يوم الاحد بتاريخ ٩/٢٢ :
الام (الست رونق): هاجر ماما كعدي من النوم وراج دوام يلا حبيبتي كومي
هاجر : اوك ماما بس ثواني عفية لتخبصيني هيج خليني على راحتي
ام هاجر: هاجر ساعة ٧:٣٠ بين ما تكعدين وتتريكين وتبدلين يجيج ابو الخط يا امي غير علمود تلحكين وتروحين للدوام
هاجر : خلص خلص راح اكوم هفففف
شوكت اخلص من الكليه ولله لعبت نفسي
ابو هاجر : يلا رونق اني طالع اخلص دوام واروح للسوك اجيب مسواك للبيت شنو تحتاجون خابروني ماشي
ام هاجر : ماشي انتبه لنفسك لله وياك
وبهالاثناء وصل خط هاجر طبعاً جانت رند ويا هاجر بالخط :
رند : يعني هاجر راح تجلطني اسفه عمو بس تعود هاجر على طول تتاخر حتى من جنه بخطنه القديم هيج
الووووو هاجر يلا ترة ربع ساعه بالباب دننتظرج
هاجر: طلعت طلعت
طلعت هاجر من البيت وصعدت بالسياره :
رند : صباح الخير
هاجر : صباح النور
رند: هاجر شفتي الانستكرام وكل مواقع الميديا مكلوبة علمود سالفة المظاهرات
هاجر : اي انتبهت بس حالها حال غيرها يمعودة
فترةويهدؤن وترجع العالم لبيوتها
ماتصور تكبر
رند: هاي وين انتِ يمعودة الدنيا محتركة وشهداء هواي راحو خلال كم يوم بس لا هالمرةالوضع يختلف
هاجر : ماعرف بعد المهم اليوم عدنه امتحان خلي نلتهي بي افضل
وصلو هاجر ورند للكليه طبعا هاجر بنية ابداً مو نشيطة ومتحب كعدة الصبح بس متفوقة وتقريبا كل بنات القسم يغارون منها كونها حلوةحيل وذكية وتنجح كل سنه من الاوائل
اما رند عكسها مخبوصة بالكليه وكل يوم تداوم وتحضر محاضرات بس للاسف كل سنه تطلع دور ثاني.
بهذا اليوم جان حديث الكلية عن المظاهرات والوضع الديصير واكو طلاب قررو انو ورة مينتهي دوام الكليه يروحون لساحة التحرير حتى يأدون واجبهم ويا اخوانهم طبعا رند وهواي بنات من القسم تشجعو وقررو ثاني يوم يبلشون يتظاهرون
لكن هاجر ماجانت دايرة بال لان مقتنعة بفكرة انو البلد ما يتغير
انتهى الدوام ورجعو رند وهاجر لبيوتهم .
هاجر : ماما بابا وينكم
ام هاجر : هسه نور البيت ، راح اكوم احضرلج الاكل
هاجر : تمام اني افوت اسبح بين ما يجهز الاكل.
أما هشام يقضي نص يومة بالمستشفى باعتباره من اقوه الجراحين الي موجودين بمستشفى الشيخ زايد هو وصديقة الانتيم عمر ويرجع للبيت متاخر وتعبان طبعاً هو الكل بالكل بالبيت اهله وضعهم المادي مو تمام وهو شايل مسؤولية اخوانةالاثنين الاصغر منه
كل يوم يداوم ويرجع ويساعد امه بتنظيف البيت ويعين اخوانة بدراستهم
هشام : الو ماما حبيبتي لتسوين شي اليوم اني راح اجيب اكل وياي للبيت وعلى شرط الاكل الي انتِ تحبي
ام هشام : الله لا يحرمني منك يااطيب كلب بالدنيا
هشام : تدلل الحجيه شوي واوصل اني ماشي!؟
ام هشام : دير بالك على نفسك حبيبي
هشام : صار ماما
ام هشام: ننتظرك احنه يلة باي
هشام : باي حبيبتي
عمر : ها هشام يلة امشي اوصلك واني هم اريد اجيب اكل لبيتنه على واهسك
هشام : يلا امشي عموره
اما وائل فهو الولد الوحيد لأهله وعبارة عن شخص عِدائي ومتعب اهلة من مشكلة لمشكلة طبعاً هو يحب بنت عمة هاجر كُلش وبنفس الوقت عنده علاقات هواي بالبنات اما والد وائل لواء ركن يداوم بمنطقة الخضراء وفد شخصيه مهمة جداً واله نفوذ قوي وزوجته ام وائل انسانه اجتماعية وتحب تقدم المساعدة للناس لكن الاب والام جانوا تعبانين بسبب ابنهم ومشاكلة
طبعا كل يوم باليل هاجر تكعد تسولف ويا ابوها وامها لحد ما تنعس وتصعد لغرفتها تنام فبأثناء سوالفهم فتحت موضوع المظاهرات وياهم
هاجر : ماما بابا شنو رئيكم بالديصير اشو المظاهرات هالمره يكولون قوية وتختلف عن كل مرة
ابو هاجر : اي صح بلكي هالمره يتغير وضعنة ويسمعون الشارع العراقي
ام هاجر: اني برأيي مثل كل مرة ويرجع الوضع كما هو عليه
هاجر : ماعرف بس طلاب مرحلتنة اتفقو يروحون لساحة التحرير بعد الدوام حتى رند راح تروح
ام هاجر: هاجر مالج علاقة من هسه احذرج هالموضوع اكبر مني ومنج لا تدخلين بي لا من قريب ولا من بعيد
ابو هاجر: هاجر مثل ماكالت امج معليج بيهم ماشي بنتي ؟
هاجر : شبيكم شبيكم شوية شوية ترة مكتلكم حروح بس داناقشكم وبعدين ليش معلية اني مو عراقيه حالي حال الكل ؟
ام هاجر: هاجر ؟
من النهاية انسي الموضوع خليج بدراستج احسن
هاجر :تمام اني رايحة انام تصبحون على خير
ام هاجر : اخذي راحتج.
ابوهاجر : وانتِ من اهلو حبيبتي
ام هاجر: ميصير بس اني احاسبها علي ؟؟
ابو هاجر : احاسبها من تغلط والبنية مغلطانة بشي فقط دتناقشنة
ام هاجر: مشفتها ! شلون مقتنعة بسالفة المظاهرة ! يعني هذا الشي ابالها لذلك عصبت اني ؟
ابو هاجر : وأن جان ابالها لازم نسمع رأيها وبعدين نحاول نقنعها بالشي الي اني وانتِ نشوفة صح مالة داعي تصيحين عليها وتزعليها ؟؟
ام هاجر: ضل هيج مدلعها علي
ابو هاجر : اني هم راح اروح انام مالي خلك اسمع شي بعد
ام هاجر: لله وياك ، عادي تعودت كلمتي تصير ثكيلة عليك انت وبنتك ودائما ابقى وحدي ماكو شي جديد
ابو هاجر: تصبحين على خير
ام هاجر : وانت من اهلة
اما هشام رجع لبيته وجايب العشة وياه
