هشام: هلو عموري
عمر: هلو حبيبي ، شلونك
هشام : الحمدالله وانت شلونك ،شخبارك؟!
عمر: عايش بهذي الدنيا
هشام: انتَ وضعك ماعاجبني هالفترة
عمر: عادي يمعود
هشام: اليوم تحجيلي كُلشي
عمر: مالي خلك هشام
هشام: عمر احجيلي حتى اساعدك
عمر: بالي مو صافي ومتشوش وحتى مااعرف احجي شي خليني هيج ساكت افضل
هشام : عيب عليك اني هشام اخوك مو غريب حتى تكُلي هالكلام
عمر: لا تفهمني غلط بربك
هشام : انت تحب !!؟
عمر: ماادري
هشام : اها مااتدري !!!
عمر: ماعرف هذا شنو الداحس بي ومتشوش ومداعرف اتصرف
هشام : طبعاً متميز هذا حب او لا من كثرة علاقاتك بالبنات الي مالها معنى
عمر: شنو دخل العلاقات بهذا الموضوع هشام !؟؟
هشام : مستعد تخسر رند!؟ مستعد تتحمل خبر ارتباطها
عمر: ليش هي ارتبطت هشام !؟!
هشام : لاماارتبطت
عمر: لعد ليش هيج دتحجي
هشام: داشوف لهفتك عليها !؟
عمر: اني ضايع هشام
هشام : شوف عمر لازم تحدد نوع مشاعرك تجاه رند لان البنية تختلف هواي عن طبيعة البنات الي بحياتك ومتستاهل تنجرح
عمر: اني دااضوج من مااشوفها ، احب اضوجها احب اعصبها احب ضحكتها احب عصبيتها ومداعرف اذا اني احبها او لا
هشام : حسيت بهالمشاعر ويا بنية غير رند ؟!!
عمر: لا
هشام : انت تحبها بس متشوش وخايف انو تعترف بحبها وبعدين تندم موو!؟
عمر: اي
هشام: فكر بهدوء وراح تعرف الجواب
عمر: خايف تتزوج
هشام : مراح تتزوج ، اطمن
عمر: منو كلك !؟؟
هشام : هاجر كلتلي
عمر: ماشي
هشام : كااافي كأبتني والله ترة اليوم اني خاطب المفروض هسة انت تدللني
عمر: ههه
هشام : اي اضحك يمعود
عمر: اتفقتو على المهر ؟؟
هشام : اي الحمدالله اتفقنة اليوم على كُلشي بلكي الجمعة تصير كعدتنة والاحد نعقد
عمر: مستعجل هشام !!
