وراح هشام يغسل ويبدل حتى يروح للمستشفى
وبهالاثناء خابرته هاجر
هاجر : الووو صباح الخير هشام
هشام : صباحج ورد اليوم انتِ احسن مني
هاجر: ليش !؟
هشام : لان اني قبل شوي كعدت من النوم وبعدني مرايح للمستشفى ومتأخر اما انتِ مبين اليوم نشيطة كُلش
هاجر : لعد اخذ راحتك اني خابرتك لان هسة وصلت لساحة التحرير
هشام: خليني هيج مرتاح ، صدُك شلونة الوضع يمج
هاجر: اليوم اعداد كبيرة جاية من الطلاب وكلهم لابسين تيشرت ابيض بحيث منظرهم كُلش حلو وومُميز
هشام : اها حلو ، زين اكُلج رند وياج ؟؟'
هاجر : اي وياي ولكينه دكتور عمر بالمفرزة
هشام : اكمل واجيكم ، انتبهي لنفسج
هاجر : تمام انتظرك ، باي
هشام : باي
سدت الخط هاجر وضلت تسولف ويا عمر ورند
هاجر : كُلش حبيت فكرة الطلاب اليوم
عمر : شو عجبتني سالفة التيشرت الابيض
رند: اي بس هو للطلاب مو للمتخرجيـــن يعني يرهم الي ولهاجر
عمر : وانتِ منو يمج هههه بكيفي باجر البس تيشرت ابيض
رند: التيشرت خاص بينه احنه الطلاب مو لحضرتك
عمر : لو تقرين بكد ما تنتقدين جان طلعتي الاولى رند
رند: ومنو كلك اني مو الاولى !!!!
عمر : اي اعرف الاولى بالدور الثاني ههههه
رند: متضحك ترة هه
هاجر: مو وكتها بربكم
رند: مدتشوفي انتِ ديستفزني و اني مو يمة
عمر :هههههه نعم !!! اني استفزج؟؟!
رند : اي كلما اكول شي؟! تستفزني بكلامك حتى تنرفزني!؟
عمر: زين اوك وهسة تنرفزتي!؟؟
رند: اي من شفتك !
عمر: ايي الف الحمدلله والشكر هم زين تنرفزتي هذا هو المطلوب ولو انتِ اليوم تحارشتي بية
رند: هه ملـــيق
عمر : شنو كلتي !؟؟ ماسمعتج عيدي كلامج
رند: كلام الملوك لا يُعاد
عمر : اول مرة اشوف ملك يحجي بصوت هادئ هههههه يعني موكدها يحجي بصوت عالي هههههههههه
رند: شسويلك اذا اذنك بيها خلل
عمر: ههههه لا مابيها خلل بس الملك مايتجرأ يرفع صوته هواي يمكن يخاااف هههههه
