الحب الغير مقصود بقلم رانيا وجدى ..

الفصل ٢٣

يوسف بصوت عالى:  جوزهااااا ..جوزها مين ...

الدكتور: فيه ااايه حضرتك انا غلط فى حاجه..استاذ ادم الشناوى جوزها..

يوسف: هو اللى جبها هنا طب هو فين...

الدكتور: معرفش حضرتك هو دفع حساب المستشفى وبعديها معرفش راح فين..

يوسف: طيب شكرا لحضرتك..واسف انى عاليت صوتى..

الدكتور: ولا يهم حضرتك انا مقدر الحاله اللى حضرتك فيها..

ذهب يوسف من عند الطبيب وهو شارد الذهن فى ابنه لماذا فعل ذلك هو يعلم انه يحب همس ..
قام بالاتصال على الحارس الذى كلفه بالبحث عن ادم  .

يوسف: ادم عاوزك توصل ليه فى اسرع وقت فهمت..

الحارس: أوامر سعاتك يا باشا ......

ذهب يوسف الى همس وجد دعاء تجلس بجوارها وهمس مسترخيه لا تدرى شئ..

يوسف بضحكه سخريه: الزمن بيعيد نفسه مش كدا..

دعاء ببكاء: ليه يحصل مع بنتى كدا ليه حظها زى حظى كدا مكتوب ليه تعيش فى عذاب زى ..

يوسف: صدقينى لو الزمن يرجع ماكنتش اتخليت عنك ابدا...

دعاء: انت بتتكلم فى ااايه دى حكايه فات عليها سنين..انا عاوزه حق بنتى وبس..

يوسف: حق همس عندى انا.. بس يلا نمشى الدكتور قال ان مش ينفع نبات هنا ..والصبح بدرى نيجى..

دعاء: مش هقدر اسبها..

يوسف: معلش تعالى بس مجتش من ساعتين زمن والنهار يطلع..

اطاعته دعاء ونزلت معه وفى طريقهم كان ادم فى السياره يتابعهم..حتى اختفوا من امامه..ففتح باب سيارته وخرج منها وصعد لهمس ووجد ان الممرضه معها..

الممرضه: لوسمحت حضرتك الزياره ممنوعه دلوقتى..

ادم:انا هقعد شويه صغيرين مش هطول .

الممرضه: لأ مش هينفع..

اخرج ادم من جيبه كثير من النقود واعطاها لها وقال: انا هفضل معاها ولا امشى...

الممرضه وهى تأخذ المال بسعاده: لأ اتفضل خاليك..تنور..
وتركته وغادرت..
بينما ادم جلس بجوار همس طوال الليل حتى غفى دون ان يشعر على الكرسى بجوارها....

_____________________________
بينما فى مكان اخر خرج اسر من المنزل على عجله الى شقه سيف حيث ان سيف ترك العيش مع جاسر تلك الفتره وعاد الى شقته القديمه..
فى الشقه..جلس سيف وآسر..

آسر بتعب: معندكش تذكره ولاحاجه..انا نفوخى هينفجر..

سيف : ومين سمعك الواد تامر راح يجيب وجاى...

آسر: تامر مين؟؟

سيف: تامر الحناوى...

آسر: الله الله هو الواد ده ليه فى الضرب ...