الحب الغير مقصود بقلم رانيا وجدى ..

الفصل الثانى

وقفت همس مصدومه مما شاهدته انها صوره لوالدها وعمها وجدها داخل القصر.

همس بصوت عالى: نور يا نور.

جاء كل من فى البيت على صوتها.

نور: فى ايه.

همس وهى تشير على الصوره: ايه ده

نور: دا دا انتى ازاى تفتشى فى حاجتى.

همس :متغيريش الموضوع من الراجل اللى واقف جنب بابا ده شبهه اوى ومين ده كمان.

وقفت دعاء مصدومه وبجوارها جنى التى لاتعلم شئ.

وقفت نور غير قادره على الرد.

همس بصوت عالى: طول عمرى وانا شكه ان فيه حاجه مخبينها عليا بس هيه ايه مش عرفه كل اما أسأل احنا ليه ملناش اهل بعد موت بابا وماما محدش يرد.بصراخ.انا عوزه اعرف كل حاجه دلوقتى.

نور وقد انهارت : عاوزه تعرفى مين دول انا هقولك .

دعاء :بلاش يا نور.

نور :لأ هيه مش صغيره اللى عوزه تعرفيه ان اللى فى الصوره دول جدك وعمك اللى زلوا بابا وماما الله يرحمهم.

  همس بصدمه هى وجنى.

جنى: يعنى احنا لينا أهل ومحدش بيسأل عننا طب ليه ليه الكره ده.

نور ببكاء: اللى حصل ان لما بابا طلب يتجوز ماما جدكم عزيز الشناوى ازاى يجوز ابنه لبنت السواق طلب من بابا انه يبعد عنها بس بابا رفض واتمسك بماما فجدكم طرد بابا من قصر من غير اى حاجه وبابا كان لسه فى الكليه ومش عارف يعمل ايه راح لجدوا كمال طبعا هو اترفد من الوظيفه اللى عند عزيز الشناوى بابا طلب يتجوز ماما وجدو كمال وافق وعرفين بابا بن الناس الاكابر اشتغل اه سايس يمسح العربيات علشان يكمل تعليمه ومكنش حد بيسأل عليه حتى اخوه اللى طبعا جدكم كتبله كل حاجه علشان يقهر بابا وبعد عشر سنين كان بابا خلفنا والمصريف زادت عليه كان بيشتغل فى مكتب محامى الصبح وبعد الضهر سايس ذى ما هو وفى يوم كان بيشتغل وفى عربيه جت من بعيد طلعت عربيه عزيز الشناوى عرفين عمل ايه هان بابا ورش عليه الميه ورمى عليه الفلوس ذى الشحات بابا روح اليوم ده من الاهانه اللى اتعرضلها جتله سكته قلبيه وبعديه بيومين مات وبعد اسبوع ماما مستحملتش وماتت ويوم العزا خالتوا سمعت جدو عزيز وهو بيقول انو هيخدنا ويربنا علشان منطلعش ذى بابا خالتوا خدتنا وهربت بينا هنا ومن يوميها محدش يعرف عننا حاجه.

وبعد ان انتهت كانت الصدمه ظاهرة على وجه جنى وهمس وهما يبكيان بشده.

همس وهى تضم اختها نور: ياه يا نور كل ده شيلاه فى قلبك انتى تعبتى اوى .

جنى : انا بكره عيله الشناوى اوى اهم حاجه ان احنا مع بعض.

دعاء :ربنا يحميكم ويخليكوا لبعض.