الحب الغير مقصود بقلم رانيا وجدى ..

الفصل الثامن

فى العربيه كانت همس وعليا يجلسان فى الخلف..وكان ادم يقود وبجاوره جاسر الذى يغمز لعليا فى المرآه..

عليا لجاسر: هو فى حاجه يا اخ..

جاسر مدعى البرائه: لأ  مفيش هو حاجه حصلت...

عليا: اووووووف.. وقالت لهمس بصوت واطى ..هو احنا موعدين بعيال رزله كل اما نمشى ..فين ايام كليتنا ..

همس: كانت مليانه مزز ورجاله كده مش عيال فرافير..

كان ادم وجاسر يسمعون ما يقولون واستشاطوا غضبا منهم..

ادم: هو فى حد زعلكم ولا عملكم حاجه فى الكليه النهارده..

همس: لأ ليه هو فى حاجه..

ادم: اصل شوفناكم وقفين مع واحد..

همس: اااه الواد اللزج ده يا عليا ..همس وهى تقلد مروان..انتوا مش من هنا ممكن نتعرف..مشفتش ارخم منه..

عليا: بس احنا اه مشينا وسبناه ..

جاسر: طب وبعدين..

همس: واحنا مروحين وقف برخامة اهله علشان يوصلنا...

ادم: اوعى تكونوا وفقتوا..

همس: دا احنا ادنالوا كلمتين فى جنابه ..يخلوه ميفكرش يقرب منا..

ادم بإعجاب: واللهى جدعين ايوه كدا ..ولو حد زعلكم تانى تتصلى بيه على طول.. انتى مش معاكى رقمى هاتى اسجلهولك..

همس: تمام..
وتبادلا الارقام..

همس : هو حازم زمانه جه صح..

ادم بغضب : بتسألى ليه..

همس: عادى من باب الفضول.. وعلى جنب يا اسطى علشان عليا تنزل..

عليا : سلام ..همس اوعى تنسى احمد عوزنا بدرى بكره..

همس: احلفى احمد جاى..

عليا: طبعا..

جاسر بغضب: مين احمد ده..

عليا: وانت مالك.. وتركته وغادرت..

همس: ههههههه شكلك بقى وحش..

جاسر: مين احمد ده يا همس والنبي لتقولى..

همس:  هههههه احمد ده صحبنا من زمان وهو فى اخر سنه بس هيجى يوم يطمن علينا ..

ادم: صحبكوا ازاى يعنى..

همس: هو جرنا اصلا وكنا بنروح المدرسه معاه هو مثلنا الاعلى حتى لما دخل هندسه ميكانيكا دخلنا ذيه رغم التناقضات اللى جتلنا علشان احنا بنات.. وكان بيشتغل ميكانيكى فى الاجازه ولما كبرنا شويه اشتغل فى شيركه سيارات وكان بيدرب ..احمد ده بيحسسك ان الدنيا لسه بخير. وان فى شباب عندهم امل فى بكره وتغير حياتهم..

جاسر: كل ده عنه ليه يعنى..

همس: تعرف انا لو اطول اقول فيه شعر هقول دا وقف معانه يامه..