الحب الغير مقصود بقلم رانيا وجدى ..

الفصل الرابع

نزلت همس من على السلم ووجدت عليا بإنتظارها ...

عليا بغضب: الله الله يا ست همس كل ده تأخير ولا كإن فى وحده مستنياكى..

همس: ما تهدى يا كلب البحر .. يلا هنتأخر.. وبعدين انا كنت بودع الاسره..

عليا بإبتسامه: طب سماح المره دى..

وذهبا الى الاتوبيس لكى يذهبا الى القاهره وهناك سوف تنقلب الموازين...

***********************************
فى قصر عائله الشناوى وفى غرفه آسر..

آسر وهو يتحدث فى الهاتف مع صديقه سيف..
آسر: سيف انا خايف حد يعرف انى بشرب هروح فى دهيه..

سيف: يا شيخ أجرى هو فى حد بيسأل عننا دا الحال من بعضه..

آسر: على رأيك دا انا لو مش بشوفهم على السفره ولا هحس انى حد معايه دا انا اكنى شفاف..

سيف: وبعدين احنا بنعمل اه احنا بنلف سجاير مش حاجه هو حد لاحظ عليك حاجه..

آسر بحزن: لأ مفيش .. بقلك يا أسطا انا عاوز اسهر معاك وزبط الدنيا سلام..

تنهد آسر  بألم على حاله وعدم معرفه أحد عن ما يفعله..

***********************************
أستيقظ ادم ولبس تيشرت اسود وعليه بنطال اسود وكوتش ابيض وصفف شعره بدقه ووضع عطره الذى أقل ما يقال عنه انه رائع فكان مظهره كفيل ان يجعل جميع الفتيات الوقوع فى حبه.. رن الهاتف الخاص به وكان المتصل جاسر..
أدم: ايوه يلا عاوز ايه.. تن تن.. ما أنا نازل اهو

جاسر: طب اخلص عندنا تمرين والكوتش هيفضحنا..

ادم بلا مباله: طيب انا نازل اهو..

ونزل ادم وجد جاسر ينتظره داخل العربيه..

جاسر بتريقه :ايه يا سعت البيه على فين العزم..

أدم بسخريه: اجرى يا أسطى اصل إتأخرت على الشغل والمدير هيبهدلنى ..

جاسر بغضب: انت هتستعبط يا ابو شغل ..

ادم محاولا تغير الموضوع: طب يلا إطلع علشان منتخنقش  اكتر من كدا..

وانطلق السياره

جاسر: شكل سهرت امبارح عجبتك..

ادم: هيا عجبتنى بس ...دى كانت جامده..

جاسر: هههههههه الله يحرئقك انت هتوب امتا بس فعلا كانت سهره جاحدة الواد عمر ده دماغ...

ادم: بس تعرف تعبت من الحاجات السهله نفسى فى وحده صعبه كده...

جاسر: فى الزمن ده ما تلقيش ..انا كمان نفسى فى وحده اتشدلها..

وأثناء حديثهم وشرود جاسر كان سيقوم بخبط فتاه لا يعلم من اين أتت امامه..

أدم بصوت عالى وتحذير : حااااسب..