسجيل انصدمت وفتحت عيونها حيل وكامت ترجف خوف..

وأبو مها يسمع بالتسجيل وهو مصدوم وايده على كلبه وبلكوه ياخذ نفس..

خلص التسجيل وكرار سد الموبايل وكله: شفت عمي شفت اني مدخلني هاي بنتك الشريفه هيج سوت

عاطت مها: احترم نفسك اني اشرف من اختك بابا لتصدكه هاي مو اني هاي مفبركها

اندار ابو مها على مها ولزمها دك كتل رفسات وراشديات خله الدم يجري من حلكها وخشمها..

آخر شي إجه كرار جره وكله عمي اهدء عوفها لتنكس ايدك بيها..

كعد ابو مها على القنفه وهو مدنك راسه بأسى نزلت دموعه

أبو مها: ليش هيج مها ليش سويتي هيج قصرت عنج بيوم ردتي شي وما جبته الج اطلع من الصبح لليل حتى اوفرلكم حياة مريحه اتعب واشتغل واكول كله يهون لعيون مهاوي ليش هيج ليش..

مها ساكته وبس تبجي..

كرار:عمي اهدء كول يا الله حلينه السالفه بيناتنه ومحد دره الله يشهد اني لا حاط عيني عليها ولا رايدها ولو جنت اريدها اجيك حتى اخطبها منك بس اني مالي نفس بيها..

هسه بعد ثبتت برائتي كبالك عمي اني بعد بيتك ما ادخله حتى لتصير حزازيات وانشالله مها اختي وانته مثل ابويه..

ابو مها بحزن: الله يكثر امثالك وليدي اصيل ابن اصول والله ما يوم شفت العيبه لا منك ولا من اخوك واهلك الله يحفظكم غير واحد يستغل الفرصه ويسوي غير شي سامحها لمها طايشه متعرف شي..

كرار: خلص عمي كتلك انشالله مابينه حزازيات اني اروح بعد استودعناك ..

ابو مها: الله وياك وليدي

راح كرار وبعد ماوصل يم بيت ابو مها ولا حتى مها حاولت تضوجه ابو مها اخذ الموبايل من مها وحبسها بالبيت ويتعامل وياها بقسوة ومحد دره بالموضوع غير بس امها وأختها وكاموا يحجون على مها ويغلطون عليها..
.
.
.
.
....................

زهراء:هاي شكاعد تسوين

سمر بتوتر: اااا ها زهراء انتي هنا كاعد اسوي عصير لعمر كلي اريد شي اشربه