وصلت هاجر للبيت
هاجر : هلو بابا شلونك
ابو هاجر : هلو بنتي شلونج تعالي سولفيلي شصار بساحة التحرير
هاجر : والله بابا نفس كل يوم يضربون دخانيات على المتظاهرين الي قاطعين جسر السنك وديستخدمون القناص وديقتلون بالعالم
بس الحمدلله الاعداد دتزيد رغم كُلشي ديصير
ابو هاجر : انتِ مو على بعضج بيج شي وجهج اصفر معاجبني
هاجر : لا بابا مابيه شي بس تعبانة لان كاعدة من الصبح
ابو هاجر : جايب لفات شاورما الي تحبيها تعشي وروحي نامي
هاجر : اوك بس شو ماما ماكو
ابو هاجر : امج ابيت خالتج مريم
هاجر : اني راح اروح اسبح واكل بعدها انام عفية اذا اجت ماما
لا تكعدني لان تعبانة كلش وباجر وراي كعدة من الصبح تمام !
ابو هاجر : ماشي حبيبتي
اما هشام بقة بساحة التحرير وباليل رجع للبيت
دخل للبيت ولكه اهلة نايمين بدل وتمدد وحاول ينام بس جان بالة يم هاجر
هشام : خلي احجي ويا رند واشوف هاجر شلون صارت
ومباشرة خابر رند
هشام : الوو مساء الخير رند
رند : مساء النور دكتور
هشام : رند اسف متصل بهالوقت بس بالي مشغول على هاجر شلون صارت خوما بعدها تعبانة ؟!
رند: لا ماكو ازعاج دكتور بالنسبة لهاجر فأني خابرتها تقريبا ساعة ٨ ماجاوبتني وخابرت ابوها وكال رجعت مالها خلك وكالت اريد انام
هشام : اكدر اطلب منج طلب واتمنى مترفضين
رند: تفضل دكتور
هشام : اريد رقمها اريد اخابرها واعتذر منها على الي صار اليوم
رند: ممم يعني مادري شكُلك دكتور خاف انطيك الرقم وهاجر تعصب علية وتزعل
هشام : تصدكين بية اذا كتلج موضوعها شاغل بالي من صار لحد الان ! اريد اعتذر منها لا اكثر ولا اقل
رند: ماشي دكتور راح ادزلك الرقم ولو اعرف هاجر شراح تسوي بية
هشام : خلي الموضوع علية ولتشيلين هم
رند : تمام هسة ادزه الك
هشام : شكرا الج تعبتج
رند: العفو دكتور
هشام : حروح هسة وانتظر منج الرقم
تصبحين على خير
رند : وانت من اهل الخير
دزت رند رقم هاجر لهشام وهي خايفة من هاجر خاف تزعل عليها
رند: عزة بعيني هاجر شراح تسوي بية باجر لله يستر
