بين قسوته وحنانه ((باللهجة العراقية))

البارت 29

تعال واترك الارض هذي لِأهلها تعال مكانك بين ايديني ♥

تصويت جورياتي❤
___________________
.
.
.
.
كرار بصدمه..عليج الله صدكك

ملك بفرح..اي والله قبلت

كرار..خو لعد باجر اجيب اهلي وعمي ونخطبج

ملك بخجل..خوش حبيبي

كرار..يمممه فديت اليخجل يله اروح اكمل شغلي

ملك..اوك حبيبي الله وياك

ملك..ما صدكت من قبلت زينب يعني خلص راح اخذ حبيبي الحمدلله ياربي

رحت سولفت لماما كلشي بالبدايه زعلت كالت ليش ما كتيلي بس بعدين من عرفت انو هو ابن عمي وباجر يجي يخطبني واحنه واحد يحب الثاني فرحت وكامت تحضر حلويات وشغلات لباجر..
.
.
.
.
...........................

عمر..يعني مصدوم من الي صار والي سوته سمر معقوله جانت ساحرتني اني شبيه شلون خطبتها لا والقهر هيه السبب بموت ابني

كتلتها كتله زينه بردت كلبي وطلكتها خلصت منها وابوها كتلها وحبسها

من اجه الشيخ يقرالي حسيت روحي راح تطلع وتقيأت شغلات شكلها مدري شلونه كله من السحر الي جنت اشربه حسبي الله ونعم الوكيل بسمر

ماتوقعت توصل بيها المرحله لهنا كمت اراجع الشيخ ويقرالي اتمسكت بالقران بعد ما جنت تاركه

بديت احس انو جنت نايم وصحيت زينب شلون طلكتها شلون هيج عفتها اني احبها همزين مزوجت

صح انخطبت وخطيبها استشهد الله يرحمه بس لازم ارجعها الي اني احبها مستحيل افرط بيها مره ثانيه

كمت امارس حياتي الطبيعيه الحمدلله ورجعت عمر القديم آلام راسي راحت كلها تقربت من ربي اكثر

كرار الجنت مبتعد عنه رجعت علاقتنه سوه وقويه وعرفت انو راح يخطب ملك وفرحتله هواي
.
.
.
.
................................

زينب..حياتي ممله وكلش حزينه مرتضى مانسيته ولا نسيت حجيه وشلون جان يتغزل بيه ويحبني

لحد الان مصدومه شلون مرتضى مات خلص يعني بعد ماكو مرتضى

اهل مرتضى دائما اروحلهم وام رهف من تشوفني تضل تنحب وتذكر مرتضى الي اصلا هيه مانسته ابد

ماكتلكم انو قبل استشهاد مرتضى اني امتحنت والبارحه نشروا النتائج ناجحه رحت للمرحله الرابعه الاخيره واخلص الجامعه واتخرج

تقبلت الأمر الواقع وكمت أقره قرآن واصلي واهديهن لمرتضى رجعت لحياتي القديمه بس مرتضى ما نسيته وحتى اروح ازور قبره دائما

من سمعت انو كرار يريد يخطب ملك بس علمودي يستحون يجون رحت كتلها خل يجون لان الحياة متوكف على أحد وخطيه كرار صارله سنتين يحب ملك ويريد يخطبها بس الظروف تمنعهم