هاجر: الووو هلاو رنودة
رند: هلو هاجر
هاجر: شلونج
رند: على الله
هاجر: شنو صاير وياج
رند: نفس كل مرة مشكلة ويا امي
هاجر: اوووف والى متى تضلون هيج!؟
رند: مفكرة حياتي راح تكون سعيدة من ازوج واحد غني
هاجر: ترة اليوم خالة خابرتني وطلبت مني انو احاول اقنعج بموضوع الزواج
رند: اها لجأت الج !؟
هاجر: اي وكتلها خالة راح احاول اقنعها والقرار يبقى الها توافق ا و ترفض
رند: هاجر امي كُلش دتضغط علية
هاجر: اذا انتِ رافضة الموضوع نهائي مستحيل راح تجبرج على شي
رند: امي تضل تعيد بالسالفة الف مرة
هاجر: خلص رفضي وسدي الموضوع ولتتناقشين حتى بأسباب الرفض من راح تشوفج قافلة بعد متفتح الموضوع وياج
رند: من البارحة مغثوثة اني
هاجر : لا تنغثين حبي
رند: اليوم بقيتي وحدج بساحة التحرير
هاجر: اي والله مكانج فارغ
رند: الباجر اروح لساحة التحرير ان شاءالله
هاجر: على طاري ساحة التحرير ترة اليوم عمر كُلش افتقدج
رند: شلون !؟
هاجر: من جنت داحجي ويا خالة بموضوعج هو جان موجود وسمعني من كلت خالة اذا ممقتنعة مااكدر اغير قرارها لان هذا زواج وتغيرت تعابير وجهة
رند: ولج خابرني اليوم كلي شبي صوتج
هاجر: اي !؟
رند: كتلة تعب وارهاق وكال اني موجود واسمعج باي وقت
هاجر: اي ترة خابرج من سمعني حجيت ويا خالة علمودج
رند: شنو معنى هالمكالة ؟؟
هاجر: لتغشمين نفسج وانتِ تلكفيها وهي طايرة ست رند
رند: ههه معقولة يعني ديفكر بية!؟
هاجر: ملامح وجهة مدتروح من بالي من سمع كلامي ويا امج
دااحس بي يحبج بس ميبين مشاعرة
رند: شلون سالفة هاي !!! هسة اريد اعرف يحبني لو لا شلون اتأكد!!؟ ساعديني هاجر
هاجر: لازم نفكر بطريقة تبين مشاعرة بدون منحسسة بشي!
رند: هاجر !؟
هاجر: عيون هاجر
رند: راح اكُلج على سر بداخلي ومكايلتة الج
