بين قسوته وحنانه ((باللهجة العراقية))

البارت 5

-يا ظَرف يرهم بـ طوليّ
حَتى أحط روحي وأجيك "🖤

تصويت جورياتي❤
_____________________
.
.
.
الدكتورة: الحمدلله الجنين بخير وهسه اكتبلج فيتامينات ومقويات وديربالج لتشيلين ثكل وتصعدين الدرج بسرعه وركض لأن الاشهر الاولى من الحمل تكون حرجه

زينب بهدوء: انشالله دكتورة

عمر بتوتر: اااا زين دكتورة هوه الجنين هسه شكد عمره

الدكتورة: عمره شهر واسبوع

عمر: اها خوش دكتورة شكرا

الدكتورة: عفوا

طلعوا زينب وعمر وراحوا للصيدليه يجيبون الدوه حتى يرجعون للبيت طبعا عمر سأل الدكتورة هذا السؤال حتى يحسب من يوم الاغتصبها وصدك حسب وطلع بيومها يعني هذا ابنه ارتاح واطمن بعد ما كالوله خاف هذا مو ابنك كذب بس مابين لزينب شي حتى ليضوجها رجعوا للبيت جانت الحجيه كاعده بالصاله شافتهم وكالت

ام صابر: ها يمه بشروا شكالت الدكتورة

عمر: ماكالت غير كل الخير الطفل صحته كلش زينه وانطت لزينب مقويات وكلتلها على كم شغله

ام صابر بفرح: اي يمه انشالله تكومين بالسلامه واهم شي تمام الخلقه

زينب: انشالله حجيه

راحت زينب تبدل ملابسها وبدوا يصبون بالعشا واجتمعوا وكعدوا ياكلون خلصوا العشا كامن البنات وشالن الغراض وصبوا جاي وزينب وملك وهيفين طلعن كعدن بالحديقه همه عدهم حديقه كلش جبيره وحلوه كاعدات يسولفن جان تكول زينب

زينب وهيه تتخيل : اكلكم مشتهيه هسه بقلاوه وزنود الست وكنافه اخخخخخ لا وبرمه هم وكون هيج القوطيه متروسه واكل وميخلصن اللله اريد😧

هيفين: يمعوده منين نجيبلج هسه حلويات عود باجر اخلي جلال يروح يشتريلنه

زينب: ولج اشتهيتهن هسه بعد ماتحمل

شويه وصاحولهم يدخلون جوه دخلن البنات جان كل واحد رايح لغرفته لأن همه من وكت ينامون ام عمر وأبو عمر والحجيه ناس نايمه وناس كاعده ظلت زينب وملك يسولفن ويتصفحن بالموبايل شويه واجت رساله من عمر لزينب كاتب بيها تعالي للحديقه ردت عليه زينب ليش كللها تعالي بسرعه لتضلين تحجين بس مو تكولين لأختج...
.
.
.
.
.
زينب كالت لملك رايحه تشرب ماي نزلت جوه وطلعت للحديقه شافت عمر كاعد على المرجوحه وبحضنه علبه بالجيس راحت يمه

زينب بهدوء: شنو ردت نزلتني

عمر بهمس: تعالي كعدي بصفي

راحت زينب كعدت بصف عمر على المرجوحه فتح عمر العلبه وجان تشوف زينب حلويات فاخره

زينب بدون وعي: الللللللله

ضحك عمر عليها وكللها: سمعتج تكولين لخواتج مشتهيه حلويات وكلبي مانطاني ابقيج لباجر مشتهيتهن وابني يريدهن فجبتلج