الحب الغير مقصود بقلم رانيا وجدى ..

الفصل العاشر

عاد الجميع من العمل فى انتظار همس واحمد..

يوسف لهنيه: همس جت ولا لسه..

هنيه: لأ لسه ما جاتش..

يوسف: طب اول لما توصل قولى..

هنيه: حاضر..

ذهب الجميع الى غرفهم..

فى غرفه ادم كان يتحدث فى الهاتف مع جاسر ..
ادم: يخرب عقلك يعنى انت قولت ليها كدا..

جاسر: ااه معرفش انا قلت كدا ازاى ..بس انا فعلا بحبها اوى.. يخرب بيت  جمالها..

ادم يريد ان يغيظه: فعلا هيه جميله اوى ..

جاسر بصوت عالى :  نعم يا خويه ما تلم نفسك ياض..

ادم: هههههه خلاص يا عم بضحك معاك..

جاسر: مش فى الحجات دى دا انا اللى يقول عليها كلمه انسفه..

ادم: خلاص يا حبيب..ما تيجى تتغدا معايه..

جاسر: أشطا ..هجيلك انا زهقان اصلا سلام...
وبعض قليل تجمع الجميع فى الاسفل...

يوسف :هنيه امال آسر فين..

جاء آسر من بعيد : مين بيسأل..

يوسف: ابدا اكمنى مسمعتش صوتك..

اصابت خيبه امل آسر: بس كدا..

يوسف: ايوه..هما اتأخروا ليه.. ااه صحيح امال سحر فين..

هنيه: الست سحر هانم قالت انها رايحه النادى وهترجع على الغدا...

وبعد قليل جاء جاسر....

جاسر: متجمعين عند النبي..

يوسف: منور يا حبيبى عامل ايه..

جاسر: منور يا ابو حازم واللهى انت احلى من البغال اللى جنبك بقى واحد قمر ذيك يخلف دول..

يوسف: اقعد يا اونطجى..

ادم: طب اقعد يا بغل..

جاسر: يا شيخ اجرى.. آسر حبيب قلبى امال سيف عامل ايه..

آسر بتلعث: هو..هو ..كويس الحمد لله..

يوسف: انت مش بتشوفه..

جاسر: انت عارف انا سايب البيت من زمان..ما انت عارف ألفت مرات بابا مش بطقها..انا بشوف بابا لكن سيف لأ..

يوسف: دا اخوك حتى لو ابن ألفت ..انا عارف انها بهدلتك بس نعمل ايه..

جاسر: ما انا بسأل على سيف .. بس مش عارف قلبى مقبوض عليه.. آسر انا عارف انكم اصحاب هو انت متأكد انه كويس..

آسر: ااه هو كويس اوى ..انا كل يوم معاه ..

جاسر: كويس انك معاه انا عارف انكم رجاله..

خفض آسر رأسه..وفى تلك الاثناء سمعوا صوت كلكسات..

يوسف: تعالوا نطلع اهو العيال وصلوا..