ام هشام : هلو هشام شلونك
هشام : الحمدلله زين ماما حبيبتي يلة راح احضرلكم الاكل كلش راح يعجبكم
يلا بابا ، محمد ، فهد تعالو نتعشىه الاكل حار
ابو هشام : اليوم الدكتور جايب العشا
هشام : ههههه بابا بربك لا تكُلي دكتور وهالسوالف دتحسسني بالمستشفى اني مو بالبيت
ابو هشام : بالعكس ماتعرف شكد ارتاح من اكُلك دكتور احس بفخر
هشام : بابا انت الفخر مالتي كله انت وامي واخواني
ام هشام : شلون كلام حلو هذا اني مالي حصة ؟
ابو هشام : لا شلون ماالج حصة غير انتِ ام الدكتور
ام هشام : الله يحفظكم الي كلكم ويوم الي افرح بمحمد وفهد ويصيرون مثل هشام
هشام : يلة كافي دراما وين محمد وفهد خلي ناكل ترة ميت جوع ونعسان
انتهى العشة ومثل كل يوم هشام يرتب المطبخ قبل لاينام حتى من امة تكعد من النوم تلكة كلشي مرتب ومااتعب نفسها .
وباليوم الثاني شوي جان الوضع بالشارع متوتر بسبب المظاهرات لان بدأوا المتظاهرين يقطعون الطرق
ويغلقون بعض المناطق فصارت ازدحامات قوية بالشوارع :
هاجر: يالله اليوم كُلش مو مال دوام
ام هاجر : يلا ماما هاجر كعدي من النوم
هاجر : ماما كاعده بس مالي واهس اداوم اليوم
هسه راح اخابر رند واكللها
ام هاجر: براحتج اني هسه راح اطلع للدوام وابوج هم راح يطلع حتى تقفلين الباب ورة ما نطلع
هاجر : تمام
وهنا رند خابرت هاجر
رند : الووو هاجر شلونج
هاجر :هلو رند حبي ،
اكلج رند اليوم لا تجون ماداوم
رند: ليش ولج كومي بدلي بسرعة وتحضري شوي ويجيني ابو الخط ،اليوم ورة الدوام راح نروح لساحة التحرير اتفقنه بالكروب البارحة فـ حتى تجين ويانة
هاجر : صدُك يعني حتروحين !!
رند: اي ولله شبيج مداشاقة الكل دتروح لساحة التحرير اصلاً ديطلبون من طلاب الجامعات يعتصمون وهذا اقل شي ممكن نسوي هاجر بحق بلدنه .
هاجر : ولله يارند قنعتيني الصراحه وكُلش حابة اجي بس بابا وماما حذروني ادخل بهذا الموضوع مجرد داناقشهم البارحة بالفكرة عصبوا عليه وسديت الموضوع
رند: هاجر ترة رايحين لساحة اعتصامات ماكو شي يستدعي الخوف ومو بس اني وانتِ كل الناس دتروح كولي لأمج وابوج هذي الاعتصامات الكل دتشارك بيها واحنة راح نروح كم ساعه ونرجع قابل راح نبات !
